HEBRU 3:8 - Cho Bible Common Language 2016

⁸ Nami pupa gui cu Khanpughi ng’küükneet püi u ne, pui kiang ma ah phawtcam ci gui, ngahmi ah mäih ah kä nami lingkeng vai.

HEBRU 3:8 Referans Kwoze

NG'THU K'THUUK~ 28:14

Angtai sei Bawipa na lak vai, cun ung na yei khai. Na m’lung aliing ung na shum khai.

PHYAWN NAK 17:7

Cun ah hmun cu Massah la Meribah ah sui ci gui, a i ah kyasei ci ung Israel gui naw ng’thu m’da ne, Bawipa m’nüm u ne, Bawipa naw na om püi gui ci ang? Kä na om püi gui ci ang? Ami ci nak ah kyak ci.

DANIEL 5:20

Cun ung phi ani cu chang ah ng’shei ne, am lung ling ne, m’ghämce law khäta, bawi mang kiang ungka m’hnawn u sei, m’tam nak ah hmun cu hteh tak ciah kyak ci.

JEREMIAH 7:26

Cun ung phi a u naw phi kä na ngai ci, a i ah kä na sui ci. Cun nak vaisü ung nangmi cu ling law pi u ne, nami pupa gui ah ta nami hnungtuk law pi ci.

SAM 78:56

Cun ung phi ngami naw Bawimang Khanpughi cu hnu ng’tuk püi u ne, ani cu m’nüm ci gui. A ng’thumkhän phi kä läk ci gui,

SAM 78:18

Ngami naw ami ei hlü ah ei cu k’thäh u ne, Khanpughi cu a guih ah m’nüm ci gui.

MATTHE 13:15

A i ah kyasei ci ung, ami m’lung cu ang ne, amik hnga cu pang ne, ami mik cu m’shing ciah kyak ci. Ami mik m’dei ne ami hnga ng’lang sei, ami m’lung kyong awn hmuhmat u ne ami kyak vai sü ung, Kei lam ah ng’hlat law u ne, na yi hnei u sei, Kei naw phi kam gein gui khai süte,” cine Khanpughi naw pyein ci ciah kyak ci.

NG'THU K'THUUK~ 29:1

Ami ning m’düng m’shung päng ung na ling aih ah akyak ung hnüüp ät ung akhui ah na ng’deng khai, kä na tho ba hlawt khai.

JOB 9:4

Khanpughi cu cüivai ne huham mah ci nei; a u naw ani kä ng’tuk püi hning ci.

PHYAWN NAK 8:15

K’u gui ami sih cu ghangpughang naw hmu neta, ani cu ling ba mä ci. Bawipa ah pyen ah mäih ah Moses la Aaron cu ghangpughang naw kä ngai goi ci.

SAM 106:14

Ngami cu ng’yak hlü aih nak awn be u neta, bungpuk ah Khanpughi cu m’nüm ci gui;

2 SHONTÄP NAK 36:13

Zedekiah naw Ghangpughang Nebukhadnezzar cu hnungtuk püi ci, ani naw Khanpughi ah ming ung taam ne, a bekhüt vai ah ak ghuih ah pyen nak ci. Cun ung phi ani cu amlung ling ne, kä ng’yu ba ne, Israel Khanpughi Bawipa ah kä ng’hlat law ba ci.

THULÄÄN NAK 6:16

“Bawipa nami Khanpughi cu kä nami m’nüm vai. Massah ung nami bi ah mäih ah kä nami bi vai.

1 KORIN 10:9

Mikmi naw chang amshah gui ah mäih ah Bawi Khrih cu kämi phawtcam men vai, ngami cu k’phyu naw k’dawk gui sei si yawp ci gui.

LAMKTU 19:9

Cun ung phi chang amshah gui cu ami m’lung m’sing sei kä yum u ne, chang khli ah ng’lung ah Bawipa ah lam ah mawng cu pyein m’sheet ci gui. Cun ah kyasei paul naw yum ci gui cu khah püi gui ne, ngami gui cu hteh ta gui netah, Tirannus ah ng’thei im kyong ung ak hnüüp tä sei ng’thu ng’ge püi gui ci.

NEHEMIAH 9:16

Cun ung phi kami pupa gui cu chang ah ng’shei u ne, ami m’lung ling ci. Nang ah thumkhän läk vai ah mak ci gui.

1 SAMUEL 6:6

Egypt ghangpughang la Egypt chang gui ah mäih ah a i ah kyasei nami ling aih vai ang? Egypt ung ka Israel chang gui kä ami hteh sak gui pha ah chuih Khanpughi naw akgu ah mäih ah a kyak sak gui cu kä nami m’hnih vai.

KHEI NAK 14:11

Bawipa naw Moses cu pyen nak ci, shin ah chang gui naw a i güt na hnungtuk püi khai gui ang? Cäi-aih vai gui akchün akda m’dang pang ä sei phi, ngami naw a i güt kei ung ami ng’ap vai cu mak khai gui ang?

2 SHONTÄP NAK 30:8

Ngami ah mäih ah nami m’lung kä ling en sä, Bawipa ah thu ngai u ne, Bawipa nami Khanpughi naw ang täih ah a theingcim sak ah Jerusalem Taigüim ah law u ne, nami khawihnah vai, cun ung nangmi ah khan ah ani kä m’lungshe ba khai.

2 GHANGPUGHANG GUI 17:14

Cun ung phi ngami naw kä ngai ci gui; ngami cu ami Khanpughi Bawipa kä ngaih u ci gui ah ami pupa gui ah mäih ah ami m’lung ling ci nei.

SAM 95:8

“Kä nami ling aih vai nei, nami pupa gui Meribah ung ami kyak ah mäih ah, cu hnüüp ung Massah bung ah ami om ah mäih ah kä nami kyak vai nei.

LAMKTU 7:36

Ani naw Egypt khaw lah Tuisen tuinu ung phi bäi, khaw kum phli-kip ung k’pya lünnu ah phi bäi, cäi aih gui vai lah ngaih khit gui vai cu m’dang neh Egypt khaw ah ka, Israel chang gui law püi ba gui ciah kyak ci.”