HEBRU 9:11 - Cho Bible Common Language 2016

¹¹ Cun ung phi Bawi Khrit cu om pyii ciah nikiom nak gui ah Taigütung ah kya ne gawk law pyii ci nei. Ani ah khuut bi nak ah phung cu hlüngtai ne kümbe pi ci nei: cun cu chang ah cawh ah kä kyak ci, atüi pyan ah khomdek ungka ah kä kyak ci.

HEBRU 9:11 Referans Kwoze

2 KORIN 5:1

Mikmi ah om nak ah kyak ciah khomdek pumsa cu ang kawn ah a kyak ung, Khanpughi naw khankho ah, amät ah pyan ah, angtäi om nak ah im, na k’hman gui khai cicu mi hmat ci.

HEBRU 10:1

Jew thukhän gui cu be ci la bekhüt ciah akcang gui ah kä kyak ci: gawk lawk khai ah nikiom nak gui ah püpüi gui ah kyak ci. Thukhän ah ciah akum täi sei küikyan nak cu bi ah kiak ci. Cun ung a i hawkcha ah thukhän naw, Khanpughi ah lawk ciah chang gui cu, kümbe sak gui khai aw?

MAKUH 14:58

“Chang ah kut awn cawh ah shin ah pum im cu kei naw ka plawh khai, cun kawn ak hnüüp thum hnüüp ung chang ah kut awn kä cawh ah pum im cu kei naw ka co khai” cine a pyein cu kami mät naw

1 JOHAN 5:20

Khanpughi ah Htapa cu kyum law ne, Lulang nak cu na pe gui sei, Khanpughi akcang mi hmat tu cun phi, mikmi naw mi hmat ci. Mikmi cu A Htapa Bawi Jesuh Khrit awn mi kawng ät nak awn, Khanpughi akcang awn phi kawng ät ne mi ghing ci. Shin cu Khanpughi akcang ah kyak ci, ani ung mi gah cu angtäi ghin nak ah kyak ci.

HEBRU 2:17

Cun ah ani cu a mawng avan ung a phäinau gui ah mäih kya ne, ak chang gui shetkat nak ung m’gein gui khai ah, bekhüt nak la chimgein nak awn be ne Khanpughi ah khuut bik ciah Taigü Tung ah kiak ci.

LAMKTU 7:48

“Cun ung phi hlüng tai pi ng’bäih ciah Khanpughi cu chang ah cawk ah im ung kä om ci. A i ah kyasei ci ung profet ah ng’thu pyein ung:

2 JOHAN 1:7

Bawi Jesuh Khrit cu hnicim chang ah yung tüi lawk ci, cicu kä yum ciah chang thuvi gui akda m’dek khan ah gawk lawk ci gui nei. Cun ah mäih thuvi theileh ciah chang gui cu, Bawi Khrit ah gaa gui ah kyak ci nei.

HEBRU 3:1

Khanpughi naw a khü gui ah khritha phäunau gui aw, ngai shüm vä! Bawipa Jesuh Mi yum nak ung Taigü Tung ah kyak khai ah Khanpughi naw a tüih law ah kyak ci nei.

JOHAN 4:25

Cun ah hnumi naw, “Messiah Bawipa a gawk law vai cu, ka hmat ci, ani a gawk law ung a päng avan nam thein gui khai” cine pyein ci.

JOHAN 1:14

Thu cu chang ah yung tüi law pyi ci. Abäkhäk nak la thutak awn be ne mikmi ung om pyi ci. Abämang nak phi mi hmu pyi ci. Cun ah bämang nak cu Khanpughi ah Htapa ah a kyak nak awn agah ah kyak ci.

SAM 40:7

Cun ah kyasei ka ning m’shan cu, “Kei shi ah nei; nang ah nam shüm thein nak cu thukhän ca uk ung om ci nei.

HEBRU 7:1

Shin ah Melchizedek cu Salem ghangpughang ah kya ne, a hlüngtai säih Khanpughi ah taigü ah kyak ci. Abraham naw ghangpughang paphli tu ne näng ne a law ba ung, Melchizedek naw dou ne phyuhtheh nak pek ci.

ISAIAH 59:20

Bawipa naw a chang gui pyen ah gui ci, “Kei cu Jerusalem ah ka lawk khai, ning shungvong gui ne, katnak ung n’hlat ci gui nami van ka ning hun gui khai.

HEBRU 4:15

Mikmi ah Taigü Tung cu mikmi ah shetkat nak kä nam gein gui hlawt ciah kä kyak ci. Mikmi ah Taigü Tung cu, mikmi ah mäih ah tüihtok nak aut ci, cun ung phi cheishoh nak ung kä gawk ci.

KOLOSE 2:11

Bawi Khrit ung nami kawng ät nak awn nangmi cu kyoon hnah pyi ah nami kyak ci, cun cu chang ah kyoon ah kä kyak ci. Bawi Khrit ah kyoon ah kyak ci. Cun cu cheishoh nak ah, hlüngtai nak ung kaa phiawn nak ah phi kya tuk ci.

MATTHE 11:3

“Nang cu Johan naw lawk khai, a ciah Bawipa ang? Kä cung a hei Bawipa kami ngäng ba khai ang? ciah ng’shi vä, cine, ng’shi sak gui ci.

MATTHE 2:6

‘Judea kho ung om ciah Bethlehem gawnu, Nang cu Judea kho gawnu gui ung, Ak yaw pibäih ah kä na kyak ci nei, Ka chang Israel gui, lam shüm gui khai cu, Nang ungka dang lawk khai nei’ ciah om ci,” ci ne m’thein ba gui ci.

ATÜNNAK 49:10

Mang ah hteipawng cu Judah naw kawt khai. A hta ng’shon naw khonglän ung uk khai. Pakhui gui naw khawh pe lawk khai gui. Ani kyih aa ne ama ah kawp khai gui.

MALAKHI 3:1

Hlüngtai ciah Bawipa naw, “Kei ah hmawk ah lam pyang khai ah ka ng’shä cu ka tüi lawk khai. Cun kawn ah nang naw na shui ah Bawipa cu ang ghit ah pum im ung gawk lawk khai. Nang naw na hmuh ah ka ng’shä cu law ne ka thukhän cu ng’shäu khai” cik ci.

JEREMIAH 33:8

Kei na hnungtuk püi ne ami katnak gui cu ka m’si pe gui khai, ngami ah ami katnak la ami hnungtuk nak cu kei naw ka m’gein sei gui khai.

2 KORIN 4:18

Kei mi naw mik awn hmuh cu kä kami kheing ci, mik awn kä hmuh vah kami kheing ci. Mik awn hmuh cu a shängta khäng ne, Mik awn kä hmuh cu angtäi sei khäng ci.

HEBRU 12:27

“Hnü ät mä,” ciah thu m’kha naw ang dang sak cu, a tüi sho gui avan ng’tum sei thüng sak gui netah, m’hnawng gui khai, cun ung kä thük tuk ci gui cu k’pawih shüt khai gui, ciah kiak ci.

HEBRU 13:14

A i ah kyasei ci ung mikmi ah hmawk ah khomdek khan ung ng’tüi hnga ciah mang gaw kä om ci; ngawi ah dang lawk khai ah mang gaw cu mi shui shüi yah ci nei.