HEBRU 3:16 - Cho Bible Common Language 2016

¹⁶ Khanpughi ah k’aw cu ng’ya lang ne, ng’küükneet püi ciah chang gui cu a u gui ang? Cun gui cu Egypt kho ah kaa Moses naw ang khah law püi ba gui ah chang gui nei.

HEBRU 3:16 Referans Kwoze

KHEI NAK 14:2

Ngami naw Moses la Aaron cu hnungtuk püi u ne chiu m’da ne ami pyen cu, “Egypt khaw ah kä cun ung, shin ah bung ung sih cu bä tuba khai nei.

KHEI NAK 14:30

Cä ah nami om khai ah kei naw shai katak ci, cun ung phi Kaleb la Joshua ah kawn ah a u phi kä nami om tuk khai.

THULÄÄN NAK 1:38

Cun ung phi Nun ah hta Joshua, ning m’hteihtang ciah m’hnütbäi nak awn thamah ä. Ani naw khaw khäm vai ah Israel gui cu chuiso gui khai nei.’

SAM 78:17

Cun ung phi ngami cu katnak awn Khanpughi hnu ng’tuk püi lä u ne, bungpuk ah phi hlüngtai säih cicu hnu ng’tuk püi ci gui.

KHEI NAK 26:65

Bawipa naw chang gui ami van bungpuk ah sik khai gui a ciah kyasei, Jephunneh ah hta Kaleb la Nun ah hta Joshua bäng k’pawih ba ci goi, ami van si yawp ci gui.

KHEI NAK 14:38

Sübük chang gha lei goi ungka Joshua la Kaleb bäng pawih ba ci goi.

KHEI NAK 14:24

Cun ung phi ka changshäm Kaleb ung amlung ngaih a hei hnga om ci, ani cu kei ung bekhüt ci, kei naw ani cu ava däät nak te ah khaw ung, ka hteh püi khai, ani ah htangshon naw cun ah khaw cu khäm khai gui.

KHEI NAK 14:4

Cun ah kyasei ami mät ng’cengcäk u ne, “Ang vai hta vai mi ghü u neta, Egypt khaw ah ng’hlat ne mi hteit ba khai nei” cik ci gui.

KHEI NAK 14:11

Bawipa naw Moses cu pyen nak ci, shin ah chang gui naw a i güt na hnungtuk püi khai gui ang? Cäi-aih vai gui akchün akda m’dang pang ä sei phi, ngami naw a i güt kei ung ami ng’ap vai cu mak khai gui ang?

SAM 78:40

Ngami naw ani cu bungpuk ah ashäng shäng hnu ng’tuk püi ci gui; akda vei m’thüi ci gui!

JEREMIAH 32:29

mei awn m’khih khai gui chang gui naw im m’cung khan ah Baala am tui ng’ui m’khin ne, ahei khanpughi gui am sapyit tui douthak ne kei ami na m’lungshe nak sak ah im gui mah mah ah m’khik khai gui

JEREMIAH 44:3

a i ah kyasei ci ung ami chang gui naw akshe bi u ne, kei cu na m’lungshe sak ci gui. Ngami naw a khanpughi hei ghi am khawihnak nak cu douthak u ne, ngami, nangmi la nami pupa gui naw kä ami khawihnah man ah khanpughi gui ah bii cu bik ci gui.

JEREMIAH 44:8

Nangmi naw law ne nami om nak ah shin ah Egypt khaw ung agup gui khawihnah ne, ahei khanpughi gui am khawihniah na douthkne nami kyak nak awn a i ah kyasei kei nami na m’lungshe sak ang? Nangmi naw shin nami bi nak awn nami mät naw nami mät nami m’di ne ang, cun ah kyasei m’dek khan ah om ciah pakhui päng naw ning gaih tu gui ne nami ming cu plah taam nak ah mang khai gui nei?

JUDE 1:5

Bawipa naw Israel chang gui cu k’phyawn gui ne, Egypt khaw ung kaa k’plawk ba gui netah, kä yum ciah chang gui a dimaih sak gui cu, nami hmat pyi ah kya pang sei phi ka ning shüm ba sak gui hlük ci nei.