HEBRU 6:18 - Cho Bible Common Language 2016

¹⁸ Shin ah shaitaak la ng’phyun nak cu, käng thawnghlai hlawt ci la Khanpughi ah hleeihlak nak kä om hlawt ciah a mawng hnih ah kiak ci. Cun ah kyasei ani ung mi ng’yi ciah chang gui cu, ana peit gui ah ngaih u nak htek sei pan vai ah mi thamah lawk ci.

HEBRU 6:18 Referans Kwoze

KHEI NAK 23:19

Khanpughi cu hleei ciah chang ah mäih ah kä kyak ci; Ani cu am lung ngaih m’thawng ciah chang ah mäih ah kä kyak ci. A shaitak phung cu ani naw bik ci. Ang thu ah mäih ah ani naw bik ci.

TITUS 1:2

Cun ah yum nak cu angtäi ghin nak ah mawng ngaih u nak ung phung ci. Kä hleeihlak ciah Khanpughi naw cau akhin kä a ng’tüi pha ge ung, angtäi ghin nak cu na pe gui khai ah shai a taak nak om ci.

1 SAMUEL 15:29

Israel gui ah m’gäi ciah Khanpughi cu kä hleei ci, am lung kä m’thawng ci. Ani cu chang ah kä kyak ci, ani naw am lung kä m’thawng ci nei” cik ci.

2 TIMOTHI 2:13

Mikmi kä mi bekhüt ung phi, Bawipa cu bekhüt ci, a i ah kyasei ci ung Ani cu amät naw amät cu käm shet phung ci.

ROMAN 3:4

Cun ah kä kyak ci, chang ah hta van a hleeihlak ung phi Khanpughi cu ng’düng khenggeng ne om ci. Cacim ung, “Thu na pyein cu ng’düng bäbä ne, M’khoichaa nak na aut ung phi näng nak om khai nei,” ciah om ci.

SAM 46:1

Khanpughi cu mi ng’zi nak la mi thagui ah kyak ci. Mi geinvai law ung na m’htei gui ge khai ah om ci.

1 JOHAN 1:10

Kei shetkat nak kä ka bik ci, mi ciah a kyak ung, Khanpughi cu hleeihlak thei ciah mi pyan ah kyak ci, mikmi ung ani ah thu cu kä om ciah kyak ci.

JOSHUA 20:3

Chang tumat naw acapka ah chang a ngawn ah a kyak ung acu ah hteit ne ng’tungyii khai, cun ung phu tuk vai ah ami shui law ung phyawn nak khai.

ISAIAH 51:12

Bawipa naw pyen ci, “Thagui ning k’be gui ci cu kei ah ka kyak ci. Khumghaw hlawk düt ah ghing hning ne, si thei ciahchang cu, a i vai nami kyih ang?

HEBRU 3:11

Kei cu m’lung she netah, ‘Ami ng’düm nak vai ah kei naw ka peit gui ah kholei ung, ngami cu a ngawi ah phi kä lut tuk khai gui,’ cine shaita ne ka k’phyun gui ci,” ciah kyak ci.

1 TIMOTHI 1:1

Mi Hunbawi Khanpughi la mi ngaih u Jesuh Khrih ah m’hnüt nak awn Bawi Khrih ah düih püi ah ka kya ciah kei Paul naw —

ROMAN 3:25

Jesuh Khrit ah a sih nak awn chang gui cu, katnak ungka ami phiawn vai ah Khanpughi naw, ani cu chang m’küi nak ah m’hnüt ne k’bäi ci. Chang gui cu ani ami yum nak awn katnak ungka phiawn nak gah ci gui. Khanpughi naw cun ah abi cu, a i chaa ah chang gui ang düng sak gui ah mawng am dang nak ah kyak ci. Yanä akhin ung chang gui ah katnak cu, Khanpughi naw hnimgei nak awn m’düm gui ci.

ZEKHARIAH 9:12

Law ba vä, ami k’täm ah chang gui, Tuhbäi nami ngaih u vai om ci nei; Phyawn nak ah nami hmun ung law ba vä. Tuhbäi kei naw ka ning m’thein gui cu, Nami geinvai nak avan ah khan ah, a goi ah hriham ka ning pe gui khai nei.

