HEBRU 4:2 - Cho Bible Common Language 2016

² Cau ng’vai gui ah mäih ah mikmi naw Thuni cu mi ng’yak ci nei. Ngami naw Thuni cu ng’yak ci gui, cun ung phi ngami ah phäh ah a bäkhäk nak kä om ci. A i ah kyasei ci ung ngami naw ng’yak u ne phi yum nak awn kä ami dou ah hmawk ah kyak ci.

HEBRU 4:2 Referans Kwoze

1 THESSALONIAN 2:13

Cun kawn ah keimi naw angtäi sei Khanpughi kami m’hlüngtai nak ah mawng a hei tumat om ba ci. Cun cu, Keimi naw Khanpughi ah Thu Ni kami ning m’thein gui cu, chang ah ng’thu ah mäih ah kä kiak ciah Khanpughi ah ng’thu akcang ah ngai ng’yak ne nami dou nak ah kyak ci. Cun cu Khanpughi ah ng’thu akcang ah kyak ci. A i ah kiasei ci ung Khanpughi cu yum ciah chang gui ah kyong ah hnüntho ne om ci.

HEBRU 11:6

Zum nak kä om ci naw Khanpughi kä yei nak ci. Khanpughi om ci, cine Khanpughi shui ci naw m’cümhnah nak gah ci.

HEBRU 3:12

Zum ciah ka phäi nau gui, ghing ciah Khanpughi nawng nak vai amawng ah am lung kiong shekhak ciah chang, nangmi ung kä om en khai ah nami geing nak vai nei.

1 TIMOTHI 4:8

Pumsa lam ung thei nak cu bä kung ci, cun ung phi mümcha lam ung thei nak cu, a mawng avan ung, tuhbäi la ngawi yä ghin nak vai ah bä pi bäih ci.

ROMAN 2:25

Nang cu thukhän na läk ah a kyak ung, vun-ah nak na bi cu ak küikyang ah kyak ci, cun ung phi nang cu thukhän nam shet ciah a kyak läi ung, vun-ah nak kä na bi tu ling te ung ni pi khai sü ah kyak ci nei.

LAMKTU 13:46

Paul la Barnabas naw ayan kaa ah tah thamah nak pi awn,” Ak htük bäih ah keimi naw Khanpughi ah thu ni cu kami ning m’thein tu gui ci, Cun ung phi nang mi naw cun ah thu cu hnu nah ne, ang täi ghin nak awn kä nami khin thäk tuk ciah nami k’bäi pyi ci nei. Cun ah kyasei keimi cu, nangmi ungka ng’düi law ba ne chang pakhui hei gui ah om nak ah kami hteit khai nei.

JAMES 1:21

Cun ah kyasei, kä nik ciah om ih la shekak ciah hnünthawh nak cu nami ng’cim sak vai nei. Khanpughi cu dou ne, Khanpughi naw nami m’lung kyong ah a geit ah thu cu nami kutshum vai, acun naw nangmi cu ning hun gui hning ci.

HEBRU 4:6

Cun ah Thuni ng’ya law htük ciah chang gui naw cun ah hüi nak cu kä gah ci gui, a i ah kyasei ci ung ngami naw kä ami yum ah hmawk ah kyak ci. Cun ah kyasei cun cu a hei gui naw gah ci gui nei.

1 KORIN 13:3

Kei ung om ciah khawh avan pe ne, ka pumsa mei ung m’khih hning ne Khähghah nak hlü vai ah ka ap ung phi, kei ung m’hni nak kä a om ung, kei ung bä nak kä om ci.

1 PETER 1:12

Ngahmi naw cun ah mawng ami pyeinsak cu, ami mät ah hmawk ah kä kiak ci, nangmi ah hmawk ah kyak ci, cicu Khanpughi naw, ngahmi ung dang sak ci. Nangmi ah om nak ah Bawi Khrit ah mawng Thu Ni law püi ci gui naw, cun ah profet gui naw ng’daut ne ami pyein ah a mawng gui cu, Khankho ah kaa a tüih law ah Mumcha Theing ah hlüngtai nak awn, nangmi ah khan ah ng’shäu law u sei nangmi naw nami ng’ya pyi ci nei. Cun ah a mawng gui cu Khanchang gui naw phi hmuhmat hlük ci gui nei.

1 THESSALONIAN 1:5

Keimi naw ng’Thu Ni ka mi ning thak law gui cu, thu m’gawng bäng awn ah kä kyak ci, hlüngtai nak, Mumcha Theing la düng nak kümbe ciah yum nak awn ah kyak ci. Keimi cu nangmi awn atäng ah kami om yah ung a i ah kami om cu nami hmat ci; cun cu nang mi ah ni kyom nak vai ah kyak ci.

KALATIAN 3:8

Khanpughi naw chang khui hei gui cu ami yum nak awn amät ung düng sak gui khai, ciah cacim naw k’cä ci. Cun ah kyasei cacim naw Thu Ni Abraham am am thein cu, “Khanpughi naw nang ung, chang ah hta avan-am m’shumphyuk nak pek khai,” ciah kyak ci.

KALATIAN 4:13

Ak htük bäih ah Thu Ni ka ning m’thein law gui cu kei ka gawpyam su ah kyak ci, cicu nami shüm ba khai.

LAMKTU 3:26

Cun ah kiah seih nang mi naw, nami shet katnak gui nawng shüt neh, hrilham nami gah vai ah, Khanpughi naw a ghü ah a mät ah chang shäm cu, ak htük bäih ah ning tüih law gui ci nei” ci neh Peter naw pyein ci.

THULÄÄN NAK 1:32

Acun nak vaisü ung ka ning pyen nak gui ung phi tuh ä nangmi Bawipa ung kä nami ng’ap ci.

ROMAN 3:3

Chang amshah cu pyein ah kä ami om ah a kyak ung, acun ah phäh ah Khanpughi phi pyein ah kä om ciah kya thei khai ang!

KALATIAN 3:2

Khanpughi ah Mumcha nami gah nak cu, thukhän nami läk nak awn ang? Kä cun ung Thu Ni ngai ne nami yum nak awn ang? m’hlan ne nami pyein vai nei!