HEBRU 9:19 - Cho Bible Common Language 2016

¹⁹ Akhtükbäih ung Moses naw thukhän om ci gui phung cu chang gui-am ng’shäu ne m’thein gui ci. Cun kawn ah me ah si la sei ah si cu la ne tui awn k’caw netah, hissop singban la htomu a sen awn, thukhän ca-uk la chang gui cu k’peh gui ci.

HEBRU 9:19 Referans Kwoze

HEBRU 9:12

Bawi Khrit cu Hmun Theing Säih ah hnü ät ge ang bäng ah aluh sang ung, vawihpeh vai ah me ah si, sei ah si cu kä hteh püi ci; Amät ah si hlui cu hteh püi ne, mikmi ah angtäi hun nak cu na pe gui ci.

KHEI NAK 19:18

Ak htük bäih ah theingthap ciah chang tumat naw hissop sing toi cu la ne tui ung yuk phung net, Shaum cu akpeh vai. Cun ah kyong ah om ci päng la cun ah kyong ah om ciah chang avan cu, akpeh vai. A hnih vei nak ah theingthap ciah chang tumat naw kä theingthap ciah chang cu acun ah tui awn aksi ah guh la ng’cim hmun tawn ciah chang gui cu ak peh vai.

KHEI NAK 19:6

Ani naw cedar-sing, hissop sing toi la pyai asen cu la neta mei ung ak htawm vai.

HEBRU 10:4

A i ah kyasei ci ung sei ah si la me ah si naw cheishoh nak cu kä nawtpet hlawt ci nei.

1 PETER 1:2

Nangmi cu Pa Khanpughi naw amät ah ng’bü nak awn ning ghü gui ne, ang Mumcha awn chang theing ah ning pyang gui ci. Cun cu Bawi Khrit ah thu nami läk nak vai la asi awn nami theingcim nak vai ah kyak ci. M’geinsei nak la dimdeeih nak cu nangmi ung kümbe ne om sä.

EZEKIEL 36:25

Kei naw nami khan ah tuici awn ka ning k’peh gui khai, nami agup gui avan la nangmi ning lelawi sak gui ci nü ungka ka ning theing sak gui khai.

JOHAN 19:5

Bawipa Jesuh cu ng’hling lukhu ng’büng ne, suinu asen sui ne ak phung ah lut law ba ci. Pilat naw, “Teng vä, ani nei” ci ne pyein ci.

JOHAN 19:2

Gakap gui naw ng’hling lukhu k’bün ci gui; suinu asen phi m’sui ci gui.

MAKUH 15:20

Cun ah päipih u netah asen hlui ah sui cu suh ba sak u ne, amät ah sui te cu m’sui ba ci gui. Cun kawn ah kutlam tung ung tai ne, ngawn vai ah Bawipa Jesuh cu hteh püi ci gui.

MAKUH 15:17

Cun kawn ah Bawipa Jesuh-am sui asen hlui bäng m’sui u ne, ng’hling lukhu k’bün u netah,

MATTHE 27:28

Gakap gui naw Bawipa Jesuh ah a suisak cu suh pe u netah, hlui sen ciah suinu cu m’sui ci gui.

ISAIAH 52:15

Cun ung phi tuhbäi chang pakhui akda naw ani cu cäicat ne m’hlüng tai khai gui, ghangpughang gui cu cäi hmawtaw ne kä thung’htau ci gui. Ngami naw kä ami hmuh hmat man cu, hmuhmat lawk khai gui nei.”

TAIGÜTHUM 3:6

Me baw, htome baw hmuhchum douthak nak ah mang vai a kyak ung, akhik phi bäi, ak hla phi bäi khai, cun ung phi kä kheihlik en khai.

TAIGÜTHUM 1:10

Chang naw a me baw, a htome baw a douthak ah a kyak ung, cun cu amca ah kyak khai, kä kheihlik en khai.

PHYAWN NAK 12:22

Hisop sing hnah pawk ät cu la ne, htome ah si ami hmoh ah khawk ung yuk hniim neta, nami im m’kawt la m’kawt khan gui cu si awn nami hluk vai. A ngawi ung khaw ngawi güt kä lut law ne nami om vai.

SAM 51:7

Ka katnak na k’seh pe ä, kei cu ka theing khai; Na m’si ä, khüi ah ta ka bawk pi khai.

HEBRU 12:24

Nangmi cu thukhän k’thai pyang ciah ah Bawipa Jesuh la Abel ah si ah mä bä pi ciah shaitaak nak om ciah si ng’hlui ah ng’peh nak ung nami gawk pyii ci nei.

HEBRU 1:1

Caä Phanpughi naw, akda vei, a mawng a hei hei awn, profet gui ung, mi pupa gui am thu m’shäk law man ci.

HEBRU 9:13

Mesi seisi la seipat hta awn m’kümbawh ne phyuhtheh nak naw, kä theing cim ci gui ah katnak cu, m’si ne, theingcim sak gui ciah a kyak ung,

HEBRU 9:18

Cun ah kyasei ak htük bäih ah thukhän cun phi si awn ah kümbe nak om ci.

HEBRU 10:22

Cun ah kyasei mikmi cu mi m’lung ngaih theingcim sak ne, mi pumsa tuikci awn m’si netah, ng’cim ciah m’lung, ng’htei ciah yum nak awn, Khanpughi ah pei ah ming et khai nei.