HEBRU 5:1 - Cho Bible Common Language 2016

¹ Taigü Tung nak cicu cheishoh nak ah hmawk ah phiawn nak vai la küikyan nak vai, chang van ah hmawk ah phyuhteh ne Khanpughi ah khuut bik khai ah ghü ne ami m’düih ah kyak ci.

HEBRU 5:1 Referans Kwoze

HEBRU 8:3

Taigü Tung phung cu Khanpughi am peit vai gui vawihpeh khai ah m’düih ah kyak ci. Cun ah kyasei mikmi ah Taigü Tung cun phi a vawihpeh vai tumat mat om khai ah kyak ci.

HEBRU 10:11

Jew taigü pängpäng naw ak hnüüp tä sei, apeitaak vai la am ghuthaa vawihpeh vai cu bik ci; cun ung phi cun ah ghuthaa nak naw cheishoh nak cu kä nawtpet hlawt ci.

HEBRU 11:4

Abel naw Kain ah mä bä pi khai ah pe ne akhawihnah cu a yum nak awn ah kyak ci. A yum nak awn ani cu Khanpughi naw chang düng ah k’bäi ci, a i ah kyasei ci ung Khanpughi naw ani ah khawihnah nak cu yei ne adou ah hmawk ah kyak ci. Abel cu asih tu pang ung phi a yum nak awn tuhgüt thu pyein ci.

HEBRU 9:9

Shin gui cu tuhchü tawk ne dang sak ciah a mawng gui ah kyak ci. Cun cu peit taak nak la ghuthaa nak gui naw khawihnah ciah chang gui ah m’lung cu kä kum be sak hlawt ci ciah kyak ci.

HEBRU 7:27

Ani cu a hei taigütung gui awn kä täng ci, Amät ah cheishoh nak la chang hei gui ah cheishoh nak ah hmawk ah ak hnüüp tä sei küikyan nak vawihpeh vai kä hlü ci. A i ah kyasei ci ung amät naw amät apeit sang ung hnü ät ge ang bäng ah ang ap ah hmawk ah kyak ci.

HEBRU 2:17

Cun ah ani cu a mawng avan ung a phäinau gui ah mäih kya ne, ak chang gui shetkat nak ung m’gein gui khai ah, bekhüt nak la chimgein nak awn be ne Khanpughi ah khuut bik ciah Taigü Tung ah kiak ci.

TAIGÜTHUM 9:7

Cun kawn ah ani naw Aaron am, “Sonkiang ah hteit ne chang gui ah katnak la ami katnak nawt heng khai ah katphyawn douthak nak la m’khih ne douthak nak cu na douthak vai. Bawipa ah thumkhän ah mäih ah chang gui ah katnak nawt heng nak ah shin ah douthak cu na bi vai” cine pyen nak ci.

TAIGÜTHUM 8:2

“Aaron la a hta gui cu kei ah om nak ah Phung ung valuh nak ung na law püi gui vai. Taigü suinu gui, hluk nak ah situi, katphyawn-douthak nak vai ah vantang nong, htome akhla hnih, la k’caw kä shum ah m’htut dawn ät cu nami law püi vai.

ROMAN 15:17

Bawi Khrit Jesuh ung kawng ät nak awn, Khanpughi ah khuut ka bi hning ah phäh ah, kei cu khähghah ne ka yei ci nei.

1 KORIN 15:3

Kei naw ka mät ah gah ah küikyang aih ciah a mawng cu m’dou ne ka ning pe gui ci: cun cu cacim ung om ciah mäih ah Bawi Khrih cu mikmi ah katnak ah hmawk ah a sih ah mawng;

HEBRU 8:4

Ani cu m’dek khan ung a om ah a kyak ung taigü ah kä kya hlawt khai, a i ah kyasei ci ung, thukhän awn, peit vai gui cu, ap ciah taigü gui ami om pyii ah hmawk ah kyak ci.

HEBRU 10:12

Cun ung phi Bawi Khrit naw hnü ät ang bängah küikyan nak bi ne, cheishoh nak cu nawtpet ci. Hta ng’shon ung ng’täi ciah ng’ap nak phi bik ci, cun kawn ah Khanpughi ah k’pat lam ung kai ne ngok ci.