HEBRU 5:4 - Cho Bible Common Language 2016

⁴ A u naw phi amät naw amät cu taigütung ah käm düih hning ci. Khanpughi naw Aaron khü ne am düih ah mäih ah, Khanpughi naw khü ne am düih cun vah Taigü tung ah kya hning ci.

HEBRU 5:4 Referans Kwoze

PHYAWN NAK 28:1

Na phäi Aaron la a hta gui, Nadab, Abihu, Eleazar, la Ithamar gui cu a täng ah ng’bum sak gui ä. Ngami cu Israel chang ungka k’pai gui ä. Cun ung taigü ah kya ne ka bi bik khai gui nei.

KHEI NAK 16:40

Shin cu Aaron ah ng’shon ah kä kyak ci phung naw Bawipa am tui ng’ui m’khih khai ah sonkiang ung kä a law tu vai ah m’shüm thein nak ah kyak ci. Kä cun ung ani cu Korah la a chang gui ah mäih ah di shum nak gah khai. Shin gui avan cu Bawipa naw Moses ung Eleazar am thumkhän a pek ah mäih ah bi ah kyak ci.

KHEI NAK 16:5

Cun kawn ah Korah la a hnu ah läk ci gui am pyen na gui ci. “Ngawi ung khaw ngawi Bawipa naw na m’hnuh gui khai. A u cu ak chang ah kyak ciah mawng; a chang ah kyak cicu ani naw m’dang khai. Cun cu ani naw a ghü ah kyak khai, ani cu sonkiang ung et sak khai.

2 SHONTÄP NAK 26:18

ani cu thawi bawm ci gui. Ngami naw, “Uzziah! Nang naw Bawipa am m’khih ne kä na douthak hning ci. Aaron ungka ng’shon lawk ciah taigü gui bäng naw va, shin cu ng’ap ne bi hning ci gui, shin ah theingcim ciah hmun cu hteh ta ä. Nang naw Bawipa Khanpughi cu na kat na pyi ci nei, nang naw ani ah hriham kä na gah ba khai nei” cik ci gui.

1 SHONTÄP NAK 23:13

Ani ah a hta angvaipi Amram cu Aaron la Moses ah ani pa ah kyak ci. Aaron la a hta ng’shon gui cu angtäi sei khawihnah nak ung mang ah theingthap ci gui bilo khai gui Bawipa khawihnah nak ung ang ui gui m’khih khai gui, ani abii bik khai gui la ani ah aming awn chang gui hriham pek khai gui ah ami tha gui hnga ah kyak ci.

JOHAN 3:27

Johan naw, “Khanpughi naw kä a peit ung a u naw a i käm khüt ci.

KHEI NAK 16:35

Cun kawn ah Bawipa naw mei yuk chah sei, acun däi law ne tui ng’ui pek ciah chang 250 cu ui gui ci.

KHEI NAK 18:7

Cun ung phi nang la na hta gui bäng naw vah sonkiang la Atheing Pikbäih Hmun ung taigü bawi ah bi vai avan cu nami kümbe sak khai. Shin gui cu nangmi ah bi vai kyak ci. A i ah kyasei ci ung kei naw taigü bawi ah kyak nak cu m’cümhnah nak ah ka ning pe gui pyi ci. Kä bi tu hning ciah chang atheingcim gui ah pei ah ang et law tu ung ngawn vai.”

KHEI NAK 16:10

Ani naw nangmi cu ning bi sak gui ci. A Levit gui ami van cu shin ah m’tamkhah gui ci, tuhbäi nangmi naw phi a khut bi ah kyak vai, nami tha nak ci.

TAIGÜTHUM 8:2

“Aaron la a hta gui cu kei ah om nak ah Phung ung valuh nak ung na law püi gui vai. Taigü suinu gui, hluk nak ah situi, katphyawn-douthak nak vai ah vantang nong, htome akhla hnih, la k’caw kä shum ah m’htut dawn ät cu nami law püi vai.

KHEI NAK 3:3

Ngami cu taigü ah kyak khai gui ah phyisä ne phyutheh gui ah kyak ci,

EZRA 7:5

Bukki cu Abishua ah hta, Abishua cu Phmehas ah hta, Phinehas cu Eleazar ah hta Elesyar cu Aaron ah hta ah kyak ci.