HEBRU 8:1 - Cho Bible Common Language 2016

¹ Mi pyein nak ah mawng avan ung ak tung pi cu, mik im ung cun ah Taigü Tung a om pyi ah mawng ah kyak ci. Ani cu Khankho Ghangpughang ah Mangkiang k’pat lam ung ngok ci.

HEBRU 8:1 Referans Kwoze

KOLOSE 3:1

Nangmi cu Bawi Khrit awn nami ghing khai ah nami tho pyi ci, Cun ah kyasei, nami m’lung cu khankho ding ung nami ng’lin vai. Cun ah kho cu Bawi Khrit naw a ghui mangkiang ung a ngoh nak ah Khanpughi ah k’patlam ah kyak ci.

HEBRU 1:3

Ahtapa cu Khanpughi ah bämang nak awn pyü ne ng’shü ci, ani cu Khanpughi ah müi akcang ah a kya nak ah hlüngtai ciah ang thu awn, khopuui avan cu khän sak ci. Hnicim chang ah shekat nak gui avan m’gein ne ak phiawn gui kawn ah, khan mawpi ah a hlüngtai säih ah Khanpughi ah k’pat lam ah ngok ci nei.

THU PHLAAN 3:21

Kei cu näng nak gah ne Kapa ah mang kiaang ung ani awn a täng ah kani ngoh ah mäih ah näng nak gah ciah chang cu ka mang kiaang ung ka pei ah a ngoh nak vai ah a khin cu ka pek khai nei.

HEBRU 12:2

Tün nak ungka naw pyii nak ung khüt sei, mi yum nak ah ang yung ah kyak ciah Bawipa Jesuh cu ng’kheing sei mi teng khai nei. Ani cu kutlamtung ah mawng ung käm lung k’si phung ci, Bawipa cu ani ung gawk lawk khai ah yeikyai nak ah hmawk ah kutlam tung ung käng yocho phung ne sih nak aut netah Khanpughi ah mang kiang k’patlam ung ngok ci.

HEBRU 2:17

Cun ah ani cu a mawng avan ung a phäinau gui ah mäih kya ne, ak chang gui shetkat nak ung m’gein gui khai ah, bekhüt nak la chimgein nak awn be ne Khanpughi ah khuut bik ciah Taigü Tung ah kiak ci.

HEBRU 10:12

Cun ung phi Bawi Khrit naw hnü ät ang bängah küikyan nak bi ne, cheishoh nak cu nawtpet ci. Hta ng’shon ung ng’täi ciah ng’ap nak phi bik ci, cun kawn ah Khanpughi ah k’pat lam ung kai ne ngok ci.

MIKHAH 5:4

Ani a law ung a chang gui cu Bawipa ungka lawk ciah thagui la amät Bawipa Khanpughi ah m’gäi nak awn uk khai. A chang gui cu phiawng ne om khai gui, m’dek khanchang van naw an ah dämduh nak cu m’taam khai gui.

SAM 104:1

Ka mümcha, Bawipa cu m’taam ä! O Bawipa, ka Khanpughi, Nang cu na dämduh aih ci nei! Nang cu küikyang nak la bäimang nak na sui awi ci;

SAM 21:5

A bämang nak cu chün ci, nang ah m’htei nak awn kyak ci; Nang naw ming thang nak la chün nak na pek ci.

1 SHONTÄP NAK 29:11

Nang cu dämduh ne, huham mah ne, bämang ne, chünla ne, m’gää ciah na kyak ci. Khankho la khomdek ung avan nünü cu nang ah ka ah kyak ci nei, nang cu ghangpughang, avan ah khan ah m’gääi ciah uktu ah na kyak ci.

HEBRU 1:13

Khanpughi naw, a u khanchang am phi, “Na gaa gui avan na kho kaa ah, Kä ka gawk sak gui yawp pha ah chuih, Ka k’pat lam ah na ngoh vai nei,” ci ne kä kyak na man ci.

EPHESIAN 6:20

Kei cu thawng ka cun pang ung phi, shin ah Thu Ni ah hmawk ah ng’shä ah ka kyak ci nei. Shin ah Thu Ni ka pyein khai ah kang düi ci kyasei, khüighaat ne ka ng’shäu vai ah nami na taigü peik vai nei.

ISAIAH 24:14

K’pawih ci gui naw yei nak ng’äi m’cu khai gui. Akhei tang ah om ci gui naw Bawipa a i hlawk ah adämduh cu pyen khai gui nei.

SAM 145:12

Cun ung kyasei m’gäi ciah na bi lawh la bämang chünla ciah na uknak kho cu chang van naw hmat khai nei.

SAM 110:1

Bawipa naw ka bawipa am, “Ka patlam ah shin ung ngaw ä, Na ga gui cu na kho ka ah kä ka ngon sak pha ah chuih ngaw ä” pyen nak ci.

JOB 37:22

Asiip täng ah ghui ah mäih ah pyü sei hmuh cu, Kä ng’ä ai vai ah Khanpughi ah bämang nak ah kyak ci nei.

MAKUH 16:19

Cun ah Bawipa Jesuh cu ang düihpüi gui ang thu püi gui, kawn ah khankho ah kai püi ba u sei Khanpughi ah k’pat lam ung hang yong ne ngok ci.

HEBRU 3:1

Khanpughi naw a khü gui ah khritha phäunau gui aw, ngai shüm vä! Bawipa Jesuh Mi yum nak ung Taigü Tung ah kyak khai ah Khanpughi naw a tüih law ah kyak ci nei.

HEBRU 4:14

Cun ah kyasei mi yum nak cu m’htek ne mik pang khai nei. A i ah kyasei ci ung, mikmi ung Khanpughi ah ma ah düi ciah Khanpughi ah Htapa, hlüngtai ciah Taigü Tung, Bawipa Jesuh cu om pyi ci.