HEBRU 6:2 - Cho Bible Common Language 2016

² Tui hnim nak ah mawng, kut taih ah mawng, sih nak ungka thawh ba ah mawng la ak hnu bäih ah m’khoichaa nak ah mawng gui cu ning m’thei gui pyi ah kyak ci.

HEBRU 6:2 Referans Kwoze

LAMKTU 6:6

Zum ci gui naw cun ah chang gui cu, ang düihpüi gui ah pei ah law püi u khätah ami khan ah ami kut taih ne taigü pe gui ci gui.

LAMKTU 24:25

Cun ung phi Paul naw, ni kyom nak ah mawng, htingling vuihgiip nak ah mawng, la gawk law khai ah m’khoichaa nak ah mawng gui cu, tän ne pyein khätah, Felix cu kyikyawk law netah, “Tuk bäi na hteit ba hning ci, cän kawn ah a khin a om nak ung ka ning khü law ba khai” cine pyen nak ci.

LAMKTU 23:6

Paul naw cun ah kawngsi ung amshah cu Pharisee gui, am shah cu Sadduces gui ah ami kyak cu hmat law netah, “Kei cu Pharisee nei, Pharisee ah na hta nei, sih nak ungka thawh ba vai ah ka ngaih u ah hmawk ah, tuk bäi cet ne nami na ng’shi ah kyak ci nei” ci ne kawngsi yung k’poh khai ah m’lau ne pyein ci.

LAMKTU 17:18

Epicurean la Stoik Greek hmuhmat chang gui awn phi ng’kükneet ne pyeinsak ci gui. Cun ah chang amshah gui naw, “i baw hmuhmat ciah ng’hlawk ciah shin ah chang cu a i a pyein tu khan ang?” cine kyak ci gui. A hei chang gui naw, “Shin ah chang naw, a kho hei chang gui ah khanpughi gui a pyein ah kyak khai nei” cik ci gui. Cun ah ami pyein cu Paul naw Bawi Jesuh a mawng la sih nak ungka thawh ba ah mawng a pyein ah hmawk ah kya ci.

LAMKTU 16:33

A cun mü, acun ah khin ung thawng ngäng naw Paul la Silas cu khü goi ne, ani leim cu m’tui m’seih pe goi ci. Cun kawn ah a cun vai am amät la akyong ungka gui cu tui hnim ci gui.

LAMKTU 16:15

Cun ah kyasei amät la akyong ungka gui ami van cu tui hnim ci gui. Cun kawn ah Lidia naw, “Kei naw Bawipa cu akcang ah ka yum ciah nami ngaih gep ah a kyak ung ka im ah law ne om law tu vä” cine k’shet ne na khü gui ci.

LAMKTU 10:47

Cun kawn ah Peter naw, “Shin ah chang gui cu mikmi ah mäih ah Mumcha Theing gah ci gui ah kya ci, cun ah kyasei tui ami hnim vai cu a u naw maa nah gui hning khai ang?” cine pyein ci.

LAMKTU 2:41

Chang ak da naw a ni ah ng’thu yum u neh tui ng’hnim u seih cun ah hnüüp ung chang sing phia thum kip lawh law neh da lawk ci gui.

LAMKTU 2:38

Peter naw, “nang mi ak chang sing cu, nami katnak ung ka nami ng’yu ba vai, Bawipa Jesuh Khrih ah ming awn tui nami hnim vai, cun ung nami katnak cu ning m’gein gui seih, nang mi naw Khanpughi ah Mumcha Theing cu nami gah khai.

JOHAN 1:33

Ayan ung ani kä ka hmat man ci, cun ung phi tuihnim nak ka pek khai ah na tüi lawk ciah Khanpughi naw,” Khankho ah kaa Mumcha Theing kyum law ne, alu khan ah ngo law sei, na hmuh ah chang cu Mumcha Theing awn hnim nak pek khai ah chang nei,” cine ana m’thein pyi ah kya ci.

MAKUH 16:16

Zum ne tuihnim nak lak ciah chang phung cu hun phiawn nak gah khai hei; kä yum tuk ciah chang phung cu shetkat nak om khai nei.

MATTHE 28:19

nangmi htei ne kho nüng ung chang van cu, kei ah ng’khah püi ah kiak sak yawp vä. Cun ah chang gui cu Apa, A hta la Mumcha Theing ah ming ung tuinim nak pe vä.

DANIEL 12:2

Si pyi ciah chang gui akda cu ghing ba khai gui, amshah cu angtäi ghin nak ung yeikyai khai gui, amshah cu angtäi thüisei nak ung yaica khai gui.

THUSHÄUTU 12:14

Mi bi nü nü, aka, m’zih ne bi gui avan cu Khanpughi naw m’khoichak khai nei.

2 PETER 3:7

Cun ung phi khawnmawpi la khomdek cu mei awn kä am di pha ah chuih, Khanpughi ah ng’thu bä awn om lä khai. Khanpughi kä yum ci gui ng’thumcha ne am di gui hnüüp ung ngami cu dimaih khai gui.

HEBRU 11:35

Hnumi gui cun phi ami yum nak awn sih nak ungka ghing ba ciah ami pawchang gui cu gah ba ci gui. Amshah gui cu ng’pängye nak gui maa-en u ne, bä ci ciah ghin nak ung thawh ba vai ah, dukdeiu nak awn sih yawp ci gui.

HEBRU 9:10

Cun gui cu ei awk la theingcim nak a hlü hlü bilawh nak gui ung phung ci. Shin gui cu ak pung lam m’hnütbäi nak gui ah kya ne, Khanpughi naw khokthai a pyan nak kä phaa sei ng’pyi khai gui.

