HEBRU 9:22 - Cho Bible Common Language 2016

²² Akcang ah thukhän ah pyein ah, a päng avan cu si awn vah theingcim ci. Si huk nak awn cheishoh nak cu phyawng hlawt ci.

HEBRU 9:22 Referans Kwoze

TAIGÜTHUM 17:11

Akghing nü ah ghin nak cu si ung om ci, cun ah kyasei Bawipa ah thumkhän cu, si avan cu chang gui ah katnak nawt heng nak ah sonkiang khan ah lawn vai. Si cu ghin nak ah kyak ci, katnak nawt heng ci.

TAIGÜTHUM 6:7

Taigüpa naw chang ah katnak ah phäh ah khawihnah nak a douthak vai, cun ung ani cu m’geinsei nak gah khai.

TAIGÜTHUM 4:35

Hmuhchum-douthak nak ah htome ah thau lak ah mäih ah ani naw cun ah thau avan cu a lak vai. Bawipa am pek ah ei-douthak nak ah sonkiang awn ng’däih khai ah am khih vai. Ashicha ah taigüpa naw chang ah katnak ah phäh ah khawihnah nak cu a douthak vai, ani cu m’geinsei nak gah khai.

TAIGÜTHUM 5:18

Ani naw kä kheihlik ciah htome hla baw, me hla baw, thungba nak douthak ah taigüpa am a thak law vai. Cun ah a phu cu akükyang ah ami k’bäi ah kyak ci. Taigüpa naw katnak ah phäh ah khawihnah nak cu douthak khai, cun cu chang naw kä ngaih-tüh ah a katnak ah kyak ci, ani cu m’geinsei nak gah khai.

TAIGÜTHUM 14:14

Taigü naw htome hta ah asi amshah cu la neta, theingthap ba ciah k’bäi vai ah chang ah akpat lam hnga koi, akpat lam kutnu la akpat lam khawnu ung a tha vai.

TAIGÜTHUM 14:6

Ani naw kha a hei tumat cu la ne, cedar sing ni, gui sen ni, singlim ni awn a täng ah a ngawn ah kha ah asi ung phung khai.

TAIGÜTHUM 5:10

Cun kawn ah a hnih nak ah kha cu m’khih ne douthak ah a douthak vai. Cun cu thungyo ah ciah bi ah kyak ci. A shicha ah taigü naw katnak bik ciah chang ah phäh ah khawihnah douthak khai, ani cu m’geinsei nak gah khai.

TAIGÜTHUM 4:26

Cun kawn ah ani naw a thau avan cu sonkiang ah khan ah am khih vai. Cun cu hmuhchum-douthak nak ah seime ah thau am khih ah mäih ah kyak ci. A shicha ah taigüpa naw uktu ah katnak ah phäh ah khawihnah nak cu a douthak vai. Ani cu m’geinsei nak gah khai.

TAIGÜTHUM 4:20

Ani naw katnak-douthak nak abi ah mäih ah a shin ah vantang awn bik khai, a shin ah mäih ah chang gui ah katnak ah phäh ah ani naw khawihnah nak cu bik khai, ngami cu m’geinsei nak gah khai gui.

TAIGÜTHUM 14:25

Ani naw htome hta cu ngawn ne, asi amshah cu la neta, cun ah chang ah k’pat lam hnga koi ni, pat lam kutnu ni, pat lam khawnu ni ung a mek vai.

TAIGÜTHUM 5:12

Ani naw taigüpa ah a law püi vai, taigüpa naw m’hnüt nak ah shum ät a lak vai, cun cu avan Bawipa am douthak ah kyak ci, ani naw cun cu sonkiang ung ei-douthak ah am khih vai. Cun cu katnak nawt heng nak ah douthak ah kyak ci.

TAIGÜTHUM 5:11

Cun ah chang naw mümkha hnih, käcung mümhta hnih kä am hnüt hning ah a kyak ung, katphyawn douthak nak ah, m’htut den a pie a law püi vai. Cun cu oliv situi awn phi kä shawi vai, ang ui phi kä shum vai, a i ah kyasei ci ung cun cu katphyawn-douthak nak ah kyak ci, htang douthak nak ah kä kyak ci.

EZEKIEL 43:18

Uktu Bawipa naw na pyen nak ci, “Hnicim chang, kei naw ka ning m’thein cu ngai ä. Sonkiang cawh law ung, nang naw na ap khai, akhan ung khawihnah nak m’khih ne, khawihnah nak ah seime gui ah asi cu akhan ung k’peh ne na cik khai.