HEBRU 9:2 - Cho Bible Common Language 2016

² Khophung ah ama lam cu, pyang hnga ne “Hmun Theing,” cine k’bäi ci gui. Cun ah kyong ah meidäi taih nak la Khanpughi am vawihpeh vai ah m’htut taih nak ah tawnglaai cu om ci.

HEBRU 9:2 Referans Kwoze

PHYAWN NAK 40:4

Tawnglang cu akyong ah hei hmoh ne cun ung mang gui vai phung ak khan ah na taih vai. Mei im ng’düi phi hei tha ne ak khan ah mei im gui cu m’däi vai.

PHYAWN NAK 26:35

Atheingcim Bäih Hmun ah akpung ah, asiip lam hnu nak khai ah tawnglang cu hmoh vai, a htum lam hnu nak khai ah mei im ng’düi cu hmoh vai.

PHYAWN NAK 40:2

“Ak htük bäih cha ah ak htük bäih hnüüp ung Bawipa ah om nak ah Phung cu na cawh vai.

PHYAWN NAK 26:33

Phung ah m’dik’cih ng’pyüm tän ah ka ah yihdung cu tha vai. Cun ah ng’leng ah lung palap hnih tha nak ah Thukhän M’küm cu hmoh vai. Cun ah yihdung naw a theingciim nak la atheingcim nak bäih cu m’chak khai.

PHYAWN NAK 29:35

Aaron la a hta gui phyisä nak gui cu, kei naw ka ning pyen nak gui ah mäih ah khaw hnüüp chih ung akcang ah bi vai.

PHYAWN NAK 29:1

“Shin cu Aaron la a hta gui naw ng’ap ne taigü ah kya ne ka bii ami bi vai ah na phyutheh gui vai ah kyak ci. Kä kheihlik ciah vantang nong la htome hnih cu na lak vai.

PHYAWN NAK 25:23

“Akasia sing awn tawnglang na pyan vai, ayun 88 centimetre, akdang 44 centimetre, a hlüng 66 centimetre ah kyak khai.

PHYAWN NAK 25:30

Tawnglang cu Thukhän M’küm ah ma ah na hmoh vai. Tawnglang ah khan ah kei am nami na douthak vai ah, m’htut theing cu angtäi sei nami taih vai.

PHYAWN NAK 25:31

“Mei im ng’düi cu ghui bäng awn nami pyan vai. Akung ah atung cu ghui bäng awn na pyan vai, am guh gui, apai gui om ciah cüiche nak ah cheipai gui phi tumat ah ng’däih khai ah pyan vai.

PHYAWN NAK 26:1

Theing ciah Phung ah akyong cu na pyan vai, cun ah phung cu kei ah om nak ah kyak ci. Cun cu akpong ni, ak ih ni, asen ni ah kyak ciah, linen pä yih ng’yung gha awn na cawh vai. Cun gui cu cherubim gui ah a gup gui awn na cüiche vai.

MATTHE 5:15

Mei m’däi netah a u naw dawn awn kä uk man ci. Im kyong ah chang avan adei vai ah lung k’pei ung vah mei m’däi man ci gui.

MATTHE 12:4

Ani la apaw gui cu Khanpughi ah pum im kyong ah lut u netah, taigü gui bäng naw ami ei man ah Khanpughi-am peit ah m’htut cu ei ci gui ah kä kya ne ang?

HEBRU 9:25

Jew chang gui ah Taigü Tung cu, a kum tä sei, sei me gui ah si hteh püi ne, Hmun Theing Säih pi ung hteit ci ci. Cun ung phi Bawi Khrit läi cu ng’ap khai ah akda vei kä lut ci.