HEBRU 5:7 - Cho Bible Common Language 2016

⁷ Bawipa Jesuh cu khomdek khan ung a om yah ung, sih nak ung hun ciah Khanpughi ah ma ah ng’hui ne kyap ne taigü ci. Neim nak la ng’ap nak awn ak taigü cu Khanpughi naw phi ngaih pek ci.

HEBRU 5:7 Referans Kwoze

JOHAN 17:1

Cun ah thu a pyein kawn ah, Bawipa Jesuh cu Khankho dan netah, “Kapa, a khin gawk law pyi ci nei, Na htapa ung na bämang nak ang dang vai ah, Na Htapa am bämang nak cu yuk pe lawä.

MATTHE 27:46

Kho k’awi nu nayi thum akhin ung Bawipa Jesuh cu, “Eli. Eli, Lama sabachthani,” cine ng’shan sei m’lau ci. Acun cu “Ka Khanpughi a i ah kyasei kei na na nawng ang” cine a pyein ah kyak ci.

MAKUH 15:34

Kho k’awi nayi thum ah khin ung Bawipa Jesuh cu, “Eloi, Eloi, lema sabachthani?” cine m’lau ci. Cun cu, “Ka Khanpughi, Ka Khanpughi, a i ah kyasei kei na na nawng nei” a ciah kyak ci.

HEBRU 12:28

Mikmi cu kä thüng hlawt ciah uknak kho mi gah pyii ciah kia sei, Khanpughi mi m’hlüngtai khai nei. Mikmi naw kyih aa nak la m’tamkhah nak awn, Khanpughi cu mi khawihnah khai nei.

JOHAN 11:35

Bawipa Jesuh cu kyap ci. Cun hmu u netah, Bawipa Jesuh akchang gui naw,

MATTHE 27:50

Bawipa Jesuh cu ng’shan khai ah m’lau netah si lawk ci.

MAKUH 15:37

Bawipa Jesuh cu shalawng khai ah m’lau netah kät lawk ci.

SAM 22:24

Ani naw dukhaih cicu kä nawng ci, ami geinvai nak cu kä nawng ci; Ani naw kä ng’hlah ta gui ci, am htei gui vai ami ng’khü ung m’shan gui ci.”

HEBRU 2:14

Cun ah a pyein ah hta gui cu si la sa awn om ci gui ah kyasei, Bawipa Jesuh cu si la sa om ciah hnicim chang ah yu kyum lawk ci. Cun ah a bi cu, khoshe ah hlüngtai nak ah kyak ciah sih nak cu, a sih nak awn am di ah kyak ci.

LUKA 23:46

Bawipa Jesuh cu, “Aw Kapa, Na kut ung Ka Mumcha ka ning ap ci nei” cine m’lau netah kät lawk ci.

SAM 69:1

O Khanpughi na hun ä! Tui naw ka hngü k’phaa pyi ci;

ISAIAH 53:11

Zaica ne ghin nak ang pyi kawn ung, ani ung yeikyai nak om ba khai; A yaica nak cu a kholä ah kä kyak khai cicu ani naw hmat khai. Bä ciah ka changshäm, ani ung kei ka yeikyai ci, chang akda m’kyuk nak vai cu ani naw khan ci, ani ah hmawk ah kei naw ngami ka m’geinsei gui khai.

HEBRU 13:20

Sih nak ung khüt sei ng’ap ne, ng’täi ciah thukhän m’hnüt ne k’bäi ciah Htoshäm Bawi ah kyak ciah, Bawipa Jesuh cu Khanpughi naw, sih nak ungka thawh ba sak pyi ci nei.

1 TIMOTHI 3:16

Mikmi ah yum nak ah küikyang nak cu a u naw kä hüüngtaa hlawt khai nei, cun ah mawng cu: Bawipa cu chang ah müi ah ng’tüi ne kyum lawk ci nei, Ani ah theingciim nak cu Mumcha naw m’dang pyi ci nei, Khan chang gui naw phi hmu pyi ci gui nei, Ani ah mawng cu kho nüng ung shäu pyi ci gui nei, M’dek ah khan ung chang gui naw phi Ani cu yum pyi ci gui nei, Ani cu khankho ah hang kai ba pyi ci nei.

