HEBRU 6:1 - Cho Bible Common Language 2016

¹ Cun ah kyasei mikmi cu, khritha ah ng’tün nak a mawng ama gui cu hmuhmat yawp ne, thuuk ciah m’theithang nak ma lam ah mi hteit khai nei. Tün nak ah a mawng gui cu kami ning m’thein gui pyi ah kiasei, leng ne ng’thei ba vai kä hlü ci, kä bä cicu nawng ne Khanpughi yum vai cu nami hmat pyi ah kyak ci.

HEBRU 6:1 Referans Kwoze

HEBRU 9:14

Bawi Khrit ah si naw a i hlawk ah theingcim sak pi khai aw! Bawi Khrit naw ng’täi ciah Mumcha awn amät cu, katnak kä om ciah küikyan nak ah kya ne Khanpughi ah ng’ap pyii ci nei. Ani ah sihlui naw, alä düüt ah kyak ciah mi m’lung ngaih cu na theingcim sak gui khai, cun ung mikmi naw angtäi ghing ciah Khanpughi cu mi khawihnah khai nei.

2 KORIN 7:1

Teihpüi gui aw, shin ah shaitaak gui cu mikmi ah hmawk ah kyak ci. Cun ah kyasei pumsa la m’lungkyong shetkat sak ci phung cu theingcim sak ne, Khanpughi kyih aa nak awn kümbe ciah theingcim ne mi om khai nei.

LAMKTU 26:20

Damaskas ung tün ne, Jerusalem, Judea kho avan ung la chang pakhui hei gui am, “Ami katnak ung ng’yu ba ne, Khanpughi ah ami ng’hlah law ba vai la ng’yu pyi ciah chang ah mäih ah ami om ih gui vai cu, m’thein gui ne, ng’thu ka pyein ci nei.

HEBRU 12:13

Düng ciah lam ung k’tha nah ne hteit vä, cun ung ng’khem ciah nami kho cu gai om khai nei.

MATTHE 21:32

Zohan naw nangmi ah law ne lam düng cu ning m’shüm gui sei phi, nangmi naw kä nami yum ci. Cun ung phi khawn look ci gui la chang hlawhlang gui naw yum ci gui nei. Shin ah a mawng ama gui nami hmuhmat kawn ah phi, nangmi cu nami m’lung thawng ne Zohan cu kä nami yum hlawt ci.

HEBRU 7:11

Israel chang gui-am thukhän a peit gui yah ung, Levi pakhui taigü gui ung ng’yung ne a peit gui ah kya ci. Tuhbäi Levi pakhui taigü gui ah bilawh cu a khüm be vai sü ung, Aaron ah a hnün ung Melchizedek ah khui m’düng khai ah taigü ang dang lawvai kä hlü khai sü te.

EPHESIAN 4:12

Cun ah abi cu Bawi Khrit ah pumsa cawh kyan vai ah, Khanpughi ah chang khli naw, krihta khuut bi vai ah, pawng m’hteim ge vai hmawk ah kyak ci.

JOHAN 12:44

Bawipa Jesuh naw, akdäm ah m’lau ne a pyein cu, “Kei na yum ci cu kei bäng na yum ciah kä kyak ci, kei na tüi lawk ci phi yum ciah kyak ci.

JOHAN 5:24

Kei naw akcang ka pyein cu, “Kei ah ng’thu ngai ne, kei na tüi lawk ci, yum ciah chang cu, angtäi ghin nak gah ci. Ani ung m’khoichaa nak kä om ba khai. Ani cu sih nak näng ne ghim nak gah pyi ciah kyak ci.

MATTHE 3:2

“Nami shetkat nak ng’nü ung ng’yu ba vä, Khanpughi ah uknak kho cu ng’et law pyii ci nei” cine ng’thu pyein ci.

1 TIMOTHI 3:16

Mikmi ah yum nak ah küikyang nak cu a u naw kä hüüngtaa hlawt khai nei, cun ah mawng cu: Bawipa cu chang ah müi ah ng’tüi ne kyum lawk ci nei, Ani ah theingciim nak cu Mumcha naw m’dang pyi ci nei, Khan chang gui naw phi hmu pyi ci gui nei, Ani ah mawng cu kho nüng ung shäu pyi ci gui nei, M’dek ah khan ung chang gui naw phi Ani cu yum pyi ci gui nei, Ani cu khankho ah hang kai ba pyi ci nei.

