Biblia Todo Logo
Bib sou entènèt

- Piblisite -




HEBRU 6:19 - Cho Bible Common Language 2016

19 Cun ah ngaih u nak cu mikmi ah ghin nak ung lung hling ah mäih ah kya ci, cun cu ng’htei ne ng’kheing ne, khankho im kyong ah, ang cim nak pi säih ung gawk ci.

Gade chapit la Kopi




HEBRU 6:19
33 Referans Kwoze  

A i ah kyasei kei ka thüi aih ang? A i ah kyasei kei ka khüikha aih ang? Khanpughi ka ngaih u khai nei, Ka Hunbawi la ka Khanpughi cu ka m’taam ba mä khai nei.


Cun kawn ah ani naw chang gui ah phäh ah katphyawn douthak ah me cu ngawn khai. Asi cu Atheingcim Pikbäih Hmun ung law püi neta, a khüm ah khan ah k’peh khai, cun kawn ah Thukhän M’küm ah ama ung k’peh khai, vantang ah si a bi ah mäih ah a bi ah kyak ci.


Ani naw “Na nau Aaron am na m’thein ba vai, ani cu yihdung ah ak um a theingcim nak pikbäih ung amät ah khin bäng ung a hteh vai, a i ah kyasei ci ung cun ung, Thumkhän M’küm ah a khüm ah khan ung, khongmei ung kei cu ka ng’dang ci. Ani naw kä a ngaih ah a kyak ung ani cu ngawn vai kyak khai nei.


Cun ung phi Taigü tung tumat bäng vah phung ah ak kyong ah vah lut ci. Ani cun ah aluh cun phi kum ät ung hngü ät ah kyak ci. Cun ah aluh ung amät ah hmawk la chang gui naw kä hmat ne ami cheishoh ah hmawk ah, khawihnah nak vai ah si cu hteh püi ci ci.


Acun ah hnu lam yihdung awn shung nak, khophung ah ma bäih ah, “Ak Theing Säih Hmun,” cu om ci.


Cun yah ung pum im kyong ah ami m’cha nak ah khingyih cu khan mawng ah kaa naw ka mawng ah khüt khai ah hnih ah ng’bou ne teek ci. Shihpi thüng ci, lung song gui piawn ne kya lawk ci gui.


Nangmi cu Bawi Khrit awn nami ghing khai ah nami tho pyi ci, Cun ah kyasei, nami m’lung cu khankho ding ung nami ng’lin vai. Cun ah kho cu Bawi Khrit naw a ghui mangkiang ung a ngoh nak ah Khanpughi ah k’patlam ah kyak ci.


A i ah kyasei kei cu ka thüi aih ang? A i ah kyasei kei cu ka khüikha aih ang? Khanpughi ka ngaih u khai nei, ka Hunbawi la ka Khanpughi cu ka m’taam ba mä khai nei.


Cun ung phi Khanpughi naw ak khäng ah ling ne ak süm cu kä thüng hlawt ci nei. Cun ah khan ah, “Khanpughi naw a mät ah chang gui cu hmat gui ci nei”, ci la “Bawipa ung khäng pyi ciah pyein ciah chang phung naw cheishoh nak cu a phiawn nak vai nei,” ciah ca cu guk ah kyak ci nei.


Ngahmi cu lung mawk vai ah kyi u ne, htinpaw ama lam ah lung shung nak phli cu yuk chah u netah, “Khaw thai law hlah sä” ci ne, taigü ci gui.


Cun ah kya sei Abraham ah hta ng’shon gui naw Khanpughi ah shaitaak, a phu kä peit ah ami gah vai cu ngaih gep khai ah, Khanpughi naw Abraham ah yum nak ah khan ah shaitaak nak a peit ah kyak ci. Cun ah shaitaak cu thukhän läk ci gui ah hmawk bäng ah kä kyak ci, Abraham ah mäih ah Khanpughi yum ciah chang gui ah hmawk ah phi kyak ci; a i ah kya sei ci ung Abraham cu mi van ah pa ah akyak ah hmawk ah kyak ci.


