HEBRU 3:13 - Cho Bible Common Language 2016

¹³ Nangmi cu cheishoh nak ung kä thuvi ne kä nami lingkheng-en vai ah, cacim theing naw “tuhngawi” ciah thu anam thein nak gui a om ah chuih, ak hnüüp tä sei tumat la tumat anmi hteinghtang tu vai nei.

HEBRU 3:13 Referans Kwoze

1 THESSALONIAN 5:11

Acun ah kyasei tuhbäi nami bi ah mäih ah tumat la tumat k’thagui nami ng’peit tu vai, nami ng’hteihtang tu vai nei.

2 TIMOTHI 4:2

Cun ah kyasei akhin a om ung phi, kä a om ung phi Thu Ni cu na pyein vai nei. Na thu ngai yak ci gui cu ami katnak dang sak gui ä, m’cäi gui ä, thagui pe gui ä, hnimgein nak awn m’theithang gui ä.

1 THESSALONIAN 4:18

Cun ah kyasei shin ah ng’thu awn tumat la tumat k’thagui nami ng’peit tu vai nei.

ROMAN 7:11

Kat nak naw lam shui ne thukhän am’dang nak awn kei cu na sih sak ci nei.

LAMKTU 11:23

Ani cu cunah gawnu ah gawk ne, Khanpughi naw chang gui am hriham a peit gui cu hmu ne yeikyai netah, ami m’lung kyong avan awn Khanpughi yum ne ng’düng nak awn ami om vai ah m’cäi gui ci.

JAMES 1:14

Cun ung phi chang tumat tüihtok nak a gah nak cu, amät ah shekak ciah ang yak hlü nak lam ah a läk nak ah kyak ci.

EPHESIAN 4:22

Cun ah kyasei ghin cu om düt ah ghin nak man, ak phyim cu lim ne nawng shüt vä. Mät ah ng’yak hlü hlimtui nak awn didap thei ciah, ghin nak phyim cu hnu nah vä.

OBADIAH 1:3

Na khähghah naw ning m’hleei ci, Na mang gaw cu kheng lung ah m’liu ci; Na im cu khomhtung pha ne hlüng ci, cun ah kyasei na mät ng’htau ne, ‘A u naw kä na buh tawn hlawt khai ang?’ na cik ci.

NG'THU K'THUUK~ 28:26

Na mat ah ngaih ba ah na om cu na gu ang ah kyak ci. Na phyawn nak vai ah cuivai ba pi ciah m’theithang cu na lak vai.

1 THESSALONIAN 2:11

Apa naw a hta am htei ah mäih ah keimi naw ak chang sing kami ning m’htei gui cu, nami hmat ci.

ISAIAH 44:20

Ani ah bilawh cu m’vut ei ah mäih ah kyak ci. Ani ah anglam ciah ang ngaih-tüh nak naw lam hma sak ciah kyasei m’htei htang tu vai ah phi kä kyak ci nei. Ani naw a kut ung akawh ah agup cu khanpughi ah kä kyak cicu amät naw amät kä hmat ci.

HEBRU 13:22

Phäi nau gui aw, shin ah k’tha peit nak cu hnimgei ne nami ngaih vai ah ka ning paa nah gui ci nei. Tuhbäi ca ka ning guk law gui cu kä ng’sau aih hnga ci nei.