HEBRU 7:11 - Cho Bible Common Language 2016

¹¹ Israel chang gui-am thukhän a peit gui yah ung, Levi pakhui taigü gui ung ng’yung ne a peit gui ah kya ci. Tuhbäi Levi pakhui taigü gui ah bilawh cu a khüm be vai sü ung, Aaron ah a hnün ung Melchizedek ah khui m’düng khai ah taigü ang dang lawvai kä hlü khai sü te.

HEBRU 7:11 Referans Kwoze

HEBRU 8:7

Ak htük bäih ah thukhän ung cheishoh nak kä a om vai sü ung ak hnih nak thukhän kä hlü khai sü te.

KALATIAN 2:21

Kei naw Khanpughi ah m’gein nak cu kä ka ma phung khai. Cun ung phi chang tumat cu ng’thukhän awn Khanpughi ung düng nak gah ciah a kyak ung, Bawi Khrit ah sih cu a kholä ah kyak ci nei!

HEBRU 7:21

Cun ung phi cun ah phyun nak awn, Bawipa Jesuh Taigü ah a kyak law sang ung Khanpughi ah thu pyein cu; “Bawipa naw küikyang ciah shaitaak nak bik ci, Cun cu kä ng’hlah püi ba düt khai; Nang cu angtäi sei Taigü ah na kyak khai nei,” ciah kyak ci.

HEBRU 7:15

Melchizedek ah mäih a hei taigü dang law sei taigü a hei hei a om vai ah mawng ng’htei law pi ci.

HEBRU 5:6

Cun kawn ah mä a hei ung, “Nang cu Melchizedek ah hnün ung ngoh ciah Ang täi ah Taigü ah na kyak khai,” cine pyein ba ci.

KALATIAN 4:9

Tuhbäi ung nangmi naw Khanpughi nami hmat ci — Tuhbäi ung nangmi cu Khanpughi naw ning hmat gui ci — cine ka pyein khai. Cun ah kyasei nangmi naw ak tha kä om sei, m’gein vai ciah kho ng’yo cu, a i ah kyasei nami ng’hlah ba shi hlü ang? A i ah kyasei khoyo ah khlei htein ah nami kyak ba hlü ang?

HEBRU 6:20

Taigü tung Melchizedek ah hnün ung ngoh ne, angtäi ah Taigü tung ah kyak ciah Bawipa Jesuh cu, mikmi ah hmawk ah cun ah mang im ah lut pyi ci nei.

HEBRU 5:10

Khanpughi naw Bawipa cu Melchizedek ah hnün ung ngok ciah Taigü tung ah ming sak ci.

KALATIAN 4:3

Acun ah mäih ah mikmi cun phi mümcha ung kämi khüighaat pha ung, khovang mümcha gui ah khlei htein ah mi kyak ci.

HEBRU 7:10

A i ah kyasei ci ung Abraham la Melchizedek ani ng’hmuh yah ung, Levi cu kä ng’tüi pha ne, Abraham ah pukhui ah om yah ciah pyein vai ah a kyak ah hmawk ah kyak ci nei.

HEBRU 7:12

Taigü pakhui ang thawng ah a kyak ung thukhän phi ang thawng vai a hlü ah hmawk ah kyak ci.

HEBRU 7:13

Shin ah a mawng gui ung ami pyein ah Mi Bawipa läi cu, Levi pakhui taigü kyong ungka ah kä kyak ci, a pakhui hei ung kaa ah kyak ci.

HEBRU 9:6

Cun ah ami pyan kawn ah taigü gui cu bi bik khai gui ah, phung ah ak caw lam ah ak hnüüp tä sei hteit ci gui.