ISAIAH 49:8

Bawipa naw a chang gui pyen na gui ci, “Nangmi ning bü nak gui vai ah khin a gawk law ung, nangmi am hmai kiang nak ning m’dang gui ne, ning m’htei gui vai ah nami kyah cu ka ning m’shang gui khai. Kei naw ngäng ne ka ning shungvong gui khai, chang van ah phäh ah nangmi awn thukhän ka bik khai. Tuhbäi didap ciah nami kho ung kei naw ka ning om ba sak gui khai.

TAIGÜTHUM 2:2

Cun kawn ah Aaron tuu taigü gui ah a law püi vai. Taigü bawi naw htang den shum ät, la situi ni, ang ui ni avan la neta, sonkiang khan ah am khih vai. Cun cu Bawipa am avan douthak m’khih nak ah kyak ci. Cun ah ei-douthak ah ang ui cu Bawipa naw yeikyai nak ci.

2 JOHAN 1:7

Bawi Jesuh Khrit cu hnicim chang ah yung tüi lawk ci, cicu kä yum ciah chang thuvi gui akda m’dek khan ah gawk lawk ci gui nei. Cun ah mäih thuvi theileh ciah chang gui cu, Bawi Khrit ah gaa gui ah kyak ci nei.

1 JOHAN 4:3

Cun ung phi cun ah kä ng’kiaa ne Bawi Jesuh ung Khanpughi ah Mumcha kä om ci, ciah lingkeng ciah chang gui cu, Khanpughi ah Mumcha kä gah ciah kyak ci. Cun ah chang ung om cicu Bawi Khrit ah Gaa ah mümcha ah kyak ci. Bawi Khrit ah Gaa cu gawk lawk khai ah nangmi naw nami ng’yak ci, ani cu khomdek khan ah gawk law pyi ci nei.

KALATIAN 4:4

Cun ung phi ak hnu ah akhin küm law khätah, Khanpughi naw Ahtapa cu yuk m’kyum lawk ci. Ani cu hnicim chang nu nah ne ng’tüi law ne, Jew gui ah thukhän kaa ah om lawk ci;

JOHAN 11:42

Kapa nang naw kak taigü na na ngaih peit cu ka hmat ci, cun ung phi nang naw kei na na tüih law cu, chang gui naw ami hmat vai ah, ngami ah hmawk ah ka pyein ah kyak ci nei” cik ci.

ROMAN 8:3

Hnicim chang ak tha kä om sei, thukhän naw kä a bi peit hlawt cu Khanpughi naw bi pyi ci nei. Khanpughi naw hnicim chang ung om ciah katnak cu m’kat khai ah A Htapa cu yuk m’kyum lawk ci. Ahtapa cu katnak k’täm ne m’di khai ah, hnicim chang ah mäih ah katnak nupuk nah ne ng’tüi lawk ci.

ISAIAH 53:3

Mik mi naw mi päipih ne mi hnu nak ci; Ani cu yaica ne m’neh m’awh ci. Ani teng khai tumat phi kä om ci — Ani cu akholä ah mäih ah mikmi naw mi nawng ci.

SAM 88:1

Bawipa Khanpughi, ka Hunbawi, khaw hnüüpum kyap ne, khawmü ah na pei ah ka lawk ci nei.

JOHAN 1:14

Thu cu chang ah yung tüi law pyi ci. Abäkhäk nak la thutak awn be ne mikmi ung om pyi ci. Abämang nak phi mi hmu pyi ci. Cun ah bämang nak cu Khanpughi ah Htapa ah a kyak nak awn agah ah kyak ci.

HEBRU 10:5

Cun ah kyasei Bawi Khrit naw khomdek khan ung a kyum law sangung Khanpughi ah ma ah; “Nang naw küikyan ghutha nak la peittaak nak cu kä na ng’ya hlük ci nei, Cung ung phi kei ah hmawk ah pumsa nam hnüt pyii ci nei.

HEBRU 10:10

Bawipa Jesuh Khrit naw Khanpughi ah ang yak hlü läk ne, amät ah pumsa cu, ang bäng ge ah ap ne a peit ah kyasei, mikmi cu theingcim nak mi gah ci.

HEBRU 11:7

A ngawi ah gawk lawk khai ah kä hmu hning ah a mawng gui, Khanpughi naw khän ne am cäi nak Noah naw ang yak cu a yum nak awn ah kyak ci. Ani naw Khanpughi ah thu ngai ne amät ah kiong khui ah phiawn nak ah hteinpaw im cu co ci. Cun ah khomdek chang gui ah shetkat nak cu dang sak ne, ani cu a yum nak awn Khanpughi ung düng nak cu gah ci.