HEBRU 8:8 - Cho Bible Common Language 2016

⁸ Cun ung phi Khanpughi naw ak chang gui ah cheishoh nak hmuh netah; “Judah chang gui la Israel chang gui ung, thukhän thai ka bi vai ah a khin cu gawk lawk ci nei.

HEBRU 8:8 Referans Kwoze

HEBRU 12:24

Nangmi cu thukhän k’thai pyang ciah ah Bawipa Jesuh la Abel ah si ah mä bä pi ciah shaitaak nak om ciah si ng’hlui ah ng’peh nak ung nami gawk pyii ci nei.

JEREMIAH 32:40

Kei naw ng’täi ciah thukhän cu ngami awn ka bik khai. Ngami ah phäha ah akni ka bi cu kä ka ng’düm phung khai, ami m’lung kyong avan awn ami na kyih aa vai ah kei naw ka bik khai, cun ung ngami naw kei käna ng’hlah tak khai gui.

HEBRU 9:15

Cun ah kyasei Khanpughi naw a khü ah chang gui naw, Khanpughi ah a shaitaak ah angtäi m’shumphyuk nak ami gah vai ah, Bawi Khrit naw thukhän thai cu pyang ci. Cun ah abi cu, ak htük ah thukhän ah kaa ah ami om sang ung chang gui ah ami cheishoh nak gui cu, phiawn khai ah, sih nak tumat a om ah hmawk ah kyak ci.

2 KORIN 3:6

Kei mi naw thukhän thai ah hmawk ah kami bilawh nak vai ah k’thagui cu na pe gui ci, cun cu guk ah thukhän ah kä kyak ci, Mumcha ah kyak ci. Guk ah thukhän cu sih nak ah kyak ci, Mumcha cu ghin nak ah kyak ci.

1 KORIN 11:25

Acun ah mäih ah müei ami ei kawn ah khap cu la netah, “Shin ah khap cu kei ah ka si ng’hlui awn geei ne m’hnüt ah Khanpughi ah Thukhän thai ah kyak ci. Shin ah khap nami awk law phung ung kei nami na shüm nak vai ah shikchaa ah nami bi vai nei” cine pyein ci.

LUKA 22:20

kei nami na shüm nak ah la ne ei vä” cik ci. Acun ah mäih ah ei ami ei kawn ah sapyit tui khap cun phi la netah, “Shin ah khap cu Khanpughi ah thukhän thai, a ning m’hnüt nak gui vai ah nangmi ah hmawk ah ka huk ah, kasi ah kyak ci,” cine pyein ci.

EZEKIEL 37:26

Kei naw ngami awn thukhän ka bik khai, acun naw ngami cu khan gui sei ngawizä ngaih gep ne om khai gui. Kei naw cokyang ba gui ne, ami chang ka da sak gui khai, ami khaw ung ka Taigüim ka tha khai, cun cu ngawi yä a cu ah om khai.

JEREMIAH 31:38

Bawipa naw pyen ci nei, “Jerusalem mang gaw cu akhei täng Hananela Tänghän ung ka naw Akit m’kawt ung khüt sei Jerusalem avan cu kei ah mang gaw ah cawh ba nak vai ah akhin cu gawk lawk ci nei.

ISAIAH 55:3

“Tuhbäi ngai vä, ka chang gui aw, kei ah law vä; kei ah law vä, ghin nak nami gah khai! Kei naw khonglän ciah ka ng’thukhän cu nangmi awn ka bik khai, David ung shai ka tak ah hriham cu ka ning pe gui khai.

MAKUH 14:24

Bawipa Jesuh naw, “Shin ah khap cu Chang akda ah hmawk ah kei, naw ka huk ah ka si, Khanpughi naw ang thukhän am hnüt nak ah ka si, ah kyak ci.

JEREMIAH 31:27

Kei, Bawipa naw ka pyen ci, kei naw Israel khaw la Judah khaw cu chang la khisa awn kabe sak nak vai ah akhin cu gawk lawk ci nei.

JEREMIAH 30:3

a i ah kyasei ci ung kei naw ka Chang gui Israel la Judah gui ka m’thawk nak ba gui vai ah akhin cu gawk lawk ci nei. Kei naw ngami cu ami pupa gui am ka pek gui ah khaw ung ka law püi ba gui khai, ngami naw cun ah khaw cu kaa na ba khai gui. Kei, Bawipa naw ka pyen nei.”

JEREMIAH 23:7

Bawipa naw pyen ci, “Akhin gawk lawk ci nei, chang gui naw kei cu Egypt khaw ah ka, Israel chang gui law püi ba gui ciah ghing ciah khanpughi ah kä ng’khän ng’taam ba khai gui nei.

JEREMIAH 23:5

Bawipa naw pyen ci, “Ng’düng ciah David ah ghangpughang ah htangshon ghangpughang ah kei naw ka ghü nak vai ah akhin gawk lawk ci nei. Cun ah ghangpughang naw cüivai ne uk ne, khaw avan ung düng nak la taga nak cu bik ci nei.

LUKA 17:22

Cun kawn ah Bawipa Jesuh naw ang düihpüi gui-am, “Chang ah Htapa ah kho hnüüp ät la nangmi ah ng’yak hlü ah kho hnüüp cu gawk lawk khai. Cun ung phi cun goi cu, kä ng’bui khai.

MATTHE 26:28

Hnicim chang ah cheishoh nak m’si nak ah, ka huk ah ka si ng’hlui ah kyak ci nei.

THULÄÄN NAK 29:14

Bilawh vai ah a mawng mah mah awn Bawipa nawthukhän abi cu nami hta bäng awn ah kä kiak ci,

HEBRU 7:22

Cun ah kä a täng nak awn Bawipa Jesuh cu bä pi ciah thukhän küikyan ciah kya lawk ci.

HEBRU 8:6

Cun ung tuhbäi Khanpughi la ak chang gui ah ng’lak ung Bawipa Jesuh naw a pyan ah thukhän cu, bä pi ciah shaitaak ung ng’yung ci kya ne, thukhän gui ah tah a bä pi ah mäih ah, Taigü ah kia ne Bawipa Jesuh ah bilawh gui cun phi, cun ah taigü gui ah bilawh gui ah mä bä pi ci nei.

HEBRU 8:13

Khanpughi naw cun ah thukhän thai ah mawng a pyein nak awn, ak htük ah thukhän cu kheei sak ci, cun ah kheei ci gui phung cu kä shou pha sei ng’kawn ne maih ci gui nei.

LUKA 5:38

Cun ah kyasei sapyit tui asü cu um akthai ung than vai,