2 TIMOTHI 2:18

Ngahmi cu cacim ah düng nak ungka lam hma u ne, ‘Sih nak ung ka mi thawh nak ba cu gawk law pyi ci nei,’ ci u ne yum ciah chang gui ah yum nak cu ng’lat sak ci gui.

KOLOSE 2:12

Tui nami ng’hniim cu Bawi Khrit awn nami ng’ciim nak ah kyak ci. Tui nami ng’hniim nak ung Bawi Khrit awn nami tho ba ciah kiak ci. Cun cu ani sih nak ungka thawh ba sak ciah Khanpughi ah tholet ciah hlüngtai nak nami yum nak awn ah kyak ci.

PHILIPPIAN 3:21

Bawipa naw amät ah uknak kaa ah, ang tüi avan a gawk nak sak ah, a hlüngtai nak awn shetka thei ciah pumsa cu bämang ciah amät ah pumsa ah mäih ah na ng’thawng sak gui khai nei.

1 KORIN 12:13

Acun ah mäih ah, Jew chang, khui hei chang, chang khleihtein, chang ng’päi om, chang mi van cu Mumchabawi tumat ung tui mi ng’hniim u ne, pumsa tumat ah mi kya lawk ci. Acun ah Mumcha cu chang mi van naw mi gah ah kyak ci.

1 KORIN 10:2

Ngahmi cu khawmei la tuinu ung Moses ah chang ah ami kyak nak ah tui-hniim ci gui.

ROMAN 2:16

Cun ah kya sei, kei naw ka ng’shäu ah Thu Ni ah pyein ah m’khoichaa nak ah kho hnüüp ung Khanpughi naw, Bawipa Jesuh Khrit awn chang gui naw m’yih ne ami ngaih-tüh gui phung cu, m’khoi m’cha ne m’dang yawp khai nei.

LAMKTU 26:8

Shin ung gawk law ciah chang gui! “Khanpughi naw sik ci a thawh ba sak cu, kä yum vai kyak ci” cine a i ah kyasei nami pyein ang?

LAMKTU 24:21

Kä cun ung phi kei naw kawngsi ah m’hlan ne ka pyein tuba yah ung, “Kei naw sik ciah chang gui tho ba khai ciah ka ngaih u ah hmawk ah tuk ngawi nami na cet ah kyak ci nei” cine m’lau ne ka pyein ah kawn ah a hei ka hma nak a om ah ngami naw tuk bäi pyein u sä” cine pyein ci.

LAMKTU 24:15

Kei cu Khanpughi ka yum ci kya ne, chang k’ni, chang she, chang avan cu, sih nak kung kaa tho ba khai ah ka ngaih u ci. Acun ah mäih ah ngami naw phi yum ne ngaih u ci gui.

LAMKTU 4:2

Ngah mi naw sih nak ung ka thawh ba nak ah mawng, m’dang ciah Bawipa Jesuh ah thawh ba ah mawng cu, m’thein gui ni khä tah ngah mi cu m’lung k’she ci gui.

JOHAN 5:29

ng’cim hmun ungka ami thawh ba nak vai ah a khin cu gawk khai nei; a om nik ci gui cu tho ba ne ghing ba khai gui, a om shek ci gui cu tho ba u ne phi shetkat nak gah khai gui nei.

LUKA 14:14

Cun ung nang ah khan ah yeikyai nak om khai, a i ah kya sei ci ung ngami naw nang cu kä ning tumbei tuba hlawt khai gui. Chang k’ni gui sih nak ungka ami thawh law ba hnüüp ung na bi nak cu Khanpughi naw ning m’thung ba khai.

LUKA 12:50

Kei naw tuihnim nak ka lak vai om ci, cun ah bi cu kä ka pyi pha ah chuih kei ah m’lung cu yaica ci.

LUKA 11:38

Bawipa Jesuh naw kut kä m’si ah ei ei vai ne pawng sei, pharisee gui naw hmu u ne ngai khit u khätah.

LUKA 3:16

Johan naw, “Kei naw tui awn ng’hnim nak ka ning pe gui ci. Cun ung phi kei ah hlüngtai pi cicu lawk khai, Kei cu ani ah phahnak gui phi kä ka k’phian hning ci, ani naw Mumcha Theing la mei awn hnim nak ning pe gui khai;

MAKUH 7:8

Nangmi cu Khanpughi ah thukhän nawng-en u ne, chang ah thungyo m’theithang düt cu nami läk ci nei” cine kyak na gui ci.

MAKUH 7:4

Ei vai ami khleih ung phi m’si yüm yüm netah ei ci gui. Um k’am koi m’yak gui m’si m’säi nak ung tün ne pupa gui ah thungyo cu läk ci gui.

MATTHE 3:14

Cun ung phi Johan naw, “Kei cu nang naw tuinim nak na na pek khai ah kyak ci, cun ung phi kei ah nang na lawk ci ma?” cine ana maa nak ci.

2 KORIN 5:10

Mikmi mi van cu m’khoichaa nak mi gah khai ah Bawi Khrih ah maa ah mi gawk yawp khai. Pumsa awn mi om yah ung ak ni, ak she mi bi gui ah ciah, mi k’chaw phäh phäh cu mi gah khai.

LAMKTU 13:3

Ngami cu ei hlawi ne taigü u ne, ani khan ah ami kut taih neh taigü u netah Khanpughi ah bi bik khai ah tüi goi ci gui.

ISAIAH 26:19

Keimi ah kami chang cu a sih ung phi, ghing ba khai! Ngami ah ami pumsa cu ghing law ba khai. Ng’phuh hmun ung ip ci gui ami van tho ba u ne, yei ne ng’äi m’cu khai gui. K’daam tui naw khomdek ak chin sak ah mäih ah, khaw k’sho ung sik ciah chang gui cu Bawipa naw ghin ba sak gui khai.