HEBRU 7:5 - Cho Bible Common Language 2016

⁵ Taigü kyong ah kyak ciah Levi pakhui shon gui naw, Abraham ah hta ng’shon, ami mät ah hta nau gui ah kyak ciah, Israel chang gui ah bum-gha bum ät cu, thukhän ah ng’shui ah, look hning ci gui nei.

HEBRU 7:5 Referans Kwoze

HEBRU 7:10

A i ah kyasei ci ung Abraham la Melchizedek ani ng’hmuh yah ung, Levi cu kä ng’tüi pha ne, Abraham ah pukhui ah om yah ciah pyein vai ah a kyak ah hmawk ah kyak ci nei.

NEHEMIAH 13:10

Cun kawn ah kei naw ka hmuh cu Taigüim ung ng’äi awm ci gui la a hei Levit gui Jerusalem hteh ta u ne ami lo ah hteit ba ci gui, a i ah kyasei ci ung chang gui naw ami ng’büh nak vai ah kä ami pek ah phäh ah kyak ci.

1 GHANGPUGHANG GUI 8:19

Cun ung phi nang naw kä na co hlawt khai. Kei ah Taigüim co khai cu, nang ah hta, namät ah hta ah kyak ci!

KHEI NAK 18:7

Cun ung phi nang la na hta gui bäng naw vah sonkiang la Atheing Pikbäih Hmun ung taigü bawi ah bi vai avan cu nami kümbe sak khai. Shin gui cu nangmi ah bi vai kyak ci. A i ah kyasei ci ung kei naw taigü bawi ah kyak nak cu m’cümhnah nak ah ka ning pe gui pyi ci. Kä bi tu hning ciah chang atheingcim gui ah pei ah ang et law tu ung ngawn vai.”

HEBRU 5:4

A u naw phi amät naw amät cu taigütung ah käm düih hning ci. Khanpughi naw Aaron khü ne am düih ah mäih ah, Khanpughi naw khü ne am düih cun vah Taigü tung ah kya hning ci.

PHYAWN NAK 28:1

Na phäi Aaron la a hta gui, Nadab, Abihu, Eleazar, la Ithamar gui cu a täng ah ng’bum sak gui ä. Ngami cu Israel chang ungka k’pai gui ä. Cun ung taigü ah kya ne ka bi bik khai gui nei.

ATÜNNAK 46:26

Egypt khaw ah hteit ciah Jakob ah hta ng’shon ami van cu, a hta gui ah chu gui kä khei tu ah chuk kip la chuk lawk ci gui.

PHYAWN NAK 1:5

Jakob ah hta ng’shon gui ami van cu chih kip lawk ci gui. A hta Joseph cu Egypt khaw ah ana om ci.

ATÜNNAK 35:11

Kei cu hlüngtai säih ciah Khanpughi nei. Nang cu pyiing ne ng’shon ä, chang pakhui gui cu nang ungka ng’shon u sei ghangpughang gui ah pughi ah na kyak khai nei.

THULÄÄN NAK 26:12

“A kum thum nak päng ung bumgha gum ät nami pek vai, Nami geit a gha ungka aät, Levit gui, khuihei chang gui, hmei hta gui la hmei nu gui am nami pek gui vai. Cun ah kyasei chang bum päng ung am ei vai hlü cicu avan gah khai gui. Shin ah nami bi kawn ah,