Ngahmi naw lung ami m’kaih nak ah gui, gui cu aat pit u ne lung gui cu tui ung yuk chak ci gui. Acun yah ung a mawng vang ah ami khih nak ah gui, gui cun phi k’phian ci gui. Cun kawn ah htinpaw ma lam ah yihdung cu tai ba u ne, tui kam lam ah m’hnawng ci gui.


Tubäi, shin cu, uktu Bawipa naw a pyen nei, “Kei naw Zion ung angnei ka k’süm ci, cun cu khäng ne, khüi ci nei kei naw lungtung am liu ka ng’ling ci nei, ‘Khäng ciah yum nak naw ngaihgei nak phi kyak sak ci!


Khanpughi cu kei ah hunbawi nei, kei naw ani ka ngaih u khai, kä ka kyik khai, Bawipa naw huham la k’thagui na pek ci; Ani cu kei ah hunbawi nei.


Cun ah kyasei mikmi cu mi khüighaat ne, m’gein nak ah hmun Khanpughi ah mangkiang ung mi hteit khai nei. Cun ah hmun ung chik-hna nak la gein nak cu, mi ng’yak hlü phung ung mi gah khai nei.


Mikmi cu Bawi Khrit ung mi kawng ät nak awn, sih nak ung ka atäng ah na thawh ba püi gui ne, ani awn a täng ah khankho uk nak vai phi na pe gui ci.


A i ah kyasei kei cu ka thüi aih ang? A i ah kyasei kei cu ka khüikha aih ang? Khanpughi ka ngaih u khai nei, ka Hunbawi la ka Khanpughi cu ka m’taam ba mä khai nei.


Cun ah kyasei phäinau gui aw, khüi ne ng’düi ne ghaat ne ng’bi vä. Khanpughi ah khuut bi cu a i yah ung phi a kholä ah kä kyak ci, cicu hmuhmat u ne, angtäi sei khüighaat vä.


O Bawipa, a i ka ngaih u khai ang? Nang bäng ka ning ngaih u ci nei.


Law ba vä, ami k’täm ah chang gui, Tuhbäi nami ngaih u vai om ci nei; Phyawn nak ah nami hmun ung law ba vä. Tuhbäi kei naw ka ning m’thein gui cu, Nami geinvai nak avan ah khan ah, a goi ah hriham ka ning pe gui khai nei.


Paul naw cun ah kawngsi ung amshah cu Pharisee gui, am shah cu Sadduces gui ah ami kyak cu hmat law netah, “Kei cu Pharisee nei, Pharisee ah na hta nei, sih nak ungka thawh ba vai ah ka ngaih u ah hmawk ah, tuk bäi cet ne nami na ng’shi ah kyak ci nei” ci ne kawngsi yung k’poh khai ah m’lau ne pyein ci.


Abraham cu a khaw m’vui ne a kyak yah ung phi Khanpughi cu yum ne ngaih u ci. Cun ah kya ne ani cu changpakhui avan ah pa ah kya lawk ci. Cacim theing ung, “Nang ah hta ng’shon gui cu aisi k’chü ah püi khai nei,” a ciah mäih ah kyak ci.


Hnimgei nak naw m’khütnäng nak, m’khüt näng nak naw m’lung üp ngaih u nak cu dang sak ci, cicu mi hmat ci.


Ak tung ah pyein ung yum nak, ngaih u nak, m’hni nak ciah ng’täi ci mawng thum om ci; cun gui ung m’hni nak cu ak hlüngtai pi ah kyak ci.


Khanpughi ah ng’bü nak cu, ng’yih cicu ak chang gui-am hmat sak gui vai ah kyak ci. Cun ah ng’yih ciah bä nak la mang nak cu, ak chang gui ah hmawk ah kyak ci. Cun ah ng’yih ci cu, Bawi Khrit nangmi ung om ci, ciah kya ne, a mawng cu nangmi naw Khanpughi ah bämang nak nami ng’pai tuk khai, ciah kyak ci.


Mi Bawipa Jesuh Khrit ah Pa Khanpughi cu mi m’kümto khai nei! Khanpughi naw küikyang ciah ak chimgein nak awn, Bawipa Jesuh Khrit cu sih nak ungka thawh ba sak ne, mikmi am ghin nak ak thai cu na pe gui ci. Acun naw ghing ciah ngaih u nak awn na kümbe sak gui ci.


Swiv nou:

Piblisite


Piblisite