HEBRU 4:12 - Cho Bible Common Language 2016

¹² Khanpughi ah Thu cu ghing ne hnüntho ne, hmün ne ghaat ciah m’htakhim ah tah ghaat pi ci. Cun ah khim naw, ghin nak la mumcha ah ng’chum nak, khlingthang ah kyum nak ung khüt sei, aat pit pit ci. Acun naw chang ah m’lung ung yaak hlü ngaih-tüh gui cu m’khoi chak ci.

HEBRU 4:12 Referans Kwoze

JEREMIAH 23:29

Kei ah ng’thu cu mei ah mäih ah kyak ci, lung khui khai ah shuk ciah ng’kii ah mäih ah kyak ci.

ISAIAH 55:11

A cun ah mäih ah kei ah ka pyen ah ng’thu cu kyak khai nei — kei naw ka pawng püi cu bi vai ah cun cu kä shum khai; kei naw bi vai ah ka tüih law päng cu, a cun naw bik khai.

EPHESIAN 6:17

Hun nak ah kyak ciah m’si lukhu cu kutshum ne, Mumcha ah m’shumphyuk ah Khanpughi ah ng’Thu ah kyak ciah khimgan cu nami kawh vai nei.

SAM 119:130

Khukhai ne na m’theithang nak naw akdei cu pek ci, chang k’ang gui cu cüivai sak gui ci.

1 PETER 1:23

Nangmi cu ghing ci la angtäi om ciah Khanpughi ah ang thucim awn, ng’tüi ba ne, sih nak kä om ciah angtäi ghing ciah Khanpughi ah hta ah nami kyak ci nei.

ISAIAH 49:2

Ani naw ka ng’thu cu khim ah mäih ah ghat sak ci. Amät ah kut awn kei cu na shungvong ci. Ani naw mang ge vai ah ghat ciah m’la ah mäih ah na pyang ci.

THU PHLAAN 1:16

Ani cu akpat lam ah aisi pachih kawt ne, am gawng ung vangah-vei ghaat ciah khim lut lawk ci. A hmai cu hnüüp lunglai ung hni ng’liing ah mäih ah ng’shü ci.

1 THESSALONIAN 2:13

Cun kawn ah keimi naw angtäi sei Khanpughi kami m’hlüngtai nak ah mawng a hei tumat om ba ci. Cun cu, Keimi naw Khanpughi ah Thu Ni kami ning m’thein gui cu, chang ah ng’thu ah mäih ah kä kiak ciah Khanpughi ah ng’thu akcang ah ngai ng’yak ne nami dou nak ah kyak ci. Cun cu Khanpughi ah ng’thu akcang ah kyak ci. A i ah kiasei ci ung Khanpughi cu yum ciah chang gui ah kyong ah hnüntho ne om ci.

JEREMIAH 17:10

Kei, Bawipa naw hnicim chang ah m’lung cu shui zap ne, chang ah m’lung ngaih cu ka m’nüm ci nei. Kei naw chang nü cu amät ah om ah ci ah amät ah bi ah läk ah ka om püi ci nei.”

ROMAN 1:16

Kei cu Thu Ni ung kam lung üp ngaih gep ci; cun ah Thu Ni cu yum ci gui ah, Jew chang gui la changpakhui hei gui cu, a hun nak ah Khanpughi ah hlüngtai nak ah kya ci.

SAM 149:6

Khanpughi m’tam ne m’lau ne ng’shäu u sä, ami m’htak khim kawt ne m’lau u sä.

THU PHLAAN 19:15

Khaw nüng chang päng a heem nak vai ah am gawng ung khim k’ghaat lut lawk ci. Ani naw chang gui cu m’si k’htei pawng awn uk gui khai. Ak hlüngtai pi k’bäih Khanpughi ah m’lungshe nak ah kyak ciah sapyit neen nak ah khui ung sapyit cu neen khai nei.

EPHESIAN 5:13

Akdei ung dangsak ah a mawng ama phung cu ang yung a pyaa ng’laat ne dang ci nei.

LUKA 8:11

Shin ah m’tumtäng ne pyein nak hlü cu; m’shi cu Khanpughi ah ng’thu ah kyak ci.

SAM 139:2

Nang naw ka bi phung cu na hmat ci; Kei ah ka ngaih-tüh avan cu a shou nak ah om ne na hmat yawp ci.

JOHAN 6:51

Kei cu khankho ah kaa kya lawk ciah ghing ciah m’htut ah ka kyak ci. Cun ah m’htut ei ciah chang phung cu, angtäi ah ghing khai. Kei naw ka ning peit gui ah m’htut cu, khomdek chang gui naw ghin nak ami gah nak vai ah, ka sa ah kyak ci,” cine m’thein gui ci.

ISAIAH 11:4

Ani naw dukhaih ci gui cu nik khai ah m’khoi m’cha gui ne. Am gein kaa gui cu shungvong gui khai. Ani naw ang thukhäm awn chang gui cu m’kyuk gui khai, changshe gui cu sik khai gui.

SAM 45:3

M’gäi ciah ghangpughang, na khim bah ä; Nang cu bämang ne na hlüngtai ci nei.

THU PHLAAN 19:21

A gakap gui cu ng’se bawk ung ng’cum ciah m’gawng ung lut lawk ciah khim ghaat awn ngawn gui ci gui. Kha gui naw ami sa gui cu ami phü ah ei ci gui.

THU PHLAAN 2:16

Tuhbäi nami katnak ung ng’yu ba vä! Kä nami ng’yu ba ung kam gawng ung lut lawk ciah vang ah vei ghaat ciah khim awn ka ning tu gui khai nei.