2 KORIN 7:10

Khanpughi ah mang ah thüisei nak naw m’lung kyong ng’thawng sak ne, hun nak ah gawk sak ci Cun ah phäh ah thüi nak pi kä om ci! Cun ung phi ng’yu ba nak kä om ciah thüisei nak cu sih nak ah kyak ci.

2 TIMOTHI 2:19

Cun ung phi Khanpughi naw ak khäng ah ling ne ak süm cu kä thüng hlawt ci nei. Cun ah khan ah, “Khanpughi naw a mät ah chang gui cu hmat gui ci nei”, ci la “Bawipa ung khäng pyi ciah pyein ciah chang phung naw cheishoh nak cu a phiawn nak vai nei,” ciah ca cu guk ah kyak ci nei.

LAMKTU 20:21

Judah chang gui am phi bäi, changpakhui hei gui am phi bäi, Khanpughi ah ma ah ami katnak ng’yu ba u ne, Bawipa Jesuh cu ami yum vai ah kheing ne ka m’thein gui ci.

LAMKTU 11:18

Cun ah thu ng’ya u netah cun ah chang gui cu, kä pyein m’shet ba u ne, “Khanpughi naw changpakhui hei gui am phi, ng’yuvat ba ne ghin nak gah vai ah mawng cu pe gui ci nei” cine Khanpughi cu m’hlüngtai ci gui.

LAMKTU 3:19

Cun ah kiah seih ng’yu ba u neh Khanpughi ah ng’hlat law vä, nami katnak ning m’gein gui khai.

JOHAN 14:1

Bawipa Jesuh naw, “Nangmi kä ng’ä ai vä, Khanpughi yum vä, kei phi na yum vä.

MAKUH 6:12

Ang düihpüi gui cu hteit u ne chang gui ami katnak ung kaa ami ng’yu ba vai ah ng’thu pyein ci gui.

MAKUH 1:1

Shin cu Khanpughi ah Htapa, Bawipa Jesuh Khrit ah a mawng Thu Ni ah kyak ci.

MATTHE 4:17

Cun ung tüi ne Bawipa Jesuh naw, “Nami shetkat nak ng’nü ung ng’yu ba vä, khankho uknak ng’et law pyii ci nei” ci ne ng’thu pyein lawk ci.

1 JOHAN 4:12

Khanpughi cu a u naw kä hmu man ci, cun ung phi tumat la tumat mi ng’yum hni tu ah a kyak ung, Khanpughi cu mikmi ung om ci, Am hni nak cu mikmi ung kümbe ci.

1 PETER 1:21

Sih nak ungka thawh ba sak ne, bämang nak pek ciah Khanpughi cu ani ah ming awn nami yum ci. Cun ah kyasei nangmi cu Khanpughi ung ng’kheing ciah nami yum nak la ngaih u nak om ci.

JAMES 1:4

Nami khüighaat nak naw, yu kyak nak kä om khai ah, ning chaang gui sei, ng’laklo nak kä om ne, nangmi cu küm nak la be nak awn nami om khai nei.

HEBRU 11:6

Zum nak kä om ci naw Khanpughi kä yei nak ci. Khanpughi om ci, cine Khanpughi shui ci naw m’cümhnah nak gah ci.

KOLOSE 4:12

Bawi Khrit Jesuh ah akchang shäm, nami chang ah kyak ciah Epaphras naw phi ning yavaih na gui ci nei. Khäng sei nami ng’düih vai, kä nami püngheiu vai, be ciah khritha ah nami kiak vai, Khanpughi ah ng’yak hlü küm khai ah ang thu nami ngaih vai ah, ani naw akni ah ning taigü pe gui ci nei.

KOLOSE 1:28

Cun ah kyak sei Bawi Khrit ah mawng cu chang nüng-am kami m’thein ci. Bä ciah cüivai nak awn kami m’cäi nak la kami m’thei nak cu, Bawi Khrit ung kawng ät nak awn ak chang sing theek-hai ne, Khanpughi ah ma ah ami gawk law vai ah kyak ci.

