HEBRU 6:7 - Cho Bible Common Language 2016

⁷ A khin ung aa ciah kho aa naw m’hlawh sei, lo bik ci gui ah geit thawh sak ciah m’dek ni cu Khanpughi naw m’shumphyuk ci nei.

HEBRU 6:7 Referans Kwoze

HOSEA 10:12

Kei naw ka pyen ci, ‘Nami mät ah phäh ah m’dek ak thai thawn vä. Düng nak cu geit u ne kei ah nami ng’ap nak ung m’theih pai lawk ciah hrilham cu khäm vä, Shin cu nangmi kei nami na Bawipa ah nami ng’hlah law nak ba vai ah akhin ah kyak ci nei. Kei cu law ne nami khan ah hrilham ka yuk lawn lawk khai nei.’

ISAIAH 44:3

Kei naw tui gha ciah khaw ung tui ka pek khai, khong’gau khaw ung tui lawng ka lon sak khai. Kei naw nami htanau gui ah khan ah ka mümcha ka yuk chah khai, nami hta ng’shon gui ah khan ah ka hriham ka yuk chah khai.

SAM 126:6

Ang phli li sei phu vai ah m’shi phui ne hteit ci gui cu, htang m’guh pawk kawt ne yei ne ng’äi m’cu ne law ba khai gui.

JAMES 5:7

Ka phäinau gui aw, Bawipa a law ba güt hnimgei ne om vä. Lo bik ciah chang tumat naw, a lo ung, ak küikyang ah a geitkaw gui am theih tak law vai ah, kho k’aa htük ungka naw, kho k’aa ang pyi güt ung, hnimgei ne ging ci nei.

EZEKIEL 34:26

“Kei naw ngami cu hriham pe gui ne ka khomhtung theing ah angveing ung ka om sak gui khai. Khotui ami ng’yak hlü yah ung kei naw khaw aa sak ne hriham ka pe gui khai.

SAM 24:5

Bawipa naw ngami cu hrilham pe gui ne, hun gui ci; Khanpughi naw düng ne ni sak gui ci.

TAIGÜTHUM 25:21

Bawipa naw khaw cu a kum chuk kum hrilham k’be khai, cun ah kyasei a cun ah khaw naw kum goi ung ei vai m’thawk sak khai.

MALAKHI 3:10

Bum gha bum ät cu akbe ah Taigüim ah nami law püi vai. Cun ung ei awk vai cu nami khaw ung da khai nei. Cun ah bi u ne kei cu nami na m’nüm vai, Kei naw khankho m’kawt hmawng ne akni akbä avan ka ning yuk lawn gui cu nami hmuk khai nei.

ATÜNNAK 27:27

Jakob naw law ne ng’ui khäta, a hta ah sui cu m’hnam neta, hriham cu pek ci. Ani naw, “Ka hta ah ng’ui cu Bawipa naw hriham a pek ah laima ah ng’ui ah mäih ah kyak ci nei.

ATÜNNAK 1:11

Cun kawn ah Khanpughi naw, “Paai ci la m’theih ci, ghing gong ci phung avan khomdek khan ah ng’lih pyou sä” ci sei a cun ah kyak ci.

MATTHE 7:8

Ng’yoi ci naw gah ci, shui ci naw hmuk ci, kshoh khäk ci phi hmawn pek ci.

2 TIMOTHI 2:6

Khüghaat ne kholo ciah chang naw väi lawk ciah geit cu, khäm ba ma khai ah kyak ci.