HEBRU 13:7

Khanpughi ah ng’thu ning m’thein law gui te ciah nami ng’vai gui cu, nami shüm gui vai nei. Ami ghin nak la ami sik nak cu vang ngai ba u netah, ami yum nak cu nami thei leh gui vai nei.

LAMKTU 4:31

Ami taigü yawp vai am cun ah ami taigu nak ah hmun cu ng’tum ne thüng ci. Ngah mi cu ami van Mumcha Theing awn be u ne tah, Khanpughi ah ng’thu cu thamah nak awn pyein sak ci gui.

LAMKTU 2:37

Cun ah ng’thu ng’yak ciah chang gui cu, ang htei ah ami lung khih gui khä tah, Peter lah a hei ang düihpüi gui am, “Phäi naü gui aw, a i ah mi kyak khai ang” cine ng’htau gui ci gui.

THU PHLAAN 2:23

Ani läk ciah chang gui cu ka ngawn gui khai, cun kawn ah kei cu chang nüng ah m’lung ngaih la ng’yak hlü ka hmu hmat ciah, khrithabum avan naw hmat khai gui nei.

THU PHLAAN 20:4

Cun kawn ah mangkiaang gui cu ka hmuk ci. Cun ung ngok ci gui cu m’khoichaa nak vai ah huham ami peit gui ah kyak ci. Cun kawn ah Bawipa Jesuh ah m’dang ah düng nak la Khanpughi ah ng’thu ami pyein ah hmawk ah ami ngawn gui ah, ami mümcha gui cu ka hmuk ci. Ngami naw khiküi la ani ah gup cu kä khawihnah ci gui. Ami m’calai la ami kut ung phi khiküi ah m’hnüt nak cu kä la tuk ci gui. Ngami cu ghing ne tho law ba u ne, Bawi Khrit awn atäng ah khokum phiaa ghaa ung ghangpughang ah mäih ah uk tuk ci gui.

1 THESSALONIAN 5:23

Dimdeeih nak ah a phung Khanpughi naw, a mawng alam avan ung ning theingcim sak gui sä! Bawipa Jesuh Khrit a kyum law ba ung ng’ä vai kä om khai ah, nami mumcha, nami m’lung ngaih, nami pumsa avan cu Khanpughi naw ning kut shum gui sä.

2 KORIN 4:2

Keimi naw m’yih vai la lü ng’aa nak vai cu kami nawng shüt ci; keimi cu kä kami thuvi ci, Khanpughi ah ng’thu phi hleei ne kä kami pyein ci. Keimi cu Khanpughi ah maa ah düng ciah akdei ung ghing u ne, chang gui ah ni kyom nak vai ah k’tha na ne kami bik ci.

NG'THU K'THUUK~ 5:4

Cun ung phi ani a hteh ba ung akha liit ta m’neh nak ning nawng pe shüt khai.

JAMES 1:18

Khanpughi naw amät ah ng’yak hlü ah, ang thudüng awn chang ghing ah nang dang sak gui ci, cun ah kyasei mikmi cu a tüisho gui nüng ung ak bä pi ah mi kyak ci.

THUSHÄUTU 12:11

Cüivai ciah chang ah ng’thu pyen gui cu htoshäm naw htome gui lam am shüm nak ah htung m’shum ah mäih ah kyak ci, a cääp ah ng’thu thuuk gui cu khäng sei khen ah m’si ah mäih ah kyak ci. Cun gui cu chang van ah htoshäm tumat ah kyak ciah Khanpughi naw a pek ah kyak ci.

2 KORIN 2:17

Keimi naw a hei chang gui ah so ah, Khanpughi ah ng’thu cu, a phu k’yän khawhchaam ah mäih ah kä kami sumlei nak ci: Khanpughi naw ana tüih gui ah kyasei, amaa ah ang thu cu, Bawi Khrih chang shäm ah kya ne ng’düng sei kami pyein ci.

SAM 110:2

Bawipa naw Zion mang gaw ungka naw na uknak huham cu shawng sak khai. “Na ga gui cu uk gui ä” cik khai.

1 KORIN 1:24

Cun ung phi Jew chang phi bäi, khui hei chang phi bäi, Khanpughi naw a khüpi ah chang phung ah hmawk ah Bawi Khrih cu Khanpughi ah hlüngtai nak la k’cüikhai nak ah kyak ci.

LAMKTU 5:33

Cun ah ng’thu cu kawngsi ng’vai gui naw ng’yah u netah ang htei ah m’lung she u neh ang düihpüi gui cu ngawn hlü gui ci gui.

JOHAN 12:48

Kei na hnu ng’tuk püi ne kei ah ng’thu kä ngai ciah chang m’khoichak khai tumat om ci. Akhnu hnüüp ung kei ah ng’thu cu cun ah chang m’khoichak ciah bawi ah kyak khai.

LAMKTU 7:38

Ani cu bung puk ah om ci gui ah Israel chang gui, kami pu pa gui lah Sinai khaw m’htung ung ng’thu püi ciah khankho chang awn atäng ah om ciah chang ah kyak ci. Mikmi am ana peit gui vai ah Khanpughi ah ghing ciah ng’thu gah ciah chang ah phi ki ak ci.

EPHESIAN 5:26

Bawipa naw a hnun gui a peit nak cu, krithtabum theing sak ne, ang thu awn Khanpughi am ap sei;

HEBRU 6:5

Ngahmi cu Khanpughi ah Thu ani ah mawng la gawk lawk khai ah akhin ah hlüngtai nak gui cu hmat pyi ci gui ah kyak ci.

SUKI GUI 3:16

Ehud naw vang goi-vei ghat ne dawng lawk ciah shim cu pyang ci. Cun cu akpat täng aphei ung sui ah ka ung khit ne tha ci.