HEBRU 8:5 - Cho Bible Common Language 2016

⁵ Taigü gui ah bilawh nak cu khankho ah khawihnah nak ah a müi ah ang hniim ah kyak ci. Moses ah bilawh gui cun phi acun ah mäih ah kyak ci. Moses naw thukhän kho phung a cawh law vai ung, Khanpughi naw, “M’htung khan ah ka ning m’hnuh ah mäih ah apäng avan cu käm hnih en ne, na pyan vai nei,” cine am cäi ah hmawk ah kyak ci.

HEBRU 8:5 Referans Kwoze

PHYAWN NAK 25:40

M’htung khan ah kei naw ka ning m’hnuh ah bi vai ah mäih ah pyan thei vai ah na geing nak vai.

KOLOSE 2:17

Cun gui avan cu ngawi ah kaa vai ah apüpüüi gui düt ah kyak ci. Cun ung phi akcang cu Bawi Khrit ah kyak ci.

HEBRU 10:1

Jew thukhän gui cu be ci la bekhüt ciah akcang gui ah kä kyak ci: gawk lawk khai ah nikiom nak gui ah püpüi gui ah kyak ci. Thukhän ah ciah akum täi sei küikyan nak cu bi ah kiak ci. Cun ung a i hawkcha ah thukhän naw, Khanpughi ah lawk ciah chang gui cu, kümbe sak gui khai aw?

PHYAWN NAK 26:30

Kei naw na bi vai ah khomhtung khan ah ka ning m’hnuh ah mäih ah phung cu na m’düih vai.

1 SHONTÄP NAK 28:19

Ghangpughang David naw, “Shin gui avan cu kei naw ka bi vai ah Bawipa amät naw ana m’shüm thein ah mäih ah guk nei” cik ci.

PHYAWN NAK 27:8

Kei naw bi vai ah m’htung khan ah ka ning m’hnuh ah mäih ah sonkiang cu peen awn pyan neta na m’awng vai.

1 SHONTÄP NAK 28:12

Ani naw Taigüim kyong la angveing yung ah akhan gui, Taigüim ung mang ah khawh gui la Bawipa ami pek m’cümhnah nak gui tha nak ah akhan gui, am lung kyong ung om ciah a mawng avan pe gui ci.

HEBRU 9:9

Shin gui cu tuhchü tawk ne dang sak ciah a mawng gui ah kyak ci. Cun cu peit taak nak la ghuthaa nak gui naw khawihnah ciah chang gui ah m’lung cu kä kum be sak hlawt ci ciah kyak ci.

KHEI NAK 8:4

Bawipa naw Moses am, am hnuh ah mäih ah mei im tung cu a pam ah ka naw ang lung ung khüt khai ah ghui akni awn pyan ah kyak ci.

HEBRU 12:25

Nangmi cu thu k’aw ng’yak vai noi mak ciah chang ah kä nami kiak vai ah nami geing nak vai nei. Khomdek khan ung khankho thu ngaih yak vai ah mak ciah chang gui cu kä phyawng ci gui nei. Cun ah kiasei mikmi naw Khankho ah kaa ng’thu pyein lawk ci cu, mi hnu nak ah a kyak ung a i ung phi kä mi phyawng hlawt khai nei.

HEBRU 11:7

A ngawi ah gawk lawk khai ah kä hmu hning ah a mawng gui, Khanpughi naw khän ne am cäi nak Noah naw ang yak cu a yum nak awn ah kyak ci. Ani naw Khanpughi ah thu ngai ne amät ah kiong khui ah phiawn nak ah hteinpaw im cu co ci. Cun ah khomdek chang gui ah shetkat nak cu dang sak ne, ani cu a yum nak awn Khanpughi ung düng nak cu gah ci.

LAMKTU 7:44

“Kami pupa gui naw, Khanpughi ah om nak ah khaw-phung cu k’pya lün pum ung m’kawn lawk ci gui. Moses am Khanpughi naw am’hmuh ah mäihah cun ah khaw-phung ami cawh ah kyak ci.

PHYAWN NAK 25:9

Cun ah cawhkyan pyan tham gui avan cu kei naw bi vai ah ka ning m’hnuh ah mäih ah na pyan vai.

MATTHE 2:12

Herod ghangpughang ah om nak lam ah kä ami hteh ba vai ah Khanpughi naw ami ng’mang ung m’thein gui khätah, ngami cu alam hei ung ami kho ah hteit ba ci gui.

HEBRU 13:10

Khawihnah nak ah Jew chang gui ah kho phung ung bi bik ciah Taigü gui naw, mikmi ah ng’yokiang ung sonkiän phung api ah phi kä ei hning ci gui nei.

THU PHLAAN 15:5

Cun kawn ah khanmawpi ah om ciah pum im kawt cu ng’hmawng sei ka hmuk ci.

JOSHUA 22:28

Shin cu keimi ah ngaih-tüh nei, shin ah mäih cu angtäi ah a kyak ung, keimi ah htangshon gui naw, “Teng vä! Keimi ah pupa gui naw Bawipa ah sonkyang ah mäih ah sonkiang pyang ci gui nei. Shin cu m’khih ne douthak nak vai, käcung khawihnah nak vai ah kä kyak ci, keimi ah chang gui la nangmi ah phäh ah m’hnüt nak ah kyak ci” cik ci gui.