HEBRU 3:5 - Cho Bible Common Language 2016

⁵ Moses cu Khanpughi ah im kyong ah ak changshäm ah kya ne bekhüt ne om ne, ma lam ah Khanpughi ah thu law vai gui cu, ana pyein law ma ci.

HEBRU 3:5 Referans Kwoze

KHEI NAK 12:7

Cun ung phi ka changshäm Moses ka ng’thu püi cu ak küi ah kyak ci. Israel chang avan ung tängpang khai ah kei naw ani cu ka tha ah kyak ci.

HEBRU 3:2

Moses cu Khanpughi ah im ung a bi lawh nak ung abekhüt ah mäih ah, Bawipacun phi shin ah bi bik khai ah ghü ne m’düih ciah Khanpughi ah ma ah bekhüt ci.

PHYAWN NAK 14:31

Bawipa naw m’gäi ciah a huham awn Egypt gui a hnim gui cu Israel gui naw hmu u neta, kyi u ne Bawipa ung ng’düi ci gui. Bawipa cu yum ci gui, ak chang Moses phi yum ci gui.

SAM 105:26

Cun kawn ah a ghü ah ak changshäm Moses la Aaron cu tüi goi ci.

LAMKTU 28:23

Cun ah kyasei ngami cu Paul awn hnüüp ng’nüt u netah, ami ng’nüt nak ah hnüüp ung chang akda Paul ah om nak ah gawk law ci gui. Paul naw kho ngawi ah tün ne, mühun nah khüt khai ah khanpughi ah uknak ah mawng Thu Ni cu m’thein gui ci. Bawipa Jesuh ah a mawng cun phi, Moses ah thukhän la prophet gui ah cacim gui awn küm khai ah, ngami naw ami yum tu vai ah k’tha nah ne m’thein tu gui ci.

HEBRU 8:5

Taigü gui ah bilawh nak cu khankho ah khawihnah nak ah a müi ah ang hniim ah kyak ci. Moses ah bilawh gui cun phi acun ah mäih ah kyak ci. Moses naw thukhän kho phung a cawh law vai ung, Khanpughi naw, “M’htung khan ah ka ning m’hnuh ah mäih ah apäng avan cu käm hnih en ne, na pyan vai nei,” cine am cäi ah hmawk ah kyak ci.

1 TIMOTHI 1:12

Shin ah bi ka bi nak vai ah thamah nak na pek ciah mi Bawipa Khrih Jesuh cu kam hlüngtai ci nei. Kei naw yanä Bawipa cu ak she ah pyein ne, dukdeiu na ne, yoshe na ne, ka kyak man pang ung phi, Bawipa naw kei cu na khinkha sak ne, abi ka bi vai ah nam hnüt sei Bawipa cu kam hlüngtai ci nei. Cun sang ung kei cu yum nak kä om sei, akni akshe phi kä ka hmat ci, cun ah kyasei Bawipa naw kei cu na chimgein ci.

JOSHUA 1:2

Ani naw, “Ka changshäm Moses cu si pyi ci. Tuhbäi pawng ge ä, nang la Israel chang avan naw Jordan tuinu hei kat ne, ka ning pek gui ah khaw ung lut vä.

THULÄÄN NAK 34:5

Cun ah kyasei Bawipa ah a changshäm Moses cu, Bawipa naw asih vai ah a pyen ah mäih ah Moab khaw ung sik ci.

HEBRU 9:24

Bawi Khrit cu Hmun Theing akcang ah müi ah chang ah pyan ah Hmun Theing ung kä lut ci. Ani cu Khankho akcang ung lut ne, tuhbäi mikmi ah hmawk ah Khanpughi ah ma ah gawk ci nei.

ROMAN 3:21

Cun ung phi Khanpughi ung chang gui ami ng’düng nak vai ah lam cu dang pyi ci nei. Khanpughi ung düng nak cu thukhän nawn na kä kyak ci, cun ah a mawng cu Moses ah Thukhän la puorfet gui naw saksi m’dang ci gui.

JOHAN 5:39

Cacim ung angtäi ghin nak om khai ah ngai ne cacim bäng nami teng ci. Acun ah cacim naw kei ah mawng cu saksi ci.

LUKA 24:44

Cun kawn ah Bawipa Jesuh naw, “Moses ah thukhän, profet gui ah cacim la Salan cacim ung, kei ah mawng ami guk gui phung cu, akcang ah küm khai nei, cine nangmi awn a täng ah ka om yah ung ka ning m’thein gui pyi ci. Ka pyein ah mäih ah tuhbäi küm law pyi ci nei” cine m’thein gui ci.

