HEBRU 4:7 - Cho Bible Common Language 2016

⁷ Cun ah ami gah mawng cu, Khanpughi naw “Tuhngawi” ciah ming khai ah am hnüt ah hnüüp naw dang sak ci nei. Khokum ak sho lüng khätah, acun ah mawng cacim theing ung, David am, am thein cu; “Tuhngawi nangmi naw Khanpughi ah k’aw cu nani ng’yak ah a kyak ung, Nami m’lung kä ling-en sä,” ciah kyak ci.

HEBRU 4:7 Referans Kwoze

SAM 95:7

Ani cu mi Khanpughi, mikmi cu am hteihtang ah chang, a tu m’bei ah htome ah mi kyak ci. Tuh ngawi ani naw a i a pyen cu nami ngaih vai nei;

HEBRU 3:15

Cacim Theing naw, “Nangmi cu tuhngawi Khanpughi ah k’aw nami ng’yak ah a kyak ung kä nami lingkeng vai, nami pupa gui naw khanpughi ami küükneet püi yah ung ami om ah mäih ah kä nami om vai,” ci ne pyein ci.

MATTHE 22:43

Bawipa Jesuh naw, “Cun ah a kyak ung a i ah kyasei mumcha Theing ah thawh let nak awn David naw, ‘Messiah Bawipa’ cine akhü ang?

LAMKTU 28:25

Paul naw shin ah a mawng tumat cu pyein khä tah, ami mät gui ng’cuh ng’can u ne, ng’düi law ne hteit ba ci gui. Paul naw, “Mumcha Theing naw, prophet Isaiah ung, nami pupa gui am, am dang cu ni bä bä ci nei!

LAMKTU 2:31

David naw ngawi ah Khanpughi naw a i bi lawk khai cicu hmuh hmat ne tah, Messiah a thawh ba vai ah mawng cu ng’daut ne apyein nak ung; “Ani naw Bawipa cu sih nak ah khaw ung kä nawng düt khai, apum sa phi ng’cim hmun ung kä thu kah düt khai” cine pyein ci.

LUKA 20:42

David ghangpughang amät naw Salan cacim ung; “Bawipa naw ka Bawipa-am, Na gaa gui cu na kho kaa ah ka gawk sak gui yawp khai.

MAKUH 12:36

Mumcha Theing naw David ang thu m’sak cu; ‘Khanpughi naw ka Bawipa-am, Nang ah na ga gui cu, na kho pha kaa ah, Kä ka gawk sak pha ah chuih, Kei ah kak pat lam ah na ngoh vai nei’ cine kyak nak ci” ciah kyak ci.

1 GHANGPUGHANG GUI 6:1

Israel chang gui naw Egypt khaw ami hteh tak nak khokum phiaphli la cheit-kip nak, Solomon naw Israel a uknak akum phli nak ah, a cha goi nak, Ziv cha ung Solomon naw Taigüim cawh vai cu tün ci.

LAMKTU 2:29

“Phäi naü gui aw, ming shon law ung ang mingthang ciah David ghangpughang ah a mawng cu, ak dei ang dang ah ka ning m’thein gui khai nei. Ani cu si seih m’cim pyi ci gui, ani ah ng’cim hmun cu, tuk ngawi güt mi hmuh vai ah om ci.