HEBRU 6:12 - Cho Bible Common Language 2016

¹² Kä nami dam men vai, yum ne hnimgei nak awn, Khanpughi ah shaitaak nak gah ciah chang gui ah mäih ah nami om vai ah kami ng’ya hlük ci nei.

HEBRU 6:12 Referans Kwoze

HEBRU 13:7

Khanpughi ah ng’thu ning m’thein law gui te ciah nami ng’vai gui cu, nami shüm gui vai nei. Ami ghin nak la ami sik nak cu vang ngai ba u netah, ami yum nak cu nami thei leh gui vai nei.

HEBRU 10:36

Khanpughi ah ang yaak hlü bi hning vai la a shaaitaak gah hning vai ah hnimgei ne om vä.

1 JOHAN 2:25

Cun cu Bawi Khrit amät naw shaitaak nak ana peit gui ah angtäi ghin nak cu gah ah kyak ci.

ROMAN 12:11

Kä damduh ne k’tha na ne bi nami bi vai. Nami m’lung kyong avan ap ne Khanpughi ah khuut nami bi vai.

HEBRU 5:11

Shin ah a mawng ung ning m’thein gui vai akda om ci, cun ung phi nangmi cu kä nami cüivai ngai ci kyasei, pyeinsak cu kä yäi ci.

2 PETER 1:10

Cun ah kyasei phäinau gui aw, nangmi Khanpughi naw khü ne ning ghü gui ciah, angtäi sei ngaih gep ne, nami tha law nak pi täi ah a kyak ung, a i sang ung phi nami yum nak cu kä nami ng’hlah ta hlawt khai nei.

JAMES 1:3

Cun ah mäih tüihtok nak cu yum nak awn m’khüt näng kawn ah khüighaat ne thamah nak cu dang lawk ci, cicu nami hmat ci nei.

HEBRU 12:1

Mikmi ah hmawk ah saksi khai ah chang akda naw nak koi gui ci. Cun ah kyasei mikmi na tüihtook gui ci phung la na shum gui ne mikmi ung kawp ciah shetkat nak phung cu nawtpet netah malam ah ng’bü nak ung gawk vai ah k’tha nakcang ne mi dawng khai nei.”

HEBRU 1:14

Cun ung khanchang gui cu, a i gui ang? Ngami cu hun nak gah ciah chang gui m’hteihtang gui khai ah Khanpughi naw a tüih gui ah, Khanpughi ah khuut bik ciah mümcha gui ah kyak ci.

ROMAN 4:12

Ani cu vun-ah nak bik ci gui ah Pa ah phi kyak ci. Cun kawn ah ani cu vun-ah nak bik ci gui bäng ah kä kya ne, mi pughi Abraham naw vun-ah nak kä a gah pha ung, Khanpughi cu yum ne, ghing ne om te ci gui cu thei tu gui ci gui ah Pa ah phi kyak ci.

ROMAN 2:7

Ak ni ah om ne, bämang nak, m’kümtou nak la sih nak kä om ciah ghin nak shui ciah chang gui am, Khanpughi naw angtäi ghin nak cu pek khai.

JEREMIAH 6:16

Bawipa naw a chang gui pyen ah gui ci, “Lam kyum gui ung ng’düi neta teng vä. Cau lam phyim gui la lam akni pi a hawi a om cu ng’shi gui vä. A cun ung hteit vä, dim deeih nak awn nami om khai.” Cun ung phi ngami naw, “Kaa, kä ka mi hteit khai!” cine pyen ba ci gui.

NG'THU K'THUUK~ 18:9

Amdam ah chang cu dishum ciah chang ah maih ah shekak ci.

THU PHLAAN 13:10

Ami phaa vai cu pha tuk cang khai gui, khim awn ami ngawn vai cu ngawn tuk cang khai gui, shin ah a mawng ung Khanpughi ah chang gui cu ng’düng ne bekhüt yawp ne ami om vai nei.

HEBRU 11:33

Ngami cu ami yum nak awn kho ak khan avan ung tuk bi u ne, näng nak gah ci gui. Ngami cu düng nak awn om u ne, Khanpughi ah a shaitaak cu gah ci gui, kawng hlui ah shai phi m’ghu ci gui.

HEBRU 6:15

Abraham cu hniimgei ne om ne, Khanpughi ah shaitaak cu gah ci.

2 THESSALONIAN 1:4

Cun ah kyasei keimi naw nangmi ah mawng cu Khanpughi ah khrithabum gui ung khähghah ne kami pyein ci nei. Nangmi cu k’dukdeiu nak la yaica nak bui awt pang u ne phi nami m’khütnäng nak la nami yum nak ah hmawk ah kami längtang ci nei.

LUKA 8:15

Ng’lei k’ni ung kya lawk ciah m’shi ci cu, Khanpughi ah ng’thu ang yak kwn ah nik ci la ng’düng ciah, m’lung khäng htek khai ah yum ne, vuipai m’theih tak ciah kyak ci.

MATTHE 22:32

Khanpughi naw, ‘Kei cu Abraham ah Khanpughi, Issak ah Khanpughi, Jakob ah Khanpughi ah ka kyak ci nei. Ani cu aksi gui ah Khanpughi ah kä kyak ci, ghing ci gui ah Khanpughi ah kyak ci,” cine m’thein gui ci.

NG'THU K'THUUK~ 15:19

Dam ciah chang gu a gawk nak phung ah khüikha ci, düng ciah chang cu geinvai nak kä om ci.

NG'THU K'THUUK~ 13:4

Dam ciah chang naw a i hlawk ah ang yak hlü phi kä gah hlawt ci. Ng’khüi ne bik ci naw angyak hlü phung gah ci.

NG'THU K'THUUK~ 12:24

Khüighat ne bilawh nak naw huham pek khai, Damduh nak naw changshäm ah ning pyang khai.

1 THESSALONIAN 1:3

Mi Pa Khanpughi ah ma ah nami yum nak cu akcang ah dang khai ah, a i hlawk ah nami om ih ah mawng, nami m’hni nak naw a i hlawk ah a ning khüghat sak gui ah mawng la Bawipa Jesuh Khrit ung nami ngaih u nak a i hlawk ah a khänhtek ah mawng cu kami shüm hmat ci nei.

LUKA 16:22

Cun kawn ah ghawipyam cicu si sei, khankho chang gui naw la law u ne, Abraham ah k’coi ung m’shän ci gui, Mangpacun phi si sei, m’cim ci gui.

MATTHE 25:26

“A bawi naw, ‘Shekak ciah changdam, kei naw kä ka geit phikhäm ne, kä ka phu phi kam sep man ciah na hmat ung,

SOLOMON NG’Ä~ 1:8

M’hni pikbäih ah hnumi ah a hmun kä na hmat ne ma? Hteit ne htomak gui läk ä; htoshäm gui ah phung ah pei ah na me gui ah phäh ah khulim nak cu shui ä.

NG'THU K'THUUK~ 2:20

Cun ah kyasei nang cu changniläk ne düng ciah ghin nak awn na ghin vai.

NG'THU K'THUUK~ 28:10

Changnicu akshe bi vai ah nak k’tük ah a kyak ung nang cu na mät ah thaai ung na kyak khai. Changnicu ak bä ah m’cümhnah nak gah khai.

NG'THU K'THUUK~ 26:14

Chang dam cu ih phak ung ng’hleei ci, ani cu m’kawt khän ung ng’phiui cu ah m’kawt awn a i kä ng’lak nak ci.