HEBRU 3:19 - Cho Bible Common Language 2016

¹⁹ Ngahmi cu cun ah kholei ung kä lut tu hlawt khai gui ah mi hmu gui pyi ci, a i ah kyasei ci ung ngami cu kä yum tuk ci gui ah kiak ci.

HEBRU 3:19 Referans Kwoze

JUDE 1:5

Bawipa naw Israel chang gui cu k’phyawn gui ne, Egypt khaw ung kaa k’plawk ba gui netah, kä yum ciah chang gui a dimaih sak gui cu, nami hmat pyi ah kya pang sei phi ka ning shüm ba sak gui hlük ci nei.

JOHAN 3:36

A htapa yum ciah chang cu angtäi ghin nak gah ci. Kä yum ciah chang cu ghin nak kä hmuk khai. Ani ah khan ah Khanpughi ah m’lung she nak om khai.

JOHAN 3:18

Khanpughi ah Htapa yum ciah chang cu a hma m’kat nak kä om ci, kä yum ciah chang cu, Khanpughi ah Htapa kä ah yum ah hmawk ah, tuhbäi ge hma m’kat nak gah ci.

MAKUH 16:16

Zum ne tuihnim nak lak ciah chang phung cu hun phiawn nak gah khai hei; kä yum tuk ciah chang phung cu shetkat nak om khai nei.

1 JOHAN 5:10

Khanpughi ah Htapa yum ciah chang phung naw shin ah saksi cu am lung kyong ung shum ci. Cun ung phi Khanpughi kä yum ci läi cu, Khanpughi naw A Htapa ah mawng a pyeinsak cu kä yum ci kya ne, Khanpughi hleeihlak ciah mäih ah ng’lat sak ciah chang ah kiak ci.

2 THESSALONIAN 2:12

Cun ah kyasei cacim kä yum ne cheishoh nak ung ng’len ciah chang phung cu m’shetkat nak gah khai nei.

THULÄÄN NAK 1:32

Acun nak vaisü ung ka ning pyen nak gui ung phi tuh ä nangmi Bawipa ung kä nami ng’ap ci.

SAM 106:24

Cun kawn ah ngami cu Khanpughi ah shaitak kä yum ci gui ah kya ne, khoding kho cu hnu nak ci gui.

ROMAN 11:23

Jew chang gui cu ami m’lung thawng sei Khanpughi ami yum ah a kyak ung, ak hmui cu m’dün ba ne geit kaw nak cu om khai, Khanpughi naw cun ah bi hning ci.

HEBRU 3:12

Zum ciah ka phäi nau gui, ghing ciah Khanpughi nawng nak vai amawng ah am lung kiong shekhak ciah chang, nangmi ung kä om en khai ah nami geing nak vai nei.