HEBRU 6:4 - Cho Bible Common Language 2016

⁴ Lam hma ne ami yum nak ng’phleng pyi ciah chang gui cu a i chaa ah ng’yu ba sak gui thei vai ang? Ngah mi cu Khanpughi ah akdei ung, khankho m’cümhnah nak phi m’nüm tu shüm u ne, Mumcha Theing phi gah man ci gui ah kyak ci.

HEBRU 6:4 Referans Kwoze

MATTHE 5:13

Nangmi cu chang nüng ah hmawk ah m’shii ah mäih ah nami kyak ci. M’shii cu atui a maih kawn ah tui ba khai ah kä pyan ba hlawt nei. Kä ei mang ba phia sei, k’tai ah ghawh ung chang gui naw kai nak ci gui.

JOHAN 15:6

Kei ung kä om cicu k’set ne ghawh ah ang ban chawng ah mäih ah kiak ci. Chang gui naw cun ah ang ban chawng gui cu k’bum ne mei ung m’khih u seih, mei naw ui yawp ci.

EPHESIAN 2:8

Khanpughi ah m’gein nak ung yum nak awn hun nak nami gah ci. Nami mät ah ni kyom nak la k’tha nak awn ah kä kyak ci, Khanpughi ah m’gein nak ah kyak ci. Cun ah kyasei a u naw a khäh ghah nak vai kä kyak ci.

JOHAN 3:27

Johan naw, “Khanpughi naw kä a peit ung a u naw a i käm khüt ci.

HEBRU 10:32

Zan ä kho hnüüp gui cu ngai ne shüm ba vä, cun yah ung nangmi cu Khanpughi ah ak dei nami hmuh kawn ah yaica nak akda nami gah ung phi, cun naw kä ning m’dimshum gui hlawt ci.

MATTHE 12:45

Cun kawn ah amät ah mä shekha pi ciah khoshe pachih cu va khü tu ba gui sei, acun ung a täng ah om ci gui. Cun ah kyasei khoshe ah kai ah chang, ak hnu ah a shetkat nak cu, ak htük ungka ah mä, shekha law pi ci. Shin cu tuhbäi shekhak ciah chang gui ung gawk lawk khai ah a mawng ah kyak ci nei” cine pyen na gui ci.

KALATIAN 3:2

Khanpughi ah Mumcha nami gah nak cu, thukhän nami läk nak awn ang? Kä cun ung Thu Ni ngai ne nami yum nak awn ang? m’hlan ne nami pyein vai nei!

2 TIMOTHI 2:25

Ani hnu ng’tuk püi ciah chang gui cu ang awi gi ah m’cäi thei ciah kiak khai. Cun ah chang gui cu ng’ya ba u ne, thu thuuk ami hmat tu vai ah Khanpughi naw akhin k’ni pe gui khai nei.

1 JOHAN 5:16

Na phäi nau tumat cu a cheishoh ung phi sih nak ah katnak ah kä ah kyak ah khoi ung, Khanpughi ah nak taigü peit vai, Khanpughi naw ani am ghin nak cu pek khai nei. Cun cu sih nak ung kä gawk nak hnga vai ah cheishoh ciah chang gui ah mawng ah kiak ci. Cun ung phi sih nak ung gawk nak ah cheishoh nak om ci, cun ah hmawk ah nami taigü vai ah ka pyein ah kä kyak ci.

HEBRU 2:4

Acun ah khin ung Khanpughi a mät naw cäi aih vai gui, cäicat vai gui am dang nak awn la a mät ah ng’yak hlü ah Mumcha Theing am shum phyuk nak awn saksi cu dang sak ci.

1 TIMOTHI 4:14

Profet gui ah thu awn, ak tahnga gui naw, na khan ah ami kut taih ne ami ning m’shumphyuk ah mümcha m’cümhnah nak cu, a i baw düt ah kä na ngaih-en vai nei.

LAMKTU 11:17

Khanpughi naw Bawipa Jesuh Khrit mi yum ci gui am m’gein nak ana peit gui ah mäih ah akhui hei gui am phi a peit gui cu dang ci nei. Cun ah kyasei kei cu a i ah kya ne phi Khanpughi cu kä ka maa na hlawt khai” cine pyein ci.

EPHESIAN 4:7

Bawi Khrit naw a nam shumphyuk gui ah mäih ah, mikmi tumat cicu küikyang ciah m’cümhnah nak mi gah ci.

