HEBRU 7:8 - Cho Bible Common Language 2016

⁸ Taigü gui naw bum ghaa bum ät ami loh cu, si thei ciah chang gui naw ami loh ah kyak ci; cun ung phi Melchizedek naw a loh cu, cacim ah mäih ah ghing ci naw a loh ah kyak ci.

HEBRU 7:8 Referans Kwoze

HEBRU 6:20

Taigü tung Melchizedek ah hnün ung ngoh ne, angtäi ah Taigü tung ah kyak ciah Bawipa Jesuh cu, mikmi ah hmawk ah cun ah mang im ah lut pyi ci nei.

HEBRU 5:6

Cun kawn ah mä a hei ung, “Nang cu Melchizedek ah hnün ung ngoh ciah Ang täi ah Taigü ah na kyak khai,” cine pyein ba ci.

THU PHLAAN 1:18

Kei cu ghing ne om ciah ka kyak ci, kei cu ka si te ci, cun ung phi tuhbäi hta ng’shon ung ghing ne ka om ci. Sih nak la sihnak ah khaw ah khan ah kei ah huham cu om ci.

HEBRU 7:23

Cun kawn ah kä a täng nak cu; ahei taigü akda gui cu sik ci guiah kya ne, ami bi kä bi ba hlawt ci gui.

JOHAN 14:19

Nangmi ah om nak ah kei ka law ba khai. Ashäng shäng ung m’dek chang gui naw kei kä na hmu law ba khai gui, cun ung phi nangmi naw nami na hmuk khai; a i ah kyasei ci ung, Kei ka ghing ci kyasei nangmi phi nami ghing khai.

HEBRU 3:16

Khanpughi ah k’aw cu ng’ya lang ne, ng’küükneet püi ciah chang gui cu a u gui ang? Cun gui cu Egypt kho ah kaa Moses naw ang khah law püi ba gui ah chang gui nei.

JOHAN 14:6

Bawipa Jesuh naw, “Kei cu lam ah ka kyak ci, thutak ah phi ka kyak ci, ghin nak ah phi ka kyak ci, kei ung kä hteit ciah chang phung cu Kapa ah om nak ah kä gawk khai.

HEBRU 9:27

Chang cu hnü ät bäng si ne, cun kawn ah Khanpughi ah m’khawichaa nak cu gah ci.

HEBRU 7:7

Phyuhtheh nak pek ci cu, phyuhtheh nak gah ciah chang ah mä hlüngtai pi ci, cicu ngaih khit vai kä om ci nei.

HEBRU 7:9

Abraham naw a peit cu, Levi naw Abraham ung a peit ah phi pyein hning vai kyak ci nei.