HEBRU 4:4 - Cho Bible Common Language 2016

⁴ Cacim theing ung ak hnüüp chih hnüüp ah mawng a pyein nak ung, “Khanpughi cu ak hnüüp chih hnüüp ung abi gui avan ung ng’düm ci,” ciah om ci.

HEBRU 4:4 Referans Kwoze

PHYAWN NAK 20:11

Khaw hnüüp chuk ung kei Bawipa naw khomdek, khankho, tuinu la a päng avan ka tüisho ci, cun ung phi a hnüüp chih hnüüp ung ka ng’düm ci. Cun cu a i ah kyasei ci ung Kei, Bawipa naw kyiin hnüüp cu hrilham pe ne ka theingciim sak ci.

PHYAWN NAK 31:17

Shin cu Israel gui la kei ah ng’lak ung, ng’täi ciah m’hnüt nak ah kyak ci. A i ah kyasei ci ung Kei Bawipa naw khankho la khomdek cu hnüüp chuk ung ka tüipyang ci. A hnüüp chih hnüüp ung ka bii cu m’düm ne ka ng’düm ci.

HEBRU 2:6

Cacim theing amshah ung: “Chang cu a i ah kyasei, nang Khanpughi naw na shüm lä ang; Chang cu a i ah kyasei na teng khen lä ang?

THULÄÄN NAK 5:14

Cun ung phi ak chih hnüüp cu ng’düm ne, kei ung nami ng’ap nak ah kyak ci. Cun ah hnüüp ung a u naw a i kä a bi vai — nangmi, nami hta nau, nami changshäm, nami sei me, nami khaw ung om tuk ciah khawhei chang avan naw a i kä a bi vai. Nami changshäm gui cu nami mät ah mäih ah ami ng’düm tu vai.

HEBRU 4:10

A i ah kyasei ci ung Khanpughi ah shaitaak ah düm nak gah ciah chang cu, Khanpughi ah mäih ah amät ah bi a bi ung düm nak gah ci nei.