HEBRU 9:10 - Cho Bible Common Language 2016

¹⁰ Cun gui cu ei awk la theingcim nak a hlü hlü bilawh nak gui ung phung ci. Shin gui cu ak pung lam m’hnütbäi nak gui ah kya ne, Khanpughi naw khokthai a pyan nak kä phaa sei ng’pyi khai gui.

HEBRU 9:10 Referans Kwoze

KOLOSE 2:16

Cun ah kyasei, ei awk nak ah mawng, hnüüp theing ah mawng, chaa lum la kyin nak ah mawng gui pyein ne, a u am phi thukhän kä bi-en sak vä.

EPHESIAN 2:15

Cun kawn ah Jew chang gui ah thukhän shaitaak gui cu nawng-en ne, Jew chang gui la chang khui hei gui cu, amät ung kawng ät sak gui ne, pakhui thai ah kyak sak gui ci. Acucha ah dimdeeih nak cu a peit gui ah kyak ci.

HEBRU 7:16

Ani taigü ah a kyak law cu, chang ah thukhän thungyo awn ah kä kiak ci, käng pyii hlawt ciah ah ghin nak ah hlüngtai nak awn ah kyak ci.

EZEKIEL 4:14

Cun ung phi kei naw m’shang ne “ka nei, uktu Bawipa aw! Kei naw ka mät ai yah ung phi kä ka le lawi sak man ci ne! Kei ka hmaw yah ge ung amät sik ciah khisa la sah nget naw a lawh ah sa cu kä ka ei man ci nei. Kä theing ciah ngaih phung cu kä ka ei man ci nei” ka cik ci.

THULÄÄN NAK 23:11

Mühun täng ah ani cu angsi pyou vai, hni a hang kyak kawn ah shaum pigaw ah a law ba vai.

TAIGÜTHUM 16:24

Ani cu atheingcim hmun ung tui ng’si neta, amät ah sui cu a sui ba vai. Cun kawn ah ani cu hteit ba ne, amät ah katnak la cun ah chang gui ah katnak nawt heng nak ah m’khih ne douthak nak cu a douthak vai.

HEBRU 10:22

Cun ah kyasei mikmi cu mi m’lung ngaih theingcim sak ne, mi pumsa tuikci awn m’si netah, ng’cim ciah m’lung, ng’htei ciah yum nak awn, Khanpughi ah pei ah ming et khai nei.

HEBRU 9:1

Ak htük ah thukhän ung khawihnah nak ah thumyo la chang ah pyan ah khawihnah nak ah hmun hlü ci.

HEBRU 6:5

Ngahmi cu Khanpughi ah Thu ani ah mawng la gawk lawk khai ah akhin ah hlüngtai nak gui cu hmat pyi ci gui ah kyak ci.

HEBRU 2:5

Khanpughi naw khanchang gui am lawk ciah khomdek thai cu uk nak vai kä pe gui ci. Cun ah mawng cu mi pyein ah kyak ci.

THULÄÄN NAK 21:6

Chang k’si ah ang yän nak ung ng’et pi ciah gawnu ung, ang vai gui ami van naw seipat ah khan ah ami kut ami m’si vai.

TAIGÜTHUM 16:4

Cun kawn ah Bawipa naw shin ah m’shümthein nak gui cu pek ci. Aaron cu a theingcim nak pikbäih ung kä a hteh pha ung, tui angsi vai, taigü sui gui a sui vai, Linen suinu la chi, kheipat la lupawng gui a sui vai.

PHYAWN NAK 40:12

“Aaron la a hta gui cu Phung ah m’kawt ung khü law gui vai, ngami cu a cun ung tui ng’si khai gui.

HEBRU 13:9

Lam ng’düng ungka lam hma vai ah a hlü hlü ah ami m’theithang nak cu kä nami läk-en vai nei. Ei ei vai ah mawng läk nak vai ah thukhän ah kä kyak ciah, Khanpughi ah m’gein nak awn gah ah thamah nak cu bä ci; acun ah thukhän läk ciah chang gui cu a i sang ung phi kä bä hlawt ci gui.

HEBRU 6:2

Tui hnim nak ah mawng, kut taih ah mawng, sih nak ungka thawh ba ah mawng la ak hnu bäih ah m’khoichaa nak ah mawng gui cu ning m’thei gui pyi ah kyak ci.

EPHESIAN 1:10

Cun ah Khanpughi naw akümbe sak vai ah ang bü nak cu, akhin aküm law hnüüp ung khankho la khomdek ung a tüisho gui avan cu Bawi Khrit ah lam ma nak awn ang cut sak gui vai ah hmawk ah kyak ci.

KALATIAN 4:9

Tuhbäi ung nangmi naw Khanpughi nami hmat ci — Tuhbäi ung nangmi cu Khanpughi naw ning hmat gui ci — cine ka pyein khai. Cun ah kyasei nangmi naw ak tha kä om sei, m’gein vai ciah kho ng’yo cu, a i ah kyasei nami ng’hlah ba shi hlü ang? A i ah kyasei khoyo ah khlei htein ah nami kyak ba hlü ang?

MAKUH 7:4

Ei vai ami khleih ung phi m’si yüm yüm netah ei ci gui. Um k’am koi m’yak gui m’si m’säi nak ung tün ne pupa gui ah thungyo cu läk ci gui.

TAIGÜTHUM 22:6

a u taigü phi kä a theingthap kawn ung, mühun güt kä theingthap ci. Ani cu tui kä angsi ba pha ah chuih api ah phi theing ciah douthak cu kä ah ei en vai.

PHYAWN NAK 29:4

“Aaron la a hta gui cu kei ah om nak ah phung ah m’kawt ung na law püi gui vai, tui na ng’si sak gui vai.

KHEI NAK 6:3

sapyit tui la yu cu a hlawi vai. Ani naw suing thein awn pyan ah awk man phung cu kä a awk vai, sapyit theih ak ket ak ching a i phi kä a ei vai.

HEBRU 7:12

Taigü pakhui ang thawng ah a kyak ung thukhän phi ang thawng vai a hlü ah hmawk ah kyak ci.

TAIGÜTHUM 13:58

Ani naw cun cu tui awn m’si sei, khei cu kä ang dang law ba ah a kyak ung, ani naw tui ung amsi ba vai, cun ung cun cu theingthap ciah kyak khai.