Biblia Todo Logo
Bib sou entènèt

- Piblisite -




HEBRU 7:27 - Cho Bible Common Language 2016

27 Ani cu a hei taigütung gui awn kä täng ci, Amät ah cheishoh nak la chang hei gui ah cheishoh nak ah hmawk ah ak hnüüp tä sei küikyan nak vawihpeh vai kä hlü ci. A i ah kyasei ci ung amät naw amät apeit sang ung hnü ät ge ang bäng ah ang ap ah hmawk ah kyak ci.

Gade chapit la Kopi




HEBRU 7:27
23 Referans Kwoze  

Acun ah mäih ah Bawi Khrit cun phi, chang gui ah cheishoh nak phiawn khai ah, hnü ät bäng küikyan ne ng’ap ci. Ani cu cheishoh nak nawt täm ba khai ah kä kyak ciah, ngäng ci gui ah chang gui hun gui khai ah ak hnih vei nak ah kyum law ba khai nei.


Bawi Khrit cu Hmun Theing Säih ah hnü ät ge ang bäng ah aluh sang ung, vawihpeh vai ah me ah si, sei ah si cu kä hteh püi ci; Amät ah si hlui cu hteh püi ne, mikmi ah angtäi hun nak cu na pe gui ci.


Bawi Khrit ah si naw a i hlawk ah theingcim sak pi khai aw! Bawi Khrit naw ng’täi ciah Mumcha awn amät cu, katnak kä om ciah küikyan nak ah kya ne Khanpughi ah ng’ap pyii ci nei. Ani ah sihlui naw, alä düüt ah kyak ciah mi m’lung ngaih cu na theingcim sak gui khai, cun ung mikmi naw angtäi ghing ciah Khanpughi cu mi khawihnah khai nei.


Bawi Khrit naw mikmi cu nam hni gui ne, Khanpughi ah yumhni ah ng’ui ciah m’küi khän nak la peit nak ah a hnun gui cu a peit ah mäih ah nami ghin nak cu m’hni nak naw ning kut shum gui sä.


Amät cu kä kümbe ciah kya ne, chang ah phäh bäng ah kä kiak ci, amät ah phäh ah phi küikyan nak vai ah phyutheh ciah kiak ci.


Ani naw amät cu mikmi ah hmawk ah pek ci, cun cu shetkat nak phung ung anak phiawn nak gui vai la amät khäm ciah ak chang theing ah mi kya ne, ak ni kyom ah mi hnün thawh nak thei vai ah hmawk ah kyak ci.


Cun ah kya sei ani cu sih nak näng ci kya ne, katnak ah hlüngtai nak naw ani cu kä uk ba hlawt sei, tuk bäi Khanpughi awn lünlawi ne ghing ne om ci.


Jew chang gui ah Taigü Tung cu, a kum tä sei, sei me gui ah si hteh püi ne, Hmun Theing Säih pi ung hteit ci ci. Cun ung phi Bawi Khrit läi cu ng’ap khai ah akda vei kä lut ci.


Aaron naw amät ah phäh la a kyong khui ah phäh ah katphyawn douthak nak ah vantang awn a khawihnah law ah a kyak ung,


Cun ung phi Taigü tung tumat bäng vah phung ah ak kyong ah vah lut ci. Ani cun ah aluh cun phi kum ät ung hngü ät ah kyak ci. Cun ah aluh ung amät ah hmawk la chang gui naw kä hmat ne ami cheishoh ah hmawk ah, khawihnah nak vai ah si cu hteh püi ci ci.


Taigü Tung nak cicu cheishoh nak ah hmawk ah phiawn nak vai la küikyan nak vai, chang van ah hmawk ah phyuhteh ne Khanpughi ah khuut bik khai ah ghü ne ami m’düih ah kyak ci.


Cun kawn ah ani naw chang gui ah phäh ah katphyawn douthak ah me cu ngawn khai. Asi cu Atheingcim Pikbäih Hmun ung law püi neta, a khüm ah khan ah k’peh khai, cun kawn ah Thukhän M’küm ah ama ung k’peh khai, vantang ah si a bi ah mäih ah a bi ah kyak ci.


Ani naw amät ah kat nawt heng nak vai la amät ah kyong chang ah phäh ah a khawihnah nak ah vantang cu a douthak vai.


Nangmi cun phi, Bawi Khrit ung kawng ät nak awn, chang khui hei gui awn a täng ah cawhkyan nak nami gah pyi ci kya ne, Mumcha awn Khanpughi ah om nak ah hmun ah nami kya lawk ci.


Taigü gui, Levi pakhui gui naw Zadok ah htangshon gui bäng cu law ne kei ah ma ah ka bi bik khai gui. Kei, uktu Bawipa naw shin ah ka thumkhän nei. Nangmi naw ngami am katnak ah phäh ah khawihnah douthak nak vai ah vantang nong cu nami pe gui khai.


Ani cu m’dek khan ung a om ah a kyak ung taigü ah kä kya hlawt khai, a i ah kyasei ci ung, thukhän awn, peit vai gui cu, ap ciah taigü gui ami om pyii ah hmawk ah kyak ci.


Akda vei lut khai ah a kyak vai sü ung Khanpughi naw kho akhan atüi pyan ung tün ne akda vei sih nak aut khai sü ah kyak ci. Tuhbäi kho a khüt law vai khin ung ang bäng ge ah hnü ät kium law ne, a hnun gui pe ne, cheishoh nak cu nawtpet yawp pyii ci.


Swiv nou:

Piblisite


Piblisite