HEBRU 8:6 - Cho Bible Common Language 2016

⁶ Cun ung tuhbäi Khanpughi la ak chang gui ah ng’lak ung Bawipa Jesuh naw a pyan ah thukhän cu, bä pi ciah shaitaak ung ng’yung ci kya ne, thukhän gui ah tah a bä pi ah mäih ah, Taigü ah kia ne Bawipa Jesuh ah bilawh gui cun phi, cun ah taigü gui ah bilawh gui ah mä bä pi ci nei.

HEBRU 8:6 Referans Kwoze

HEBRU 7:22

Cun ah kä a täng nak awn Bawipa Jesuh cu bä pi ciah thukhän küikyan ciah kya lawk ci.

HEBRU 12:24

Nangmi cu thukhän k’thai pyang ciah ah Bawipa Jesuh la Abel ah si ah mä bä pi ciah shaitaak nak om ciah si ng’hlui ah ng’peh nak ung nami gawk pyii ci nei.

2 PETER 1:4

Acun ah ang htei ah hlüngtai ci la küikyang ciah m’shumphyuk shaitaak cu na pe gui ci. Cun ah m’shumphyuk nak awn nang mi cu, khomdek khan ah shetkat dimaih nak cu phiawn nah u ne, Khanpughi ung nami ng’yung tu ba ci.

TITUS 1:2

Cun ah yum nak cu angtäi ghin nak ah mawng ngaih u nak ung phung ci. Kä hleeihlak ciah Khanpughi naw cau akhin kä a ng’tüi pha ge ung, angtäi ghin nak cu na pe gui khai ah shai a taak nak om ci.

LUKA 22:20

kei nami na shüm nak ah la ne ei vä” cik ci. Acun ah mäih ah ei ami ei kawn ah sapyit tui khap cun phi la netah, “Shin ah khap cu Khanpughi ah thukhän thai, a ning m’hnüt nak gui vai ah nangmi ah hmawk ah ka huk ah, kasi ah kyak ci,” cine pyein ci.

ROMAN 9:4

Ngahmi cu Khanpughi ah chang ah kyak ci gui; Khanpughi naw ngahmi cu a hta ah pyang gui ne abämang nak cu hmuh sak gui ci: Bawipa naw ngami awn thukhän bik ci, ngah mi am thukhän pe gui ci; Ngah mi naw akcang ah khawihnah ci gui; Ngami naw Khanpughi ah shaitaak gah ci gui;

JEREMIAH 50:5

Ngami naw ziou hteh nak lam cu ng’shi u ne, acu täng ah hteit khai gui. Ngami naw kei awn ng’täi ciah thukhän bik khai gui, kä m’shet bakhai gui.

EPHESIAN 2:12

Cun yah ung nang mi cu Bawi Khrit awn nami ng’shawng ci. Nangmi cu a kho hei chang gui ah kya u ne, Khanpughi ah ghü ah chang ah kä nami kya tuk ci. Khanpughi naw ak chang gui ah hmawk ah shai a taak ah ng’thukhän ung phi, nangmi cu kä nami ng’khämtuk ci, khomdek khan ung Khanpughi kä hmu ne, ngaih u vai kä om ciah chang ah nami kya man te ci.

1 TIMOTHI 2:5

Khanpughi tumat bäng om ci, Khanpughi la chang ah ng’lak ung geilam pyang ciah, Bawi Khrih Jesuh phi tumat bäng ah kyak ci.