HEBRU 7:24 - Cho Bible Common Language 2016

²⁴ Cun ung phi Bawipa Jesuh cu angtäi ghing ci kya ne, Taigü ah kia ne khuut abi cun phi a hei ah kut ung kä gawk hlawt ci.

HEBRU 7:24 Referans Kwoze

HEBRU 7:28

Moses ah thukhän naw kä kümbe ciah chang gui cu, Taigü ah m’düih gui ci; cun ung phi thukhän a om kawn ah, angtäi sei kümbe ciah A Htapa cu Taigü Tung ah phyun ne m’düih ci.

JOHAN 12:34

Chang gui naw, “Keimi ah thukhän ung, Messiah cu angtäi ah ghing khai, ciah om ci; chang A Htapa cu m’dek ungka han k’phäi nak gah khai, na cicu a i ang? chang ah Htapa cu a u ang?” cine ng’shik ci gui.

THU PHLAAN 1:18

Kei cu ghing ne om ciah ka kyak ci, kei cu ka si te ci, cun ung phi tuhbäi hta ng’shon ung ghing ne ka om ci. Sih nak la sihnak ah khaw ah khan ah kei ah huham cu om ci.

HEBRU 13:8

Bawipa Jesuh Khrit cu yanta, tuhngawi, ngawi yä, käng khukhlat phung ci.

ROMAN 6:9

Bawi Khrit cu sih nak ungka tho ba pyi ci kya sei, ani ung sih nak kä om ba phung khai, sih nak naw ani cu kä uk ba hlawt khai.

1 SAMUEL 2:35

Kei ung bekhüt khai la kei naw abi vai ka ng’yak hlü päng bik khai ah taigüpa cu kei naw ka ghü khai. Kei naw hta ng’shon nak ka pek khai, acun naw angtäi sei, kei ah ghü ah ghangpughang ah ma ah bi bik khai.

ROMAN 9:5

Ngah mi cu mingthang ciah Hebru hta ng’shon ah kyak ci gui. Bawi khrit cun phi hnicim chang pumsa ung ngah mi ah pakhui ah kyak ci. Ang tüi avan uk ciah Ka Khanpughi cu angtäi sei hlüngtai nak om sä! Amen.