HEBRU 9:13 - Cho Bible Common Language 2016

¹³ Mesi seisi la seipat hta awn m’kümbawh ne phyuhtheh nak naw, kä theing cim ci gui ah katnak cu, m’si ne, theingcim sak gui ciah a kyak ung,

HEBRU 9:13 Referans Kwoze

LAMKTU 15:9

Bawipa naw ngami cu mikmi awn kä na ng’thumcha gui ci; ngah mi naw ami yum ah hmawk ah ami katnak cu m’gein gui ci.

1 PETER 1:22

Nangmi cu thucim nami läk nak awn, nami m’lung kyong cu theing sak u ne, yum ciah nami chang paw phi akcang ah nami m’hni pyi ci nei. Cun na kyasei tumat la tumat nami m’lung kyong avan nawn nami ng’yum hni tu vai nei.

SAM 51:7

Ka katnak na k’seh pe ä, kei cu ka theing khai; Na m’si ä, khüi ah ta ka bawk pi khai.

2 SHONTÄP NAK 30:19

“O Bawipa kami pupa gui ah Khanpughi, kä a mitheing thap ung phi ami m’lung kyong avan awn ning khawihnah ci gui ah khan ah na ni nak awn m’geinsei gui ä.”

KHEI NAK 8:7

Ak ka ungka ah mäih ah gäsei nak ah nak peh gui vai. Ami pumsa avan ung amu ami teiu vai, ami suisak ami m’su vai ah namthein gui vai. Cun kawn ah ngami cu theingthap khai gui.

EZEKIEL 36:25

Kei naw nami khan ah tuici awn ka ning k’peh gui khai, nami agup gui avan la nangmi ning lelawi sak gui ci nü ungka ka ning theing sak gui khai.

HEBRU 9:19

Akhtükbäih ung Moses naw thukhän om ci gui phung cu chang gui-am ng’shäu ne m’thein gui ci. Cun kawn ah me ah si la sei ah si cu la ne tui awn k’caw netah, hissop singban la htomu a sen awn, thukhän ca-uk la chang gui cu k’peh gui ci.

HEBRU 10:4

A i ah kyasei ci ung sei ah si la me ah si naw cheishoh nak cu kä nawtpet hlawt ci nei.

HEBRU 10:29

Khanpughi ah Htapa cu päipih ne, katnak theing sak ne Khanpughi ah thukhän thai ah kyak ciah si ng’hlui cu gaih m’gin ne, m’gein nak m’kyum lawk ciah Mumcha shetkat nak ci naw, a i hlawk ah nuipai ciah shetkat nak gah khai cicu nami ngaihtüh shüm vai nei.

EZEKIEL 44:26

Ani cu a theingthap ba kawn ah hnüüp chih ung a om cang vai,