HEBRU 3:3 - Cho Bible Common Language 2016

³ Im co ciah chang tumat cu a im cawh ah mä däm pi khai ah m’tamkhah nak gah khin ci nei.

HEBRU 3:3 Referans Kwoze

1 KORIN 3:9

Keimi cu Khanpughi ah khuut a täng ah kami bik ciah bik bi gui ah kami kyak ci, nangmi cu Khanpughi ah lomaa ah nami kyak ci. Nangmi cu Khanpughi ah im ah phi nami kyak ci.

HEBRU 2:9

Cun ung phi mikmi ah hmuh cu, Khanpughi ah m’gein nak awn chang van ah hmawk ah sik khai ah, khanchang gui ah mä a shänghta ng’neim sak nak gah ciah, Bawipa Jesuh ah kyak ci. A ni cu sih nak a aut ah hmawk ah bäkhäk nak la m’tamkhah nak awn be sei tuhbäi mi hmuk ci.

HEBRU 3:6

Bawi Khrit läi cu Khanpughi ah im uk ciah A Htapa ah kya ne, bekhüt ne om ci. Mikmi cu küighaat ne, mi ngaih u nak ah khan ah m’lung üp nak a om ah a kyak ung, Khanpughi ah im ah mi kyak ci.

KOLOSE 1:18

Ani cu apumsa ah kyak ciah Khrithabum ah lukhu ah kyak ci. Ani cu pumsa ah ghin nak ah ang yung ah kyak ci. Ani cu sih nak ung kaa tho ba ciah ng’tüi htük ciah Htapa ah kyak ci, ani bäng cu avan ung a om nak htük vai hmun om ci.

MATTHE 16:18

Cun ah kyasei nang cu, “Kheng lung,” ah ming ciah “Peter” ah na kyak khai, acun ah kheng lung ah khan ah ka pum im ka k’süm khai, cun cu sihnak naw phi kä näng hlawt khai.

ZEKHARIAH 4:9

“Zerubbabela naw Taigüim lung k’tung cu ng’ling ci nei. Cun ah im cu ani naw m’üp ne co khai nei. Shin gui a kyak awn ah ka chang gui naw hmat khai gui, ngami ah om nak ah ning tüi gui cicu kei ah kyak ci.

2 KORIN 3:7

Lung ung guk ah thukhän a peit yah ung Khanpughi ah bämang nak cu deikhang ci. Cun ah deikhang nak cu Moses ah hmai ung ang shu law pipi ung phi, ang htei ah ng’shü sei, Israel chang gui naw kheing ne kä teng hkawt ci gui. Sih nak law püi ciah thu khän hngaw, shin ah mäih bämang nak awn a peit ah a kyak ung,

HEBRU 3:4

Im phung phung cu chang naw co ci cun ung phi a päng avan cu Khanpughi naw co ci.