HEBRU 8:10 - Cho Bible Common Language 2016

¹⁰ Ngawi ah Israel chang gui awn ka bi vai ah thukhän läi cu, “Kei naw ka thukhän cu ngami ah m’lung ung thun ne, Ami m’lung ung ka guk khai. Kei cu ngami ah Khanpughi ah ka kyak khai, Ngahmi cu kei ah chang ah kyak khai gui.

HEBRU 8:10 Referans Kwoze

JEREMIAH 31:33

Kei naw Israel chang gui awn ka bi vai ah thukän thai cu shin ah kyak ci: kie naw ka thukhän cu ami kyong ung tha ne, ami m’lung ung ka guk khai, kei cu ngami ah kanpughi ah ka kyak khai, ngami cu kei ah chang ah kyak khai gui.

2 KORIN 3:3

Cun ah ca cu Bawi Khrih amät naw gu netah keimi am ana tei sak gui cu dang ci nei. Cun ah ca cu hmein nawn guk ah kä kyak ci, ghing ciah Khanpughi ah Mumcha awn guk ah kyak ci, cun ah ca cu lung ung guk ah kä kyak ci, chang ah m’lung ung guk ah kyak ci.

THULÄÄN NAK 30:6

Bawipa nami Khanpughi naw nangmi la nami htangshon gui am ang thu ngaih nak m’lung ning pe gui khai. Cun ah kyasei nangmi naw nami m’lung ngaih avan awn nami m’hni khai. Nangmi cu cun ah khaw ung k’täi ne nami om lä khai.

JEREMIAH 24:7

Ngami am kei Bawipa ah ka kyak ah ami hmat nak hlü cu ka pe gui khai. Cun kawn ah ngami cu kei ah chang ah kyak khai gui, kei cu ngami ah khanpughi ah ka kyak khai, a i ah kyasei ci ung ngami cu ami m’lung kyong avan awn kei ah ng’hlat law ba khai gui.

1 PETER 2:9

Cun ung phi nangmi cu Khanpughi naw a ghü ah pahta, Ghangpughang ah taigü, theingcim ciah pakhui, Khanpughi ah chang, la Khanpughi naw cäicat vai ah a bilawh ah mawng ng’shäu khai ah a ghü ah nami kyak ci. Khanpughi naw hmüp khui ung kaa, cäicat vai ah ak dei ung a ning khü gui ah kyak ci.

ROMAN 11:27

Kei naw ngami ah shetkat nak cu ka k’phiuawn gui hnüüpung ngami awn shin ah thukhän cu ka bik khai nei,” ciah om ci.

JAMES 1:21

Cun ah kyasei, kä nik ciah om ih la shekak ciah hnünthawh nak cu nami ng’cim sak vai nei. Khanpughi cu dou ne, Khanpughi naw nami m’lung kyong ah a geit ah thu cu nami kutshum vai, acun naw nangmi cu ning hun gui hning ci.

TITUS 2:14

Ani naw amät cu mikmi ah hmawk ah pek ci, cun cu shetkat nak phung ung anak phiawn nak gui vai la amät khäm ciah ak chang theing ah mi kya ne, ak ni kyom ah mi hnün thawh nak thei vai ah hmawk ah kyak ci.

1 PETER 1:23

Nangmi cu ghing ci la angtäi om ciah Khanpughi ah ang thucim awn, ng’tüi ba ne, sih nak kä om ciah angtäi ghing ciah Khanpughi ah hta ah nami kyak ci nei.

ZEKHARIAH 8:8

Jerusalem ung om ba khai gui ah akhei, ak kyang ung ah ka law püi ba gui khai nei. Ngami cu ka chang ah kyak khai gui, kei cu ngami ah Khanpughi ah ka kyak khai, Bekhüt nak la taga nak awn ka uk gui khai.

JAMES 1:18

Khanpughi naw amät ah ng’yak hlü ah, ang thudüng awn chang ghing ah nang dang sak gui ci, cun ah kyasei mikmi cu a tüisho gui nüng ung ak bä pi ah mi kyak ci.

EZEKIEL 37:27

Kei cu ngami awn atäng ah acu ah ka om khai: kei cu ngami ah Khanpughi ah ka kyak khai, ngami cu kei ah chang ah kyak khai gui.

ZEKHARIAH 13:9

K’pawih ba ciah bum ät cu kei naw ka m’nüm gui khai. Ngui cu mei awn m’ciim ah mäih ah kei naw ka m’ciim gui khai. Ghui m’nüm ah mäih ah ka m’nüm gui khai. Cun kawn ah kei ah ma ah taigü lawk khai gui, kei naw ka m’shang gui khai. Ngami cu ka chang gui ah ami kyak ah mawng kei naw ka m’thein gui khai. Kei cu ami na Khanpughi ah pyen ne ngami cu ng’kiaa lawk khai gui.”

