HEBRU 6:8 - Cho Bible Common Language 2016

⁸ Cun ung phi cun ah m’dek cu m’ghaw la ng’hling bäng a thawh sak ah a kyak ung, mang vai ah kä kya ba ci kyasei, Khanpughi naw k’phyun ne mei awn m’khih ne m’di khai.

HEBRU 6:8 Referans Kwoze

JOHAN 15:6

Kei ung kä om cicu k’set ne ghawh ah ang ban chawng ah mäih ah kiak ci. Chang gui naw cun ah ang ban chawng gui cu k’bum ne mei ung m’khih u seih, mei naw ui yawp ci.

THULÄÄN NAK 29:28

Bawipa cu mlungso ne nget law neta, ani naw adäm duh ciah amlungshe nak awn ami khaw ungka ang yung ah mawi gui ne, a khaw hei ah ghawt gui ci. Ngami cu tuhngawi a cu ah om ci gui.

JEREMIAH 44:22

Atuh ngawi ung nami khaw cu di ne ng’zän sei, a cun ung a u kä om ci. Cun cu tengshe khai ah kya lawk ci, chang gui naw aming cu plah taam nak ah mang ci gui, a i ah kyasei ci ung nami cheishoh nak la akshe nami bi nak gui cu Bawipa na kä khan ba hning ci nei.

HEBRU 12:17

Nami hmat ah mäih ah, ani cu a ngawi ah apa ah m’shumphyuk nak cu ng’ya ba hlük ci. Cun ung phi kä gah ba hlawt ci, a i ah kiasei ci ung, ani naw chei khai ah abi pyii, a pyan nak ba vai ah lam cu, ang phli tui lut law sei shui ne phi kä hmu hlawt ci nei.

HEBRU 10:27

Mikmi naw m’khoichaa nak la Khanpughi hnungtuk püi ciah chang gui m’khih gui khai ah meiksam cu kyih en vüih vüih ne mi ngäng khai ah kyak ci nei.

THU PHLAAN 20:15

Ghin nak ca-uk ung ang ming kä ng’gu tuk ciah chang gui phung cu cun ah meidäi ung yuk shum gui yawp ci gui.

MAKUH 11:21

Peter naw shüm law ba netah, ‘Bawipa, Teng ä, nang naw na taam shüt ah baangghing cu ng’yai ne chawng pyi ci nei” cine pyein ci.

MAKUH 11:14

Cun ah kya khätah Bawipa Jesuh naw, “A ngawi ah phi nang ah m’theih a u naw kä ei-en sä” cine k’phyun ne taam shüt ci. Cun ah a pyein cu ang düihpüi gui naw ng’yak ci gui.

MATTHE 7:19

Chang gui naw akni ah käm theih ciah a ghing gui phung cu, chupit ne mei ung k’bum man ci gui.

MATTHE 3:10

Sing ghing gui ah kung ah chuk nak vai ah ghei cu, m’shän pyii ah kyasei, akni ah kä m’theih ciah a ghing phung cu, chu pit ne mei ung k’bum yawp vai nei.

MALAKHI 4:1

Hlüngtai ciah Bawipa naw, “Chang ah ng’shei ci gui la changshe gui cu khu chawng mei naw a uih ah mäih ah a uih sak gui vai ah hnüüp gawk lawk ci nei. Cun ah hnüüp ung ngami gui cu ui gui yawp khai, a i phi kä k’pawih ba khai.

EZEKIEL 20:47

Uktu Bawipa naw a pyen cu a htum täng ah bung naw ang yak vai ah m’thein ä: Teng ä! Kei naw mei ka m’khih ci nei, acun ah mei naw nang ung om ciah sing nü ak chiing ak chawng ui yawp khai nei. Cun cu a i naw kä m’shih hlawt ci. Cun cu a htum ah ka naw a siip ah khüt sei ng’phiah ne ui ci, cun ah mei m’lei ah angliing cu apäng ung gawk khai.

JEREMIAH 17:6

Ngami ci ng’kiang ma ah k’plup ah mäih ah kyak ci gui, cun cu bung hmu kho chawng ung pyo ci, a i naw kä a ghin nak hning ah m’shi tui khonglei ung pyo ci. Cun gui ah khan ah akni phung kä kya lawk ci.

SAM 107:34

A cun ung om ciah chang gui ah shetkat ah phäh ah ani naw ang lei ni cu m’sii m’dek ah kyak sak ci.

JOB 31:40

kei ah lo lai ung püm la htang ah a thawh nak vaisü ung m’gho la ng’hling gui bang tho sä. Joba ah ng’thu shin ung ng’pyi ci nei.

ATÜNNAK 5:29

“Bawipa naw na m’kyuk gui sei, m’dek khan ung yaica nak ungka, shin ah a hmaw naw na hüiyaang sak gui khai nei” ci neta, a ming cu Noah ah sui ci.

ATÜNNAK 4:11

Na ngawn ah na nau ah si awk khai ah a shai m’aan ciah khomdek naw nang cu ning m’kyuk pyi ci nei.

MATTHE 25:41

“Cun kawn ah ghangpughang naw ak eng lam ah om ciah chang gui-am, ‘Thüi sei nak om ciah chang gui, shin ungka düi law ne, hteit vä, khoshe gui la ami khah püi gui ah hmawk ah pyan ah m’hteimei lam ung yu kya vä.

2 SAMUEL 23:7

Nang naw m’si likhim baw, htei tumat baw na mang vai; ngami cu pyäm khai ah ui gui khai.

ISAIAH 27:4

Kei cu sapyit lo ah phäh ah kä ka m’lungshe ba ci nei. Hnu ng’tuk püi vai ah hling ghing, hling shun gui bäng om ci nei, kei naw cun gui cu ka m’khih gui yawp khai nei.