HEBRU 6:16 - Cho Bible Common Language 2016

¹⁶ Chang tumat cu ang phyun ah a kyak ung, a mät ah hlüngtai pi ciah ming awn ng’phyun ci. Cun ah ng’phyun nak naw ng’cuhvah nak avan cu dim sak ci.

HEBRU 6:16 Referans Kwoze

PHYAWN NAK 22:11

shäm ciah chang cu pum im ah hteit ne cun ah sei me kä a m’guuk ah mawng ang phyun vai, kä a m’guuk ah a kyak ungka mah naw maih cicu dou pek khai, cun ah chang naw a m’thung vai kä hlü ci,

HEBRU 6:13

Khanpughi naw Abraham am shaitaak nak a peit yah ung a shaitaak bä bä ah bik khai ah ng’phyun ci. Cun ung amät ah hlüngtai pi ci a u kä om ci kyasei, amät ah ming awn ng’phyun ne pyein ci.

ATÜNNAK 31:53

Abraham ah Khanpughi la Nahor ah Khanpughi cu ni ng’lak ung om khai nei” cik ci. Apa Isaak ah khawihnah ah Khanpughi ah ming ung Jakob naw akyäp nep ah thukhän cu bik ci.

ATÜNNAK 21:23

Cun ah kyasei tuhbäi nang naw, kei, ka hta la ka htangshon ah khan ah kä na hleeihlak khai ah pyen ne, Khanpughi ah ma ah na ng’phyun vai. Kei naw nang ka ning m’htei ah mäih ah kei la na om nak ah khaw cu na m’htei vai ah shai na taak vai” cine pyen nak ci.

ATÜNNAK 14:22

Abram naw, “Khankho la khomdek tüisho ciah A hlüngtai Pikbäih Khanpughi Bawipa ah ma ah akni ah ka ng’kiaa pyi ci nei,

2 SAMUEL 21:2

(Gibeon chang gui cu Israel chang ah kä kyak ci gui; Ngami cu Israel gui ami shung vong gui vai ah shai ami tak ah Amorit chang ken gui ah kyak ci. Cun ung phi Saul naw m’di gui khai ah k’tha nak ci, a i ah kyasei ci ung ani naw Israel la Judah gui ah phäh ah a khüi ghat ah phäh ah kyak ci.)

KALATIAN 3:15

Phäi nau gui aw, ak hnüüp tä nami aut ah m’tumtäng nak tumat ka pyein khai; Chang hnih naw ng’thu khän ne ca ani guk ah a kyak ung, cun ah ca cu a u naw phi kä khui ba hning ci, kä k’be ba hning ci.

ATÜNNAK 21:24

Abraham naw, “Shai ka tak ci nei” cik ci.