HEBRU 6:10 - Cho Bible Common Language 2016

¹⁰ Khanpughi cu käng kuktak ci. Ani naw nami bilawh la, nami m’hni nak ang dang vai ah cau tün ne tuhbäi ung khüt sei, krihta tumat nami ng’theithang nak tu cu käm hnih khai nei.

HEBRU 6:10 Referans Kwoze

MATTHE 10:42

Kei naw akcang ka pyein cu, kei ah kang khahpüi gui ung kaa, akhmaw pi-am tui k’gei m’yak ät tu ciah chang cu, kei ah kang khahpüi ah gah ah m’cümhnah nak cu, kä gah ah kä om khai.

HEBRU 13:16

Akni bi vai lah tumat la tumat ng’hteihtang tu vai cu kä nami m’hnih-en vai nei, cun gui cu Khanpughi naw ng’yak hlü ah vawihpeh nak ah kyak ci nei.

KALATIAN 6:10

Cun ah kyasei mikmi naw akhin mi gah päng ung, chang ah hmawk ah ak ni cu mi bik khai, yum ci gui ah kyong khui ah hmawk ah ak tung pi ah mi bik khai.

LAMKTU 10:4

Ani cu cäicat ne khankho chang cu teng netah, “Bawi awi, a i nei” cine ng’shik ci. Khankho chang naw, “Na taigü la m’gein nak na bi lawh gui cu Khanpughi naw m’hni ne ning yum ci nei.

1 THESSALONIAN 1:3

Mi Pa Khanpughi ah ma ah nami yum nak cu akcang ah dang khai ah, a i hlawk ah nami om ih ah mawng, nami m’hni nak naw a i hlawk ah a ning khüghat sak gui ah mawng la Bawipa Jesuh Khrit ung nami ngaih u nak a i hlawk ah a khänhtek ah mawng cu kami shüm hmat ci nei.

KOLOSE 3:17

Nami bi nüng nami ng’thu nüng cu Bawipa Jesuh ah ming awn nami bi vai, Cun cu ani ah ming awn Pa Khanpughi nami m’hlüngtai ah kia ci.

NG'THU K'THUUK~ 14:31

Dukhaih ciah chang shedam nak ci cu, ani tuisho ciah Khanpughi paphi ciah kyak ci. Cun ung phi dukhaih ci m’gein cicu khawihnah nak bik ciah kyak ci.

1 TIMOTHI 6:18

Ak ni ami bilawh vai, ni kyom nak ung ami plümshau vai, ami khaailaang vai, la chang am ami peiktaak thei vai ah nam cäi gui vai nei.

MAKUH 9:41

Kei naw akcang ka pyein cu, kei ah ng’düihpüi ah nami kyak cu a hmat nak awn nangmi-am tui m’yak ät ning tu gui ci cu, akcang ah m’khum taih ne gah tang nak om khai.

ROMAN 12:13

Pyam thaam ciah khritha phäi nau gui am nami khawhchaam nami tei pai tu gui vai, lam hteit ciah chang gui am nami im kawt nami k’hmawn peit gui vai.

LAMKTU 11:29

Zum ciah chang gui naw ami m’khüt hning phäh phäh ah, Judea kho ah khritha phäi nau gui cu peit taak gui vai ah k’bäi ci gui.

KALATIAN 5:13

Ka phäi nau gui aw, nami ng’päiyee khai ah Khanpughi naw ning khü gui pyi ci nei. Cun ung phi cun ah ng’päiyee nak awn pumsa ah ng’yak hlü kä nami läk-en vai nei. M’hni nak awn tumat la tumat nami ng’chaan tu vai nei.

NG'THU K'THUUK~ 19:17

Dukhaih ciam na pek tak cu Bawipa am nak pu ah maih ah kyak ci. Bawipa naw ning thung ba khai.

LAMKTU 10:31

“Konelius! Na taigü cu Khanpughi naw ng’ya ne, na peit taak cun phi do pyi ci nei.

JOHAN 13:20

Kei naw akcang ka pyein cu, “Kei ah tüih law dou cicu kei na dou ciah kyak ci, kei na dou cicu kei na tüi lawk ci dou ciah kiak ci” cine m’thein gui ci.

NEHEMIAH 5:19

O Khanpughi ka taigü ci, shin ah chang gui ah phäh ah kei naw ka bi phung cu na shüm pe ne na m’shum phyuk ä.

