HEBRU 7:18 - Cho Bible Common Language 2016

¹⁸ Ayan thukhän cu kä küm ne a kholä ah kyasei, ami nawng ah kiak ci.

HEBRU 7:18 Referans Kwoze

ROMAN 8:3

Hnicim chang ak tha kä om sei, thukhän naw kä a bi peit hlawt cu Khanpughi naw bi pyi ci nei. Khanpughi naw hnicim chang ung om ciah katnak cu m’kat khai ah A Htapa cu yuk m’kyum lawk ci. Ahtapa cu katnak k’täm ne m’di khai ah, hnicim chang ah mäih ah katnak nupuk nah ne ng’tüi lawk ci.

HEBRU 7:19

Moses ah thukhän naw a i phi kä kümpäng sak hlawt ci. Tuhbäi mikmi cu bä pi ciah ngaih u nak mi gah pyii ci kyasei, cun ah ngaih u nak awn Khanpughi ah pei ah mi ng’et lawk ci.

KALATIAN 4:9

Tuhbäi ung nangmi naw Khanpughi nami hmat ci — Tuhbäi ung nangmi cu Khanpughi naw ning hmat gui ci — cine ka pyein khai. Cun ah kyasei nangmi naw ak tha kä om sei, m’gein vai ciah kho ng’yo cu, a i ah kyasei nami ng’hlah ba shi hlü ang? A i ah kyasei khoyo ah khlei htein ah nami kyak ba hlü ang?

1 TIMOTHI 4:8

Pumsa lam ung thei nak cu bä kung ci, cun ung phi mümcha lam ung thei nak cu, a mawng avan ung, tuhbäi la ngawi yä ghin nak vai ah bä pi bäih ci.

HEBRU 13:9

Lam ng’düng ungka lam hma vai ah a hlü hlü ah ami m’theithang nak cu kä nami läk-en vai nei. Ei ei vai ah mawng läk nak vai ah thukhän ah kä kyak ciah, Khanpughi ah m’gein nak awn gah ah thamah nak cu bä ci; acun ah thukhän läk ciah chang gui cu a i sang ung phi kä bä hlawt ci gui.

KALATIAN 3:17

Ka pyein hlü cu Khanpughi naw Abraham awn Thukhän bi netah, a cun läk vai ah shaitaak nak a peit ah kyak ci. Khokum phya phli la thum-kip kawn ah ng’dang lawk ciah thukhän naw, cun ah thukhän la Khanpughi ah shaitaak cu kä m’shet hlawt ci.

KALATIAN 4:21

Thukhän ah kaa ah om hlük ciah chang gui, ka ning shi gui hlük ci; thukhän ah pyein cu nangmi naw kä nami ng’yak ci ma?

KALATIAN 3:15

Phäi nau gui aw, ak hnüüp tä nami aut ah m’tumtäng nak tumat ka pyein khai; Chang hnih naw ng’thu khän ne ca ani guk ah a kyak ung, cun ah ca cu a u naw phi kä khui ba hning ci, kä k’be ba hning ci.

ROMAN 3:31

Cun ah a kyak ung mikmi naw Khanpughi yum nak awn thukhän cu mi nawng en ah kyak khai ang! Cun ah kä kyak ci, thukhän cu mi khän htek sak nak ah kyak ci nei.

KALATIAN 3:21

Cun ung thukhän la Khanpughi ah shaitaak cu hnu ng’tuk ni ne ang? Kä hnu ng’tuk ci goi nei! Chang ah hta naw ghin nak ah thukhän ami gah vai sü ung, acun läk nak awn chang phung cu Khanpughi ung düng nak gah khai sü te.