EPHESIAN 2:5

ang thu kä ngaih nak awn mi mümcha a sih nak ung ka, Bawi Khrit awn a täng ah na ghin ba sak gui ci. Nang mi cu Khanpughi ah a gein nak bäng awn hun nak nami gah ciah kyak ci.

1 PETER 5:10

Cun ung phi nangmi cu cun ah geinvai nak a shänghta nami aut kawn ah, M’Gein nak ah Khanpughi, Bawi Khrit ung ning kawng ät sak gui ne, ng’täi ciah abämang nak ning k’pai tu gui khai ah ning khü gui ciah Bawipa naw, nangmi cu ning kümbe sak gui ne, ng’khäntaang nak, k’thamah nak la khüighaat nak ung ning khanhtek sak gui khai nei.

EPHESIAN 2:1

Yanä nang mi cu ngaih she nak la shetkat nak ung mümcha aksi ah nami kyak ci.

1 KORIN 13:10

Cun ung phi kümbe nak a gawk law hnüüp ung kä kümbe nak gui cu ng’kawn yawp khai nei.

LAMKTU 17:30

Khanpughi naw i kä ami hmuhhmat yah ung chang gui cu kä a teng kheng gui ung phi, tuk bäi ung kho ng’nü ah om ciah chang gui am, “Na mi katnak cu ng’yu ba yawp vä” cine ng’thu khän gui ci.

LAMKTU 2:38

Peter naw, “nang mi ak chang sing cu, nami katnak ung ka nami ng’yu ba vai, Bawipa Jesuh Khrih ah ming awn tui nami hnim vai, cun ung nami katnak cu ning m’gein gui seih, nang mi naw Khanpughi ah Mumcha Theing cu nami gah khai.

MATTHE 7:25

Khokhe aa ne, tuinu ng’güt ne, puikho khi ne ang tum law ung phi cun ah im cu, lung ung cawh ah kya ne kä ng’gäi hlawt ci.

MATTHE 5:48

Khankho ah nami Pa akümbe ah mäih ah nangmi phi nami kümbe vai nei.

NG'THU K'THUUK~ 4:18

Düng ciah chang ah hteh nak ah lam cu hni pyü ah mäih ah kyak ci. Dei law pi pi ne hni a luh law güt ung khang ci.

1 TIMOTHI 6:19

Cun ung vah ngami cu ngawi ah lawk ciah ghin nak vai ah hmawk ah ak küikyang ah m’kümtho ci gui ah kyak khai. Cun ah a kyak ung vah ngami cu ghin nak akcang dou hlawt khai gui.

LUKA 6:48

Kho khi ne aa sei tuinu ang güüt law ung phi cun ah im cu khäng khai ah cawh ah kya ne, kä ng’gäi hlawt ci.

ZEKHARIAH 12:10

“Kei naw David ah htangshon gui la Jerusalem ung chang gui cu, m’gein nak ah mümcha la tagüi nak ah mümcha awn ka be sak gui khai. Ngami naw ami mät naw shun ne ami ngawn cu teng khai gui, a hta tumat ah phäh ah thüi kyap ci gui ah mäih ah ngami cu ani ah phäh ah thüi kyap khai gui. A hta htük chük sei thüi kyap ci gui ah mäih ah ngami cu akshe ah thüi kyap khai gui.

MATTHE 21:29

A hta ng’vaipi naw, ‘Kä ka hteit khai,’ cik ci. Cun ung phi a hngeng ah am lung thawng ba netah hteit ne bik ci.

1 KORIN 2:6

Cun ung phi kei naw cüivai nak ah ng’thu cu mümcha ng’bühbei pyi ci gui ah maa ah ka pyein ci. Cun ah cüivai nak cu khodek khan awn kä ng’phaa ci, khodek khan bawi gui ah hlüngtai nak awn phi kä ng’phaa ci, khodek khan bawi gui ah hlüngtai nak cu ken law pipi ci nei.

KOLOSE 3:14

Shin ah ang baan gui avan cu m’hni nak ung phung ci, cun ah m’hni nak naw avan shum ne kümbe kawng ät sak ci.