2 TIMOTHI 4:8

Tuhbäi ung Khanpughi ung düng ciah chang gui am ap vai ah näng nak lukhu naw kei cu na ngäng ci nei. Cun cu düng nak awn m’khoichak ciah Bawipa naw, m’khoichaa nak Hnüüp ung kei am na ap khai nei. Kei bäng ah kä kyak ciah, Bawipa a kyum law ba m’hni ne ngäng ciah chang gui phung am, cun na lukhu cu ap gui khai nei.

2 KORIN 9:1

Judea kho ah Khanpughi ah chang gui m’hteihtang gui vai ah mawng cu ca awn ka guk vai kä hlü ci.

JEREMIAH 18:20

Akni ah phäh ah akshe cu pek vai ah kya ne ang? Cun ung phi ngami naw kei ah kyak nak vai khui co ci gui nei. Nang ah a i hawkcha ah law ne, ngami ah hmawk ah ng’thu ka pyen cu shüm ba ä, cun ah kyasei nang naw m’lungshe nak awn kä na om püi gui vai nei.

NEHEMIAH 13:31

M’khih ne douthak nak vai ah sing gui, kä akhin ung ami law püi nak vai ala chang gui naw hmin htük ciah pümhta la am theih üp ma ci gui ami douthak vai ah ami law püi vai ah kei naw ka pyan pe gui ci. O Khanpughi, shin gui avan shüm ne, kei ah khan ah ng’lawn nak na yuk pe ä.

NEHEMIAH 13:22

Kei naw Levit gui ka k’bäi gui cu, ami mät naw ami mät theingthap sak u neta, hteit ne kyiin hnüüp theingcim sak hning vai ah m’kawt gui cu ami ngäng vai. Na shüm ä, O Khanpughi, na m’gein ä, a i ah kyasei ci ung na m’hni nak cu dämduh aih ci nei.

THULÄÄN NAK 32:4

Bawipa cu m’gäi ciah nang shung nak ah kyak ci, a lam avan ung kümbe ne taga ci; Na Khanpughi cu bekhüt ne akcang ah kyak ci, ani naw hman ci la gei cu bik ci.

1 JOHAN 1:9

Khanpughi cu a shaitaak küm sak ne, düng nak bäng bik ci, mik mi cu mi katnak ng’kiaa ne, mi ng’paa ah a kyak ung, mi kat nak nam gein gui ne, mi cheishoh nak nüng phi theingcim sak ci.

SAM 20:3

Na pektaak phung cu ning dou pe sä, Na khawihnah nak avan ung yeikyai nak om sä.

KALATIAN 5:6

Mikmi cu Bawi Khrit Jesuh ung mi kawng ät kawn ah, vun ah la kä ah cu ak tung ah kä kyak ci, ak tung cu m’hni nak dang sak ciah yum nak ah kyak ci.

PHYAWN NAK 1:20

A i ah kyasei ci ung, sayama gui cu Khanpughi kyih ci gui, Khanpughi cu ngami ah phäh ah nik ci, ami mät ah kyongkhui vai pe gui ci. Israel gui cu da law pi u ne khüighat law pi ci gui.

THUSHÄUTU 11:1

Na ngui cu akhohei ah sumlei nak vai ah na tha vai, khohnüüp ät ung anglawn na gah khai.

JEREMIAH 31:16

Na kyah ng’düm ne na ng’philitui cu ghu ä. Na hta nau gui ah phäh ah na bi gui avan cu akholä ah kä kyak khai; Ngami cu ga gui ah khaw ah kaa law ba khai gui.

HEBRU 10:32

Zan ä kho hnüüp gui cu ngai ne shüm ba vä, cun yah ung nangmi cu Khanpughi ah ak dei nami hmuh kawn ah yaica nak akda nami gah ung phi, cun naw kä ning m’dimshum gui hlawt ci.

MATTHE 20:7

Ngami naw, ‘A u naw kä na ghüh gui sei nei,’ cine kyak ci gui. Cun kawn ah lo mah naw, ‘Ka sapyit lo ah hteit ne bi tu vä,’ cine kyak na gui ci.

MATTHE 25:17

Acun ah mäih ah pit m’ku gah ciah chang cun phi pit m’ku ah khan ah pit m’ku ak pawih khai ah gah ci.