LUKA 24:27

Cun kawn ah Bawipa Jesuh naw, Messiah ung tün ne profet gui naw, ngami ah mawng ami guk ah cacim gui cu tän ne pyein ne m’thein goi ci.

JOSHUA 8:31

Bawipa ah changshäm Moses naw Israel chang gui am, m’shümthein nak a pek gui ah mäih ah ani naw bik ci. Moses ah thukhän ung a pyen cu, “M “sii shep naw kä a ah en ah pyan ah lung sonkyang ah kyak ci. Acun ah khan ung gami naw m’khih ne khawihnah nak cu Bawipa am douthak ci gui. Ngami naw khawtsheng-douthak nak phi thak ci gui.

1 KORIN 4:2

Cun ah changshäm ung om khai ah k’thamah nak tumat cu amät ah bawi ung ang bekhüt nak ah kyak ci.

LAMKTU 7:37

Khanpughi naw ami mät pakhui ung ka, Profet tumat cu, kei a na tüih law ah mäih ah tüi lawk khai nei” ci neh Moses naw Israel chang ghu am pyen na gui ci.

LUKA 12:42

Bawipa Naw, “Bekhüt ne cüivai ciah changshäm cu a u ang? Khuimah tumat naw akchangshäm gui khawngmang gui ne, uk gui ne, ei-awk phi tei gui khai ah changshäm tumat cu ghü ne m’düih khai.

MATTHE 25:21

A bawi naw, ‘Na bä ci, nang cu düng ciah changniah na kyak ci. Bi api ung nang düng ciah kyasei, bi ak däm cu ka ning ap khai, kei ah law ne kei awn a täng ah yeikyai ne na om khai nei,’ cine pyen nak ci.

MATTHE 24:45

“Düng ciah changshäm cu a u ang? Cun ah chang cu a hei chang shäm gui uk khai la a khin päng ung ei awk vai tei gui khai ah a bawi naw am düih ah kyak ci.

JOSHUA 8:33

Israel gui la ami ng’vai gui, bawi ui, suki gui la ami ng’lung ah om tuk ciah khuihei chang gui cu, Bawipa ah Thukhän M’küm ah vang goi vei ung, acun kawt ciah Levit taigü gui täng ah mang ne düi ci gui. Ateih naw Keriyim m’htung hnu na ne ng’düi ci gui, ateih naw Ebala m’htung hnu na ne ng’düi ci gui. Bawipa ah changshäm Moses naw shin ah abi vai ah a thumkhän gui ah mäih ah, ngami ah hmawk ah hriham ami dou nak vai ah akhin cu gawk lawk ci.

JOSHUA 1:15

Bawipa nami Khanpughi naw a pek gui ah Jordan akhei täng khaw kä ami khäm pha ah chuih ah kyak khai nei. Ani naw Israel pakhui avan am, phyawn nak a pek kawn ah, nangmi cu law ba u ne, Jordan a kiangtäng nami mät ah khaw ung khäng ne nami om khai. Cun cu Moses, Bawipa ah changshäm naw a ning pek gui ah kyak ci.”

JOSHUA 1:7

Na khüighat vai, na thamah vai, ka changshäm Moses naw a ning pek gui ah thukhän avan ng’htei khai ah na läk vai. Cun ungka api phi kä na nawng vai, cun ung na hteh nak päng ah na näng khai.

THULÄÄN NAK 3:24

‘Uktu Bawipa, Nang naw na bilawh vai ah dämduh ci la cäicat vai gui ah angtün nak vah, nang naw na na hmuh sak ciah kei naw ka hmat ci nei. Nang naw na bi ah mäih aküikyang gui bi hning ciah khanpughi, khankho la khomdek ung kä om ci nei.

NEHEMIAH 9:14

Na ng’chiin nak hnüüp cu theingcim khai ah ami k’pan vai ah na m’theingthang gui ci, Na ng’thukhän gui cu na changshäm Moses ung na pe gui ci.

PHYAWN NAK 40:16

Moses naw Bawipa ah thumkhän ah mäih ah avan bi yawp ci.

HEBRU 1:1

Caä Phanpughi naw, akda vei, a mawng a hei hei awn, profet gui ung, mi pupa gui am thu m’shäk law man ci.

HEBRU 3:4

Im phung phung cu chang naw co ci cun ung phi a päng avan cu Khanpughi naw co ci.

THU PHLAAN 15:3

Ngami naw Khanpughi ah changshäm Moses ah ng’äi la Htomehta ah ng’äi cu m’cu ci gui. Cun ah ng’äi cu; “Küikyang hlüngtai ciah Bawipa Khanpughi, Na bilawh gui cu hlüngtai ne cäicat vai kya ci nei! Khaw päng ung chang nüng ah Ghangpughang, Na lam cu düng ne cangnak ah kyak ci nei!