ISAIAH 64:7

A u phi taigü ne nang ah kä ng’hlat lawk ci; a u phi nang naw na m’htei vai ah kä hteit ci. Keimi kami hmakat ah phäh ah, nang naw na na nawng gui ci, kei mi ung ka na ng’thup ci.

ISAIAH 56:4

Bawipa naw a cun ah mäih ah chang am a pyen nak cu, Pumnak hnüüp a küikyang ah natha nak awn kei na m’tamkhah ne, kei ah yeikyai nak cu bi lo ne, kei ah thukhän cu bekhüt ne nak pan ah a kyak ung.

NG'THU K'THUUK~ 4:13

Na ng’theithang phung cu angtäi ah na shüm vai. Na cimghang nak cu na ghin nak ah kyak ci.

SAM 110:4

Bawipa naw ang müi ah shai tak ci, cun cu kä m’hnawn ba khai: “Nang cu Melchizedek ah taigü ng’län ung angtäi sei taigü ah na kyak khai.”

1 GHANGPUGHANG GUI 2:28

Cun ah mawng gui cu Joab naw ng’yak ci. (Ani naw Adonijah cu ng’düih püi ci, Absalom cu kä ng’düih püi ci.) Cun ah kyasei ani cu Bawipa ah om nak ah Phung ah dawng ne, sonkiang ah a kit gui cu k’pang ci.

1 JOHAN 5:10

Khanpughi ah Htapa yum ciah chang phung naw shin ah saksi cu am lung kyong ung shum ci. Cun ung phi Khanpughi kä yum ci läi cu, Khanpughi naw A Htapa ah mawng a pyeinsak cu kä yum ci kya ne, Khanpughi hleeihlak ciah mäih ah ng’lat sak ciah chang ah kiak ci.

1 TIMOTHI 6:12

Zum nak ah dawng nak ung na näng vai ah dawng ne, angtäi ghin nak cu nak pan vai nei: cun ah ghin nak na gah vai ah nang cu Khanpughi naw a ning khü yah ung, saksi ciah chang khli ah ma ah, Bawipa na yum ah mawng cu ak küikyang ah nang kiaa pyi ci nei.

ROMAN 15:5

Nang mi naw Bawi Khrit Jesuh ah lam shüm cu läk ne, m’lung ät ngaih ät awn nami om vai ah hnimgei nak la k’thamah nak ning pe gui ciah Khanpughi naw, nangmi cu ning m’htei gui sä.

HEBRU 11:7

A ngawi ah gawk lawk khai ah kä hmu hning ah a mawng gui, Khanpughi naw khän ne am cäi nak Noah naw ang yak cu a yum nak awn ah kyak ci. Ani naw Khanpughi ah thu ngai ne amät ah kiong khui ah phiawn nak ah hteinpaw im cu co ci. Cun ah khomdek chang gui ah shetkat nak cu dang sak ne, ani cu a yum nak awn Khanpughi ung düng nak cu gah ci.

1 THESSALONIAN 1:10

Cun ah A Htapa Jesuh cu Khanpughi naw sih nak ungka thawh ba sak sei, gawk law ge ciah Khanpughi ah m’lungseh nak ungka nak phiawn gui ciah Bawipa ah kyak ci nei.

KOLOSE 1:27

Khanpughi ah ng’bü nak cu, ng’yih cicu ak chang gui-am hmat sak gui vai ah kyak ci. Cun ah ng’yih ciah bä nak la mang nak cu, ak chang gui ah hmawk ah kyak ci. Cun ah ng’yih ci cu, Bawi Khrit nangmi ung om ci, ciah kya ne, a mawng cu nangmi naw Khanpughi ah bämang nak nami ng’pai tuk khai, ciah kyak ci.

KOLOSE 1:23

Nangmi cu bekhüt khenggeng ne, khüi khai ah ng’leh u ne, Thu Ni nami ng’yak yah ung nami ngaih u nak cu nami mät naw kä nami thüngphyong sak-en vai. Kei Paul cu shin ah Thu Ni awn changshäm ah ka kyak ci. Shin ah Thu Ni cu m’dek ah khan ah chang päng ung gawk khai ah ng’shäu ne pyein ah kyak ci.

