HEBRU 8:4 - Cho Bible Common Language 2016

⁴ Ani cu m’dek khan ung a om ah a kyak ung taigü ah kä kya hlawt khai, a i ah kyasei ci ung, thukhän awn, peit vai gui cu, ap ciah taigü gui ami om pyii ah hmawk ah kyak ci.

HEBRU 8:4 Referans Kwoze

HEBRU 5:1

Taigü Tung nak cicu cheishoh nak ah hmawk ah phiawn nak vai la küikyan nak vai, chang van ah hmawk ah phyuhteh ne Khanpughi ah khuut bik khai ah ghü ne ami m’düih ah kyak ci.

KHEI NAK 18:5

Nang la na hta gui bäng naw Atheing Hmun ung la sonkiang ung kümbe khai ah nami bi vai. Cun ung kei ah m’lungshe nak naw Israel chang gui cu phyak ne kä hnungtuk püi ba gui khai.

KHEI NAK 16:40

Shin cu Aaron ah ng’shon ah kä kyak ci phung naw Bawipa am tui ng’ui m’khih khai ah sonkiang ung kä a law tu vai ah m’shüm thein nak ah kyak ci. Kä cun ung ani cu Korah la a chang gui ah mäih ah di shum nak gah khai. Shin gui avan cu Bawipa naw Moses ung Eleazar am thumkhän a pek ah mäih ah bi ah kyak ci.

HEBRU 11:4

Abel naw Kain ah mä bä pi khai ah pe ne akhawihnah cu a yum nak awn ah kyak ci. A yum nak awn ani cu Khanpughi naw chang düng ah k’bäi ci, a i ah kyasei ci ung Khanpughi naw ani ah khawihnah nak cu yei ne adou ah hmawk ah kyak ci. Abel cu asih tu pang ung phi a yum nak awn tuhgüt thu pyein ci.

HEBRU 7:27

Ani cu a hei taigütung gui awn kä täng ci, Amät ah cheishoh nak la chang hei gui ah cheishoh nak ah hmawk ah ak hnüüp tä sei küikyan nak vawihpeh vai kä hlü ci. A i ah kyasei ci ung amät naw amät apeit sang ung hnü ät ge ang bäng ah ang ap ah hmawk ah kyak ci.

HEBRU 8:3

Taigü Tung phung cu Khanpughi am peit vai gui vawihpeh khai ah m’düih ah kyak ci. Cun ah kyasei mikmi ah Taigü Tung cun phi a vawihpeh vai tumat mat om khai ah kyak ci.

HEBRU 9:9

Shin gui cu tuhchü tawk ne dang sak ciah a mawng gui ah kyak ci. Cun cu peit taak nak la ghuthaa nak gui naw khawihnah ciah chang gui ah m’lung cu kä kum be sak hlawt ci ciah kyak ci.

HEBRU 10:11

Jew taigü pängpäng naw ak hnüüp tä sei, apeitaak vai la am ghuthaa vawihpeh vai cu bik ci; cun ung phi cun ah ghuthaa nak naw cheishoh nak cu kä nawtpet hlawt ci.