EPHESIAN 3:7

A hlüngtai nak ah a bilawh nak awn Khanpughi naw ana peit ah ak küikyang ah m’cümhnah nak cu, Thu Ni ng’shäu ciah ak chang shäm ah ana pyan ah kyak ci.

LAMKTU 10:45

Chang pakhui hei gui cun naw phi Khanpughi ah Mumcha Theing cu gah tu u khä tah, Joppa ah kaa Peter awn a täng ah lawk ci gui ah Jew chang gui cu ang htei ah cäicat ci gui.

LAMKTU 8:20

Cun ung phi Peter naw, “Nang naw Khanpughi ah m’gein nak cu ngui awn nak khleih khai ah na ngaih ah phäh ah na ngui cu, na mät awn a täng ah m’htei khaw a hteit sä;

JOHAN 6:32

Bawipa Jesuh naw, “Kei naw akcang ka pyein cu Moses ah ning peit gui ah m’htut cu, khankho ah kaa ei awk ah kä kyak ci, Kapa Khanpughi naw a ning peit gui cu, khankho ah kaa m’htut akcang ah kyak ci.

KHEI NAK 24:3

Ani naw shin ah cängbang nak cu ng’shäu ci: “Beor ah hta Balaam ah thu m’khäh, ang ciim ah hmu hning ciah chang ah hta ah ng’thu,

KALATIAN 3:5

Khanpughi naw Mumcha ning yuk m’kyum gui ne, cäi aih gui vai a ning hmuh sak gui cu, thukhän nami läk nak awn ang? Thu Ni ngai ne nami yum nak awn ang?

LAMKTU 15:8

Chang gui ah m’lung ngaih, hmat yawp ciah Khanpughi naw Mumcha Theing cu mikmi am ana peit gui ah mäih ah changpakhui hei gui am phi a peit nak tu gui awn, ngah mi m’hni ne ang yaak nak hlü gui cu m’dang ci nei.

JOHAN 4:10

Bawipa Jesuh naw, “Nang naw Khanpughi ah m’gein nak la, tuhbäi tui ning ng’yoi cicu na hmat vai sü ung, ani ah ghin tui gei cu nang yoi khai sü te, ani naw phi cun ah tui cu ning pek khai süte” cik ci.

2 TIMOTHI 4:14

Kyeei sheh ciah Alexander naw kei cu ak kaa ah na kyak na tuk ci nei, amät ah bi ah khan ah Khanpughi naw a gah vai cu pek khai nei.

ROMAN 1:11

Nami k’thamah nak vai ah mümcha hrilham cu ning pai tu gui hlü ne, ang htei ah ka ning hmu gui hlü khäät ci.

2 KORIN 4:4

Khodek khan ah khoshe naw ami m’lung cu shung sei, ngami naw kä yum hlawt ci gui. Satan naw shung gui sei, Khanpughi ah müi ak cang ah kyak ciah, Bawi Khrih ah bämang nak ah mawng, ngami ah khan ah ng’shü lawk ciah: Thu Ni ah akdei cu kä hmu hlawt ci gui.

2 KORIN 4:6

“Hnüp ah khui ung akdei ng’shü lawk khai” cine pyein ciah Khanpughi cu, Bawi Khrih ah hmai ung ng’shü ne khang ciah bämang nak ah mawng cu hmat nak vai ah, mikmi ah m’lung kyong ung, akdei cu ng’shü law sak ciah Khanpughi ah kyak ci.

EPHESIAN 1:18

Kei naw ani ah ak dei cu nami m’lung awn nami hmuh vai ah ka ning k’thäh pe gui ci, cun ah kyasei, a i nami ngaih u vai ah a ning khü gui ah mawng, ak chang gui-am a peit ah shaitaak cu a i hlawk ah cäicat vai ah abä nak ah mawng,

TAIGÜTHUM 13:55

Cun kawn ah ani naw ng’shi thäh ba mä khai, cun ah khei nak cu amüi kä ng’thawng ci kyasei, kä ng’shawng law pi ciah a kyak ung phi, cun cu kä theingthap lä ci. Cun cu mei awn m’khih vai, a i ah kyasei ci ung, cun cu a hnu täng baw, ama täng baw thuk ciah kyak ci.

TAIGÜTHUM 14:43

Lung gui ghawt ne, im cu k’tuh ne, hluk ne, pyan ba kawn ah kheilei naw a kawh ba nak ah a kyak ung,