HEBRU 8:9 - Cho Bible Common Language 2016

⁹ Cun cu ami pupa gui Egypt kho ah kaa ami kut ung pang gui ne, Kak plawk ba gui sang ung, ka peit gui ah thukhän awn kä täng ba khai nei. Cun ung ka peit gui ah thukhän cu m’shet u sei, Ngahmi cu kei naw ka nawng gui ci,” ci ne Bawipa naw pyein ci.

HEBRU 8:9 Referans Kwoze

JEREMIAH 31:32

Cun cu kei naw ngami Egypt ah kut ungka ka luh law püi ba gui yah ung ami pupa gui awn ka bi ah thukhäu phyim ah mäih ah kä kyak ci. Kei cu ngami ah cei ah mäih ah kya ngä sei phi, ngami naw cun ah thukhäm cu kä k’pang ci gui.

KALATIAN 4:24

Shin cu m’tumtäng nak ah kyak ci: hnumi hnih cu thukhän hnih ah kyak ci. Hnumi tumat cu Hakar ah kya ne, ani ah hta gui cu khlei htein ah kyak ci gui, ani naw Sinai Khomhtung ah Thukhän cu dang sak ci.

MAKUH 8:23

Bawipa Jesuh naw a mik m’dauh cu a kut awn k’pang ne pigaw k’pung ah hteh püi ci. Acun ah mik cu am shi awn m’thawh netah, ak khan ah a kut taih ci. Cun kawn ah, “Tuhbäi na hmuk ci ang?” cine ng’shik ci.

LAMKTU 13:11

Nang cu a tuk bäi Khanpughi naw ning m’di sei na mik m’dauh khai, khokum ak shou khohni kä na hmu tu ba khai,” cine tam ci. A cun vai am k’ce Elimas cu amik le naw shung ne mü sei, a kut ung k’pang ne khah tu püi khai cu shui yap ci.

LAMKTU 9:8

Soul cu m’dek ung ka, ng’düi law ba neh phi amik awn a i kä hmuh ba ci. Cun ah kyasei ang gui püi gui naw, ani cu a kut ung k’pang tuh neh Damaskas ah hteh püi ci gui.

MALAKHI 2:13

Shin ung ahei nami bi om ba ci, Nangmi naw Bawipa ah mang kyang cu ng’phlitui la thüikyah nak awn nami lin ci. Cun ah kyasei nami law püi ah pek tak cu ani naw kä dou ba ci.

AMOS 5:22

Nangmi naw m’khih ne douthak la htang-douthak nak nami law püi ung, kei naw kä ka dou khai. Plan ciah seime douthak vai nami law pü phi kä ka dou khai.

EZEKIEL 16:59

Uktu Bawipa naw pyen ci, “Nang awn na khin khai ah ka ning om püi khai, a i ah kyasei ci ung nang naw na shai tak a i ah kä sui ne thukh cu na m’shet ci.

EZEKIEL 16:8

“Kei naw ka ning sun law bam ä ung, nang cu yumhni vai ah akhin ah na gawk law cu ka ning hmuk ci. Kei naw ka suinu awn na pumsa cu ning shung neta ka ning m’hni vai ah shaitak ba bik ci. Cun kawn ah nang awn ng’pui khah vai ah thukhän cu ka bik ci, cun ah kyasei nang cu kei ah chu ah na kya lawk ci.” Shin cu Uktu Bawipa naw a pyen ah kyak ci.

ISAIAH 63:9

ami yaica nak avan ung ka hun gui ci. Cun cu khan khaw chang ah kä kyak ci, ngami hun gui cicu Bawipa amät ah kyak ci. Ani naw amhni nak la am gein nak aun ngami cu gung gui ci. Ng’pyi pyi ciah akhin ung ani naw angtäi sei m’hteih htang gui ci.

ISAIAH 40:11

Ani naw a htaw gui cu htoshäm ah mäih ah m’htei gui khai; Ani naw ktome hta gui cu k’bum gui ne, a kut awn bäm gui khai; Ami nu gui cu ang awigi ah lamshüm gui khai. Israel gui ah Khanpughi.