LUKA 2:25

Cun yah ung Jerusalem ah Simeon ming nak ciah chang om ci. Ani cu Khanpughi kyih-aa ciah chang k’ni ah kyak ci. Israel chang gui hun nak ami gah vai ah ngäng ciah chang ah kyak ci.

MATTHE 24:35

Khankho la khomdek a maih ung phi kei ah thu cu kä maih khai nei.

ISAIAH 27:5

Cun ung phi ka chang gui ah ami ga gui naw, kei ah shungvong nak ami m’hni al a kyak ung, kei awn dimdeeih nak bi sak gui vä. Ä, kei awn dimdeeih nak bi sak gui vä.”

ATÜNNAK 19:22

Akzaang ah dawng ä! A cu ah kä na gawk pha ah chuih kei naw a i kä ka bi cang khai nei” cine pyen ci. Lotah naw gawhta a ciah kyasei cun ah pigaw cu “Zoar” ah a ming sui ci gui.

HEBRU 7:21

Cun ung phi cun ah phyun nak awn, Bawipa Jesuh Taigü ah a kyak law sang ung Khanpughi ah thu pyein cu; “Bawipa naw küikyang ciah shaitaak nak bik ci, Cun cu kä ng’hlah püi ba düt khai; Nang cu angtäi sei Taigü ah na kyak khai nei,” ciah kyak ci.

HEBRU 3:6

Bawi Khrit läi cu Khanpughi ah im uk ciah A Htapa ah kya ne, bekhüt ne om ci. Mikmi cu küighaat ne, mi ngaih u nak ah khan ah m’lung üp nak a om ah a kyak ung, Khanpughi ah im ah mi kyak ci.

KOLOSE 1:5

Thudüng, thuni a gawk law htük yah ung ng’shut lawk ciah ngaih u nak cu nami ng’ya pyi ci nei. Cun ah kyasei nami yum nak la nami m’hni nak cu khankho ah gim ah ngaih u nak ung ng’yung ci nei.

PHILIPPIAN 2:1

Bawi Khrit ung nami ghin nak naw ning khüighaat sak gui ne, ani ah m’hni nak naw nami m’lung ning üp sak gui ci. Nang mi cu Mumcha awn ng’geicam nak om ci; tumat la tumat chimgein nak la m’hteihtang nak tu phi om ci.

MATTHE 3:7

Pharisee gui la Sadducee gui cu tui ng’hnim tuk khai gui ah ami law hmu gui netah Johan naw, “K’Phyu m’äm ah gui aw! Gawk lawk khai ah Khanpughi ah m’lungshe nak phiawn nak vai ah mawng cu a u naw ang a ning m’thein gui?

NG'THU K'THUUK~ 3:18

Cüivai ciah chang gui cu yeikyai ci gui, cüivai nak naw ghin nak pe gui ci.

SAM 62:8

Ka chang gui, ang täi sei, Khanpughi ngaih u vä. Nami khüikha nak avan m’thein vä, Ani cu mi ng’yii nak ah kyak ci.

ROMAN 5:5

Mikmi cu cun ah m’lung üp ngaih u nak a om ung a i yah ung phi mi m’lung kä häu vang khai. A i yah kya sei ci ung Khanpughi naw ana peit gui ah Mumcha Theing awn, anam hni nak gui cu, mi m’lung kyong ah anglih pyou sak pyi ah kyak ci.

HEBRU 6:17

Khanpughi naw amä ah ng’bü nak kä am thawnghlai phung vai ah mawng cu, a shaitaak nak gah ciah chang gui ang hteiing ah m’dang gui hlük ci. Cun ah kyasei ng’phyun ne shai a taak ah kyak ci.

HEBRU 7:19

Moses ah thukhän naw a i phi kä kümpäng sak hlawt ci. Tuhbäi mikmi cu bä pi ciah ngaih u nak mi gah pyii ci kyasei, cun ah ngaih u nak awn Khanpughi ah pei ah mi ng’et lawk ci.