HEBRU 4:6 - Cho Bible Common Language 2016

⁶ Cun ah Thuni ng’ya law htük ciah chang gui naw cun ah hüi nak cu kä gah ci gui, a i ah kyasei ci ung ngami naw kä ami yum ah hmawk ah kyak ci. Cun ah kyasei cun cu a hei gui naw gah ci gui nei.

HEBRU 4:6 Referans Kwoze

MATTHE 21:43

“Cun ah kyasei kei naw akcang ka pyein cu, Khanpughi ah uknak kho cu nangmi ungka la ba ne, düng nak awn vuipai khai ah chang gui-am pe gui khai.

HEBRU 4:2

Cau ng’vai gui ah mäih ah mikmi naw Thuni cu mi ng’yak ci nei. Ngami naw Thuni cu ng’yak ci gui, cun ung phi ngami ah phäh ah a bäkhäk nak kä om ci. A i ah kyasei ci ung ngami naw ng’yak u ne phi yum nak awn kä ami dou ah hmawk ah kyak ci.

LAMKTU 28:28

Paul naw a khüüp nak ah, “Cun ah kyasei hun phiawn nak ah mawng Khanpughi ah Thu Ni, changpakhui hei gui ah ma ah pyein khai ah chang cu tüih pyi ah kyasei, ngami naw ngai yak khai gui’ cicu nami hmat vai nei” cine m’thein gui ci.

HEBRU 4:9

Cun ah kyasei ak hnüüp chih hnüüp Khanpughi ang düm ah mäih ah, Khanpughi ah chang gui ami düm nak vai hnüüp om ba ci.

KALATIAN 3:8

Khanpughi naw chang khui hei gui cu ami yum nak awn amät ung düng sak gui khai, ciah cacim naw k’cä ci. Cun ah kyasei cacim naw Thu Ni Abraham am am thein cu, “Khanpughi naw nang ung, chang ah hta avan-am m’shumphyuk nak pek khai,” ciah kyak ci.

ISAIAH 65:15

Kei naw ka ghü ah chang gui naw nang ah ming cu plah taam nak ah mang khai. Kei, Uktu Bawipa naw sih nak ka ning pe gui khai. Cun ung phi kei na ngai ciah chang am ming ak thai ka pek khai.

KHEI NAK 14:31

Nangmi naw nami hta gui cu, pha gui khai gui ah nami pyen ci, cun ung phi nangmi naw nami hnungtuk püi ah khaw ah kei naw ngami cu ka hteh püi gui khai, cun cu ngami ah im ah kyak khai.

KHEI NAK 14:12

Kei naw leigai chah ne ka m’di gui khai nei. Cun ung phi kei naw nangmi cu ngami ah ta huham mah pi ne ng’shwng kau pi ciah pakhui ah pa ah ka ning pyang gui khai nei!” cik ci.

1 KORIN 7:29

Phäinau gui aw, kei naw ka pyein hlü cu; akhin kä om ba ci, Tuhbäi ung tün ne chumah ciah pami gui cu kä chumah ciah mäih ah om u sä.

HEBRU 4:11

Cun ah kyasei düm nak gah vai ah mik tha nak khai nei. Cun ung kä a mi yum ah hmawk ah düm nak kä gah ci gui ah Israel chang gui ah kä mi kyak khai nei.