HEBRU 6:6 - Cho Bible Common Language 2016

⁶ Cun ung phi, ngami cu yum nak ung lam hma pyi ci gui nei! Ngahmi cu kä ng’yu ba sak gui hlawt vai nei, a i ah kyasei ci ung ngahmi cu Khanpughi ah Htapa kutlam tung ung ngawm ba mä u ne, thui ng’aa sak ciah kyak ci gui nei.

HEBRU 6:6 Referans Kwoze

2 PETER 2:21

Ng’düng ciah lam hmat ve ve ne Bawipa ah thu theing ng’hlah tak ciah dam ah ta, cun ah lam ng’düng kä hmat tu ling cu bä tu ba ci.

HEBRU 10:29

Khanpughi ah Htapa cu päipih ne, katnak theing sak ne Khanpughi ah thukhän thai ah kyak ciah si ng’hlui cu gaih m’gin ne, m’gein nak m’kyum lawk ciah Mumcha shetkat nak ci naw, a i hlawk ah nuipai ciah shetkat nak gah khai cicu nami ngaihtüh shüm vai nei.

HEBRU 6:4

Lam hma ne ami yum nak ng’phleng pyi ciah chang gui cu a i chaa ah ng’yu ba sak gui thei vai ang? Ngah mi cu Khanpughi ah akdei ung, khankho m’cümhnah nak phi m’nüm tu shüm u ne, Mumcha Theing phi gah man ci gui ah kyak ci.

1 JOHAN 5:16

Na phäi nau tumat cu a cheishoh ung phi sih nak ah katnak ah kä ah kyak ah khoi ung, Khanpughi ah nak taigü peit vai, Khanpughi naw ani am ghin nak cu pek khai nei. Cun cu sih nak ung kä gawk nak hnga vai ah cheishoh ciah chang gui ah mawng ah kiak ci. Cun ung phi sih nak ung gawk nak ah cheishoh nak om ci, cun ah hmawk ah nami taigü vai ah ka pyein ah kä kyak ci.

ISAIAH 1:28

Cun ung phi shekak ci la ani hnu ng’tuk püi ciah chang phung cu ani naw güüt khai. Ani nawng ciah chaung päng cu, ani naw ngawn khai.

2 TIMOTHI 2:25

Ani hnu ng’tuk püi ciah chang gui cu ang awi gi ah m’cäi thei ciah kiak khai. Cun ah chang gui cu ng’ya ba u ne, thu thuuk ami hmat tu vai ah Khanpughi naw akhin k’ni pe gui khai nei.

SAM 51:10

O Khanpughi, ka m’lung ang ciim na tüisho pe ne, mümcha k’thai, bekhüt nak na yuk thunthan pe ä.

HEBRU 12:2

Tün nak ungka naw pyii nak ung khüt sei, mi yum nak ah ang yung ah kyak ciah Bawipa Jesuh cu ng’kheing sei mi teng khai nei. Ani cu kutlamtung ah mawng ung käm lung k’si phung ci, Bawipa cu ani ung gawk lawk khai ah yeikyai nak ah hmawk ah kutlam tung ung käng yocho phung ne sih nak aut netah Khanpughi ah mang kiang k’patlam ung ngok ci.

MATTHE 19:26

Bawipa Jesuh naw ngami cu kheing ne teng gui netah, “Chang naw a i phi käm khüt näng ci, cun ung phi Khanpughi naw a päng avan m’khüt näng ci,” cine m’thein gui ci.

LUKA 11:48

Nangmi cu nami pughi pa gui ah kut nak ung nami kawng ät tuk ciah kyak ci. Ngami naw profet gui ngawn u sei, nangmi naw ng’phuh hmun nami co ci.

HEBRU 4:14

Cun ah kyasei mi yum nak cu m’htek ne mik pang khai nei. A i ah kyasei ci ung, mikmi ung Khanpughi ah ma ah düi ciah Khanpughi ah Htapa, hlüngtai ciah Taigü Tung, Bawipa Jesuh cu om pyi ci.

HEBRU 10:26

Mikmi cu düng nak mi hmat kawn ah a guih ah mi cheishoh ba ah a kiak ung katnak küikyan nak vai a i kä om ba khai nei.