SOLOMON NG’Ä~ 8:5

Am hni ah chang awn kut ng’pang ni ne, Kho ng’gau ah ka shin ah lawk cicu a u ang? Nang ami ning hta nak ah sing theih ghing ka ah, kei naw nang cu ka ning m’tho ci nei.

SAM 105:43

Cun ah kya ne, ani naw a ghü ah chang gui cu tho ne hteh püi ba gui sei, Ngami cu yei ne, ng’äi ne m’lau ci gui.

SAM 78:57

ami pupa gui ah mäih ah ng’lih ng’lak u ne, kä bekhüt ci gui, Ng’hleek ne zong ciah m’la ah mäih ah ngaih u vai kä kyak ci.

SAM 77:20

Moses la Aaron ah lam ma nak awn nang naw na chang gui cu htoshäm ah mäih ah na khah püi gui ci.

JOB 8:20

Cun ung phi Khanpughi naw bekhüt ci gui cu a i yah ung phi kä nawng gui khai, chang shekha gui cu a i yah ung phi kä m’htei gui khai.

THULÄÄN NAK 29:25

M’shan nak cu, “a i ah kia seici ung Bawipa ah chang gui naw ani awn ami bi ah thukhän cu ami m’shet ah phäh ah kyak ci nei. Cun cu ami pupa gui ah Khanpughi, Ani naw Egypt khaw ah ka alaw püi ba gui yah ung ah kyak ci.

THULÄÄN NAK 29:12

Tuhngawi shin ung nangmi cu Bawipa nami Khanpughi naw angmi awn abi ah thumkhän ung nami lut law ge khai. A cu ah bilawh vai gui cu nami dou khai.

THULÄÄN NAK 29:1

Shin gui cu Bawipa naw Moses ung ang thumkhän ah thukhän gui ah kyak ci. Cun cu Moab khaw ung Israel chang gui ung abi ah kyak ci. Shin gui avan cu Bawipa naw Sinai M’htung ung ngami awn thukhän abi akbe nak ah kyak ci.

PHYAWN NAK 34:10

Bawipa naw Moses am, “Tuhbäi kei naw Israel chang gui awn thukhän ka bik ci, ngami ah ma ah kei naw aküikyang ah bii ka bik khai. Cun cu khomdek khan a hawi ah phi, a u ni pakhui ah ng’lung ah phi, kä bi man ah kyak ci. Kei, Bawipa naw küikyang ciah bii ka bi cu chang avan naw hmuk khai nei, a i ah kyasei ci ung nangmi ah hmawk ah kei naw kyihkyawk vai cu ka bi lawk khai nei.

ATÜNNAK 19:16

Lotah cu shoshü khätah, Bawipa naw m’gein neta, khanchang gui naw amät la akchu ni, a hta goi ni cu ami kut awn k’pang ne, gawnu k’pung ah dawng püi gui ci gui.

ISAIAH 41:13

Kei cu Bawipa, nami na khanpughi nei; kei naw k’thagui ning pe gui ne, ka pyen cu, ‘Kä nami kyihkyawk vai nei, ka ning m’htei gui khai nei.”

NG’ÄI KYAH 4:16

Bawipa naw ngami cu kä ng’gui so püi ba gui ci. Amät naw püipiang sak gui ci. Taigü gui la ami ng’vai gui awn ng’shünpha nak a i phi kä m’dang ci.

ISAIAH 51:18

Nang lam ning m’shüm khai a u kä om ci, Na chang gui ung na kut ning k’pang tuk khai a u kä om ci.

PHYAWN NAK 32:8

Kei naw amiläk vai ah thumkhän ka pe gui ah lam ungka lam plei pyi ci gui nei. Ngami naw ghui lawi awn vantang gup pyang u ne, khawihnah u ne, douthak khawihnah ci gui nei. Ngami naw shin cu mi khanpughi, Egypt khaw ah ka na law püi ba gui ci, cik ci gui nei.

LAMKTU 7:36

Ani naw Egypt khaw lah Tuisen tuinu ung phi bäi, khaw kum phli-kip ung k’pya lünnu ah phi bäi, cäi aih gui vai lah ngaih khit gui vai cu m’dang neh Egypt khaw ah ka, Israel chang gui law püi ba gui ciah kyak ci.”