HEBRU 5:12 - Cho Bible Common Language 2016

¹² Nangmi cu nami m’theithang thei khai ah a khin ah kya law pyi ci, cun ung phi nangmi cu Khanpughi ah thu ak tün nak ung tün ne, chang naw a ning theithang gui vai hlü ba laih laih ci nei. Nangmi cu buh nami ei vai khin law sei phi suuktui laih laih nami awk ci nei.

HEBRU 5:12 Referans Kwoze

HEBRU 6:1

Cun ah kyasei mikmi cu, khritha ah ng’tün nak a mawng ama gui cu hmuhmat yawp ne, thuuk ciah m’theithang nak ma lam ah mi hteit khai nei. Tün nak ah a mawng gui cu kami ning m’thein gui pyi ah kiasei, leng ne ng’thei ba vai kä hlü ci, kä bä cicu nawng ne Khanpughi yum vai cu nami hmat pyi ah kyak ci.

1 PETER 2:2

Htanak thai ah ak hmawhta cu, suuktui a gha ah mäih ah, angtäi sei mümcha suuktui ah nami gha vai nei. Cun ung vah cun ah suuktui nami awk nak awn, däm ng’vai u ne, hun nak nami gah khai.

HEBRU 5:13

Suuk awk cicu hta yüt nau sen akni akshe kä hmuhmat phak ciah kyak ci.

KOLOSE 3:16

Apäng ah bämang pi k’bäih ciah Bawi Khrit ah ng’thu cu nami m’lung kyong ung khäng ne om sä. Cüivai lunglang nak avan nawn tumat naw tumat cu m’theithang m’cäi ä sei om vä. Nik ciah ng’äi gui, hlim ciah ng’äi gui, theing ciah ng’äi gui m’cu ne, nami m’lung kyong kui ne, Khanpughi cu m’hlüngtai vä.

SAM 34:11

Hmaw chang ka teihpüi gui law vä, Na ngai law vä, Bawipa tamkhah ah mawng ka ning m’thei gui khai nei.

MATTHE 17:17

Bawipa Jesuh naw, “Nangmi cu nami yum nak kä om sei nami ng’lihlak yawp ci nei. Kei naw nangmi a i güt ka ning om püi gui vai ang, a i güt ka ning ngaih peit gui vai ang, ak hmaw cu ka pei ah law püi vä,” cine pyen na gui ci.

ISAIAH 55:1

Bawipa naw pyen ci, “Tui gha ciah chang nü law vä — shin ung tui om ci nei! Ngui kä tak ciah chang gui law vä — htam’guh khleih ne ei law vä! Law vä! Wine la suktui khleih vä — nang ung a i phi kä ng’pyi khai nei!

EZRA 7:10

Ezra naw a ghin nak ap neta, Bawipa ah thukhän cu ng’thei ne acun ah bi ne, thukhän gui la läk vai gui avan cu Israel chang gui am m’thei gui ci.

2 SAMUEL 16:23

Ahithophela ah m’shüm thein nak phung cu Khanpughi ah thu cang ah cun yah ung dou man ci gui; David la Absalom ani nik hnih naw phi läk ci goi.

1 PETER 4:11

Thu pyein ci phung naw Khanpughi ah ng’thu ng’shäu ne pyein ah mäih ah a pyein vai; khuut bik ci phung naw Khanpughi ah peit ah k’thagui awn abi vai. Cun ung vah a mawng a ma avan ung, Bawi Jesuh Khrit ung Khanpughi cu m’kümto hlawt vai. Cun ah Bawipa ung bämang nak la hlüngtai nak cu ngawiyä khäng ne om sä. Amen.

1 KORIN 14:19

Cun ung phi pum ne khawihnah nak läi ung, kähmat ah thu tämkäp phya khak pyein na k’dam, hmat yäi vai ah thu m’kha hma bäng awn kei naw kam theithang pyeinsa hlük ci nei.

ROMAN 3:2

A phuma läi cu akda om ci, a htük bäih ah Khanpughi ah ng’thu m’than cu Jew chang gui ung gawk law ma ci.

LAMKTU 7:38

Ani cu bung puk ah om ci gui ah Israel chang gui, kami pu pa gui lah Sinai khaw m’htung ung ng’thu püi ciah khankho chang awn atäng ah om ciah chang ah kyak ci. Mikmi am ana peit gui vai ah Khanpughi ah ghing ciah ng’thu gah ciah chang ah phi ki ak ci.

MAKUH 9:19

Bawipa Jesuh naw, “Nangmi cu a i hlawk ah a yum nak kä om ciah chang gui ang? Kei cu nangmi awn a täng ah a i güt ka om vai ang? A i güt nangmi ka ning ngaih peit gui vai ang? cun ah ak hmaw kei ah om nak ah law püi vä” cine kyak na gui sei,

PHILIPPIAN 3:1

Phäi nau gui aw, ak hnu ah ka pyein hlü cu, Bawipa ung yeikyai vä. Ka guk pyi te ka pyein ba cu kei ah phäh ah yaica nak vai kä kyak ci nei, cun cu nangmi ah m’lung üp nak vai ah kyak ci nei.

ISAIAH 28:13

Cun ah kyasei Bawipa naw ca ng’lung päng, ca kiawngpäng, amawng päng a ning m’thei thang gui ah kyak ci nei. Cun ah kyasei nangmi cu nami m’khan päng ung nami ng’täng khai nei. Nangmi cu nami leim khai, cun ung nami awk khai, thawng ung nami kium khai nei.

1 KORIN 14:20

Phäinau gui aw, ak hmawhta gui ah mäih ah kä nami kyak vai nei; ak hmawhta gui ah mäih ah shetkat nak phiawn tah u ne, ang vai pyi ah mäih ah nami ngaih-tüh vai.

KALATIAN 4:3

Acun ah mäih ah mikmi cun phi mümcha ung kämi khüighaat pha ung, khovang mümcha gui ah khlei htein ah mi kyak ci.

HEBRU 5:11

Shin ah a mawng ung ning m’thein gui vai akda om ci, cun ung phi nangmi cu kä nami cüivai ngai ci kyasei, pyeinsak cu kä yäi ci.

HEBRU 10:32

Zan ä kho hnüüp gui cu ngai ne shüm ba vä, cun yah ung nangmi cu Khanpughi ah ak dei nami hmuh kawn ah yaica nak akda nami gah ung phi, cun naw kä ning m’dimshum gui hlawt ci.