HEBRU 5:14 - Cho Bible Common Language 2016

¹⁴ Guh ciah buh ei cicu ang vai pyi ah kyak ci, khritha ak ni ak she bui aut ne m’khoi chaa thei pyi ciah kyak ci.

HEBRU 5:14 Referans Kwoze

1 THESSALONIAN 5:21

Apäng avan m’nüm ne k’tä netah, nik ci phung cu kut shum u ne,

EPHESIAN 1:18

Kei naw ani ah ak dei cu nami m’lung awn nami hmuh vai ah ka ning k’thäh pe gui ci, cun ah kyasei, a i nami ngaih u vai ah a ning khü gui ah mawng, ak chang gui-am a peit ah shaitaak cu a i hlawk ah cäicat vai ah abä nak ah mawng,

1 KORIN 2:6

Cun ung phi kei naw cüivai nak ah ng’thu cu mümcha ng’bühbei pyi ci gui ah maa ah ka pyein ci. Cun ah cüivai nak cu khodek khan awn kä ng’phaa ci, khodek khan bawi gui ah hlüngtai nak awn phi kä ng’phaa ci, khodek khan bawi gui ah hlüngtai nak cu ken law pipi ci nei.

ISAIAH 7:15

Amät naw a i phi m’hnüt bäi hning khai ah ang vai law sangung, chang gui naw sei suuk aw ne, khuitui ei khai gui.

EPHESIAN 4:13

Cun ah kyasei Khanpughi ah Htapa mi hmuhmat nak ung, mi yum nak tumat ah a kyak nak awn, mi van cu a täng ah mi kyumsawm khai nei. Mikmi cu Bawi Khrit ah küm ciah khüt nak ah mäih ah, ang htei ah a hlüng nak ah, cüivai lulaang ciah mi kya lawk khai nei.

PHILIPPIAN 3:15

Mikmi mi van ung Mumcha lam ah k’thamah lawk ci phung naw a shikchaa a ngaih vai nei. Cun ung phi amshah ung a hei ah ngaih nak a om ah a kyak ung, cun cu Khanpughi naw ng’tei khai ah m’dang khai nei.

1 GHANGPUGHANG GUI 3:9

Cun ah kyasei cüivai nak cu na peä, kei naw na chang gui taga khai ah ka uk vai hlü ci nei, akni la akshe ah ng’lakmah nak ka hmat vai hlü ci nei. Kä cunung, shin ah dämduh ciah na chang gui cu a i hawk cha ah kei naw ka uk thei khai aw?”

ROMAN 14:1

A yum nak ken ciah chang cu nami dou vai, cun ung phi ani ah m’lung ngaih ah mawng ung kä nami ng’cuh ng’can nen püi vai.

ATÜNNAK 3:5

Shin ah theih nami ei ah a kyak ung Khanpughi ah mäih ah nani kya tuk khai, akni akshe nani ng’thumcha thei khai, cun cu Khanpughi naw hmat neta a pyen ah kyak ci” cik ci.

2 SAMUEL 14:17

Ka mät naw ka mät ka pyen ci bawi aw, na shaitak naw kei cu nak phyawn khai, a i ah kyasei ci ung ghangpughang cu Khanpughi ah khanchang ah mäih ah kya ne, ak ni, ak kaa cu m’khoi m’cha hning ci. Bawipa na Khanpughi cu nang awn a täng ah om sä!” cik ci.

MATTHE 5:48

Khankho ah nami Pa akümbe ah mäih ah nangmi phi nami kümbe vai nei.

SAM 119:103

Na m’shüm thein nak gui cu tui hlim aih ci nei khoi tui ah ta tui pi ci gui nei.

JOB 12:11

Cun ung phi cun cu nam lei naw ei k’hlim am nüm Ah mäih, na k’hga naw yei nak ng’thu ang yak ah mäih ah kyak ci.

1 GHANGPUGHANG GUI 3:11

cun ah kyasei ani naw a pyen nak cu, “Akshou ghinnak, bühmang nak, na ga gui ah sih nak vai kä k’thäh ne, nang naw taga sei uknak ah cüivai nak, na k’thäh ci,

JOB 34:3

Ei akni cu nami ei shüm ung nami hmat ci. Cüvai ng’thu phi nami ng’yak ung nami hmat ci.

JOB 6:30

Cun ung phi nangmi naw kei ka hleei ciah nami ngai ci Nangmi naw lima ci ungka düng ci cu kä ka pyen hning khai ah nami ngai ci nei.

JAMES 3:2

Mikmi cu ashäng shäng mi sheka thei ci nei. A i yah ung phi hmakat nak kä om khai ah thu thei ciah chang cu, kümbe ciah kiak ci, apumsa avan shum ne htingling ciah chang ah phi kyak ci.

SOLOMON NG’Ä~ 2:3

Kei ah ka m’hni pi cu ahei pami gui awn m’täng ung, bunghmu sing ghing gui ah ng’lung ah htuitui sing awn täng ci nei. Kei cu ani ah ng’hnim ung ka ngaw hlük ci, acun ah m’theih cu ei ung tuui aih ci nei.

SOLOMON NG’Ä~ 1:3

Nang ah mawng cu tui ng’ui ah kyak ci; na ming ni naw cun cu khü ci. A u hnumi naw phi kä ning m’hni ne kä om hlawt ci.

1 TIMOTHI 4:7

Pyein ah kä ni ne yum nak kä om ciah puma awi gui cu nami hlawi vai nei. Zum nak ung nami ghin vai ah nami mät naw nami mät nami m’thei vai nei.

HEBRU 6:1

Cun ah kyasei mikmi cu, khritha ah ng’tün nak a mawng ama gui cu hmuhmat yawp ne, thuuk ciah m’theithang nak ma lam ah mi hteit khai nei. Tün nak ah a mawng gui cu kami ning m’thein gui pyi ah kiasei, leng ne ng’thei ba vai kä hlü ci, kä bä cicu nawng ne Khanpughi yum vai cu nami hmat pyi ah kyak ci.