HEBRU 5:13 - Cho Bible Common Language 2016

¹³ Suuk awk cicu hta yüt nau sen akni akshe kä hmuhmat phak ciah kyak ci.

HEBRU 5:13 Referans Kwoze

1 PETER 2:2

Htanak thai ah ak hmawhta cu, suuktui a gha ah mäih ah, angtäi sei mümcha suuktui ah nami gha vai nei. Cun ung vah cun ah suuktui nami awk nak awn, däm ng’vai u ne, hun nak nami gah khai.

1 KORIN 14:20

Phäinau gui aw, ak hmawhta gui ah mäih ah kä nami kyak vai nei; ak hmawhta gui ah mäih ah shetkat nak phiawn tah u ne, ang vai pyi ah mäih ah nami ngaih-tüh vai.

2 TIMOTHI 3:16

Cacim Theing avan cu Khanpughi naw Mumcha hlüngtai nak awn ak be ah kyasei, thu thuuk m’theithang nak, m’cäi m’ä nak, cheishoh m’dang nak, sheitkat pyan nak, la düng sei ghin nak vai ah m’shümthein nak gui ah mawng ah kyak ci.

ISAIAH 28:9

Ngami naw kei ah mawng ng’cuh ci gui. Ngami naw, “Ani naw a i ah na ngai gui ne am theithang ang? Ani ah thu pyen a u naw ng’ya hlük ci ang? Shin cu sukchah thai ciah a hmaw hta gui ah phäh ah vah nik khai nei!

EPHESIAN 4:14

Mikmi cu ak hmawhta ah kä mi kya ba ci, cun ah kyasei, ami mät ah m’lung hnga tüidawng düt awn, chang gui lam hma khai ah lam shüm ne thuvi theileh ci gui ah, m’theithang nak khokhni naw kä ning yon shüi shüi en gui sä.

1 KORIN 3:1

Phäinau gui aw, shin ah a mawng ung kei naw nangmi cu Mumcha khüighaat ciah chang gui ah mäih ah kä ka ning thu püi gui ci; khomdek chang ah mäih ah phi bäi, Bawi Khrih ung htayüt hta gui ah mäih ah phi bäi ka ning thu püi gui ci.

2 KORIN 3:9

Shet m’kat nak ah thukhän hngaw bämang nak a om ung; Hun nak pek ciah hnünthawh nak cu a i hlawk ah bämang pi khai ang!

1 KORIN 13:11

Kei cu ka k’hmaw yah ung ka ng’thu htau, ka om ih, ka m’lung ngaih cu ak hmaw ah mäih ah kyak ci; tuhbäi ka ng’vai law kawn ah ak hmaw ah mäih ah kä ka kyak ba ci.

SAM 119:123

Na hun m’htei nak la phyawn nak vai ah na shaitak ka dan nak ah kamik cüm lawk ci nei.

MAKUH 10:15

Kei naw akcang ka pyein cu, ak hmaw hta gui ah mäih ah Khanpughi ah uknak kä dou ciah chang cu khankho ah kä gawk tuk khai” cine pyen na gui ci.

MATTHE 11:25

Cun kawn ah Bawipa Jesuh naw, “Khankho la khomdek van uk ciah kapa, hmuhmat nak om ci gui-am kä nam dang gui cu, hmuhmat nak kä om ci gui-am m’dang gui ci sei ka ning m’hlüngtai ci.

ROMAN 2:20

Chang k’she gui ah lam piang, a i kä hmat ci gui ah ng’thei nak ah ka kyak ci ciah akcang ah na ngai ci. Thukhän cu hmuhmat nak la ng’düng nak ah küm nak ah kyak ciah phi akcang ah na hmat ci.

2 JOHAN 1:11

Ani ana dou ciah chang cu ani ah paw ah kya law ne, shetkat nak bi tuk ciah chang ah kyak ci.