HEBRU 4:9 - Cho Bible Common Language 2016

⁹ Cun ah kyasei ak hnüüp chih hnüüp Khanpughi ang düm ah mäih ah, Khanpughi ah chang gui ami düm nak vai hnüüp om ba ci.

HEBRU 4:9 Referans Kwoze

1 PETER 2:10

Yanä nangmi cu Khanpughi ah chang ah kä nami kya man ci, tuhbäi ak chang ah nami kyak ci; yanä nangmi cu Khanpughi ah chimgein nak kä nami hmat man ci, tuhbäi ak chimgein nak nami gah pyi ci.

THU PHLAAN 21:4

Ani naw ami ng’phli tui avan cu ghu pe gui khai nei. Cun kawn ah sihnak, thüisei nak, kyah nak, m’neh m’awh nak kä om ba khai nei. Akphyim gui avan cu maih yawp pyi ci nei” cine pyein ci.

ISAIAH 11:10

David ah uknak ng’shon ungka, pakhui gui m’hnüt nak vai ah ghangpughang akthai cu ani ah uknak mang gaw ung ng’bum u neta, ani cu m’tamkhah khai gui.

HEBRU 4:3

Mi yum ciah mikmi läi naw Khanpughi ah shaitaak ah bämang nak cu mi gha ci nei. “Kei naw m’lung k’she netah, Ka m’hnüt ah shaitaak cu, ‘Kei naw ka peit gui vai ah, hüi nak ah khonglei ung ngami cu kä lut tu hlawt khai gui nei,’ cine a pyen ah mäih ah kyak ci. Khomdek khan a tüisho sang ung a bi lawh gui vai ng’pyi pang sei phi, shin ah thu cu a pyein ah kyak ci.

HEBRU 4:1

Khanpughi naw mikmi am ang thu ah shaitak cu mi gah vai ah na pe gui ci. Cun ah ng’düm nak vai ah shaitaak cu phlawi düt ci tumat phi kä om men khai ah nami geing nak vai nei.

HEBRU 11:25

Ani naw shetkat nak ung a shäng ng’len ne om ah k’dam, Khanpughi ah chang gui awn a täng ah yaica nak gah cu bä pi khai ah ngai ci.

HEBRU 3:11

Kei cu m’lung she netah, ‘Ami ng’düm nak vai ah kei naw ka peit gui ah kholei ung, ngami cu a ngawi ah phi kä lut tuk khai gui,’ cine shaita ne ka k’phyun gui ci,” ciah kyak ci.

TITUS 2:14

Ani naw amät cu mikmi ah hmawk ah pek ci, cun cu shetkat nak phung ung anak phiawn nak gui vai la amät khäm ciah ak chang theing ah mi kya ne, ak ni kyom ah mi hnün thawh nak thei vai ah hmawk ah kyak ci.

MATTHE 1:21

Ani cu pamihta ah hta lawk khai. Cun ah Htapa cu ak chang gui ami kat nak ungka hun phiawn gui khai ah kyasei, ‘Jesuh’ ah ang ming nami sui vai cine pyen nak ci.

ISAIAH 57:2

Akni ah om ciah chang gui cu dimdeeih nak hmu u ne, dinggei sei ng’düm ci gui.

SAM 47:9

Chang pakhui uk ci gui cu Abraham ah Khanpughi ah chang gui awn ng’bum ci gui nei. Gakap avan ah hlüngtai pi cicu ani nei; Ani naw m’gäi ne uk ci nei.

HEBRU 4:8

Joshua ah peit ah hüi nak cu Khanpughi ah shaitaak ah a kyak vai sü ung Khanpughi naw ak hnüüp hei cu kä pyein ba khai sü te.

HEBRU 4:10

A i ah kyasei ci ung Khanpughi ah shaitaak ah düm nak gah ciah chang cu, Khanpughi ah mäih ah amät ah bi a bi ung düm nak gah ci nei.

THU PHLAAN 14:13

Cun kawn ah khankho ah kaa k’aw naw, “Tuhbäi ung tün ne Bawipa ah khuut bi netah, sik ci gui cu yeikyai nak om ci nei, cun cu na guk vai nei” ci sei ka ng’yak ci. Mumcha naw, “Ä! Cun cu akcang nei! K’tha nane bilo ciah chang gui cu yeikyai ne ng’düm khai gui nei, ami bi ah akchaw cu ami mät awn ng’khap ci nei” cine pyein ci.

PHYAWN NAK 16:30

Cun ah kyasei chang gui naw, a chih hnüüp ung a i kä bik ci gui.