HEBRU 7:28 - Cho Bible Common Language 2016

²⁸ Moses ah thukhän naw kä kümbe ciah chang gui cu, Taigü ah m’düih gui ci; cun ung phi thukhän a om kawn ah, angtäi sei kümbe ciah A Htapa cu Taigü Tung ah phyun ne m’düih ci.

HEBRU 7:28 Referans Kwoze

HEBRU 2:10

Apäng avan tüisho ngäng bom ciah Khanpughi naw, a hta akda gui am abäkhäk nak, a teipai nak gui ah, geinvai nak a aut sak nak awn Bawipa Jesuh cu kümbe sak ci. Cun ah Khanpughi naw a bi cu düng ci, a i ah kyasei ci ung cun ah chang gui hun nak ah hteh püi gui ci cu, Bawipa Jesuh ah kyak ci.

HEBRU 7:21

Cun ung phi cun ah phyun nak awn, Bawipa Jesuh Taigü ah a kyak law sang ung Khanpughi ah thu pyein cu; “Bawipa naw küikyang ciah shaitaak nak bik ci, Cun cu kä ng’hlah püi ba düt khai; Nang cu angtäi sei Taigü ah na kyak khai nei,” ciah kyak ci.

HEBRU 1:2

Cun ung phi shin ah ak hnubäih hnüüp gui ung läi A Htapa ung thu m’shäk lawk ci nei. A Htapa awn khopuui cu tüisho ne, kho ah kaa avan cu khäm khai ah Khanpughi naw A Htapa cu ghü ne m’düih ci.

LUKA 13:32

Bawipa Jesuh naw, “Kei cu tuhngawi la ngawi yung khoshe gui k’täm ne, ak gaw gui ka gai sak gui khai. Ak hnüüp thum ung ka bi cu ka pyi khai nei cine kyak ci, ciah sa ui-am m’thein ba vä.

SAM 110:4

Bawipa naw ang müi ah shai tak ci, cun cu kä m’hnawn ba khai: “Nang cu Melchizedek ah taigü ng’län ung angtäi sei taigü ah na kyak khai.”

HEBRU 7:24

Cun ung phi Bawipa Jesuh cu angtäi ghing ci kya ne, Taigü ah kia ne khuut abi cun phi a hei ah kut ung kä gawk hlawt ci.

HEBRU 7:3

Melchizedek ah anu apa, apu api gui la, ang tüi nak, asih nak ah mawng gui cu, ca ung ami guk kä om ci. Ani cu Khanpughi ah Htapa ah mäih ah kya ne, angtäi sei taigüpa ah kyak ci.

HEBRU 5:5

Acun ah mäih ah Bawi Khrit naw amät naw amät cu Taigü Tung ah käm düih ci. Khanpughi naw Bawi Khrit-am; “Nang cu Ka Htapa ah na kyak ci, Tuhngawi kei cu nang ah Pa ah ka kyak ci” cik ci.

HEBRU 3:6

Bawi Khrit läi cu Khanpughi ah im uk ciah A Htapa ah kya ne, bekhüt ne om ci. Mikmi cu küighaat ne, mi ngaih u nak ah khan ah m’lung üp nak a om ah a kyak ung, Khanpughi ah im ah mi kyak ci.

JOHAN 19:30

Bawipa Jesuh-am tu ci gui. Bawipa Jesuh cu cun ah sapyit tui aw netah, “Bi ng’pyi ci nei” cine ak hngü bat ne kät lawk ci.

TAIGÜTHUM 4:3

Taigütung naw katnak bi ne, chang ah khan ah a shetkat ah a kyak ung, kä kheihlik en ciah seipat anong a pek vai. Akat ah phäh ah Bawipa a khawihnah ah kyak khai.

HEBRU 4:14

Cun ah kyasei mi yum nak cu m’htek ne mik pang khai nei. A i ah kyasei ci ung, mikmi ung Khanpughi ah ma ah düi ciah Khanpughi ah Htapa, hlüngtai ciah Taigü Tung, Bawipa Jesuh cu om pyi ci.

HEBRU 2:17

Cun ah ani cu a mawng avan ung a phäinau gui ah mäih kya ne, ak chang gui shetkat nak ung m’gein gui khai ah, bekhüt nak la chimgein nak awn be ne Khanpughi ah khuut bik ciah Taigü Tung ah kiak ci.

HEBRU 3:1

Khanpughi naw a khü gui ah khritha phäunau gui aw, ngai shüm vä! Bawipa Jesuh Mi yum nak ung Taigü Tung ah kyak khai ah Khanpughi naw a tüih law ah kyak ci nei.