HEBRU 9:1 - Cho Bible Common Language 2016

¹ Ak htük ah thukhän ung khawihnah nak ah thumyo la chang ah pyan ah khawihnah nak ah hmun hlü ci.

HEBRU 9:1 Referans Kwoze

PHYAWN NAK 25:8

Chang gui naw phuung theing ami na cawh pek vai, cun ung ami ng’lung ah kei ka om khai.

HEBRU 8:2

Bawipa cu a theingcim nak säih ung Taigü Tung ah kya ne bi bik ci, cun ah hmun cu chang ah cawh ah kä kyak ci, Khanpughi ah pian ah phung akcang ah kyak ci.

TAIGÜTHUM 18:30

Cun kawn ah Bawipa naw, “Ka ning pek gui ah thumkhän cu läk vä, nangmi kä nami gawk law pha ung shin ah khaw ung ana om ci gui ah om ih gui cu kä nami läk en vai. A shin ah mäih bi nak awn nami mät kä theingthap khai ah kä nami ci en vai nei. Kei cu Bawipa nami na Khanpughi nei.

TAIGÜTHUM 22:9

“Taigü gui ami van naw kei ah ka pek ah thungyo gui cu ami ngaih nak vai. Kä cung ngami cu cheishoh ne sik khai gui, a i ah kyasei ci ung ngami naw theing ciah thungyo kä ami läk ah phä ah ah kyak ci. Kei cu Bawipa nei, kei naw ka theingcim sak ci nei.

HEBRU 8:7

Ak htük bäih ah thukhän ung cheishoh nak kä a om vai sü ung ak hnih nak thukhän kä hlü khai sü te.

KOLOSE 2:8

Geing na vä, Bawi Khrit ungka ah kä kyak ci, khophlüt sei uk ciah Mumcha gui la, chang naw dou ne am theithang nak ung lawk ciah chang läma, gui ah cüivai nak awn, a u chang naw phi kä ning khlei-htein-en nah gui sä.

EZEKIEL 43:11

Ngami cu ami bi gui ah phäh ah ami lü ng’aa ah a kyak ung, Taigüim pawngpüi ah mawng cu ngami am m’thein gui ä: amüi, luh nak la luh law ba nak, agup, la pawngpüi nü nü la thukhän thungyo gui avan. Shin gui avan cu ngami ah phäh ah na guk vai, cun ung ngami naw a i hawcha pawng htein gui cu hmu u ne, thukhän gui avan cu k’pang khai gui.

KHEI NAK 9:12

A ngawi ung khaw ngawi güt ei a pi phi kä nami pawih nak vai. Seime ah guh a pi phi kä nami hnet sak vai. Phyawn nak pawi cu thungyo avan awn müi khai ah nami bi vai.

HEBRU 8:13

Khanpughi naw cun ah thukhän thai ah mawng a pyein nak awn, ak htük ah thukhän cu kheei sak ci, cun ah kheei ci gui phung cu kä shou pha sei ng’kawn ne maih ci gui nei.

LUKA 1:6

Ngani cu Khanpughi ah ng’yak hlü ah om ni ne, Bawipa ah thukhän shaitaak cun phi läk ci goi.

ROMAN 9:4

Ngahmi cu Khanpughi ah chang ah kyak ci gui; Khanpughi naw ngahmi cu a hta ah pyang gui ne abämang nak cu hmuh sak gui ci: Bawipa naw ngami awn thukhän bik ci, ngah mi am thukhän pe gui ci; Ngah mi naw akcang ah khawihnah ci gui; Ngami naw Khanpughi ah shaitaak gah ci gui;

HEBRU 9:24

Bawi Khrit cu Hmun Theing akcang ah müi ah chang ah pyan ah Hmun Theing ung kä lut ci. Ani cu Khankho akcang ung lut ne, tuhbäi mikmi ah hmawk ah Khanpughi ah ma ah gawk ci nei.