JEREMIAH 32:40

Kei naw ng’täi ciah thukhän cu ngami awn ka bik khai. Ngami ah phäha ah akni ka bi cu kä ka ng’düm phung khai, ami m’lung kyong avan awn ami na kyih aa vai ah kei naw ka bik khai, cun ung ngami naw kei käna ng’hlah tak khai gui.

JEREMIAH 32:38

Ngami cu kei ah chang ah kyak khai gui, kei cu ngami ah Khanpughi ah ka kyak khai.

MATTHE 22:32

Khanpughi naw, ‘Kei cu Abraham ah Khanpughi, Issak ah Khanpughi, Jakob ah Khanpughi ah ka kyak ci nei. Ani cu aksi gui ah Khanpughi ah kä kyak ci, ghing ci gui ah Khanpughi ah kyak ci,” cine m’thein gui ci.

HEBRU 11:16

Cun ung phi ngami cu cun ak kho ah tah bä pi ciah khankho ghui kho cu ngaih u ci gui ah kyak ci. Cun ah kyasei Khanpughi cu ami Khanpughi ah ami khü ah hmawk ah Khanpughi cu kä lü ng’aa ci, a i ah kyasei ci ung Ani naw ngami ah hmawk ah mang gaw cu a sak pyii ah kyak ci nei.

PHYAWN NAK 34:27

Bawipa naw Moses am, “Shin ah ca ng’lung gui cu na guk vai, kei naw nangmi la Israel gui ung thukhän ka bi nak ung shin ah ca ng’lung gui cu akung ah kyak ci” ciah pyen nak ci.

EZEKIEL 39:22

Cun kawn ah Israel gui naw kei cu Bawipa ami na Khanpughi ah hmat khai gui.

SOLOMON NG’Ä~ 2:16

Kei ah ka m’hni cu kei ah kaa, kei cu ani ah kaa. Ani naw a htomak gui cu tuili chei gui ah ng’lung ah vuh ci,

PHYAWN NAK 24:4

Bawipa ah ang thumkhän cu Moses naw avan guk ci. A ngawi ung khaw ngawi hta Moses naw m’htung nawi ah sonkiang co neta, lungtung gha lei goi ng’ling ci.

HOSEA 1:10

Israel chang gui cu tuinu kem ah laigin ah mäih ah kyak khai gui, kä khei tai vai, kä nüt tai vai ah kyak khai gui, Tuhbäi Khanpughi naw pyen ah gui ci, “Nangmi cu kei ah kä ning chang gui nei,” Cun ung phi ani naw shi cha ah a pyen nak vai ah hnüüp cu gawk lawk khai nei “Nangmi cu ghing ciah Khanpughi ah hta nau gui nei!”

JEREMIAH 31:1

Bawipa naw pyen ci, “Kei cu Israel Pakhui avan ah Khanpughi ah ka kyak nak la ngami cu kei ah Chang ah ami kyak nak vai ah akhin cu gawk lawk ci nei.

HOSEA 2:23

Kei naw kho ung ka chang gui cu om sak gui ne ka bühmang sak gui khai. Kä m’hni ah ami khü gui am m’hni nak ka m’dang gui khai, “Nangmi cu ka ning chang gui nei,” cine ka pyen na gui khai. Ngami naw, “Nang cu kami Khanpughi nei” cine na m’shang khai gui.

PHYAWN NAK 24:7

Cun kawn ah ani naw thukhän ca-uk cu lak ci, cun ung Bawipa ah thumkhän ami guk ah kyak ci. Ani naw cun cu chang gui ah ma ah m’lau ne phat ci. Chang gui naw, “Mikmi naw Bawipa cu mi ngai khai, ang thumkhän phung cu mi bik khai” cik ci gui.

PHYAWN NAK 34:1

Bawipa naw Moses am, “Lung phe hnih cu ayan ungka ah mäih ah shep ne na pyan vai. Nang naw na m’sheit ah ak htük lung phe goi ung guk ah mäih ah kei naw ca ng’lung gui ka guk ba khai.

1 KORIN 6:16

Chang thuiplet awn ng’yaw ng’pawm ci goi ah chang cu, acun ah chang awn pumsa tumat ah kyak ci goi cicu kä nami hmat ci maa! Cacim naw ang dang ah a pyein cu, “Cun ah chang hnih cu pumsa tumat ah kyak khai goi nei” ciah kyak ci.